Dataset Viewer
url
stringlengths 15
12.4k
| timestamp
timestamp[ns, tz=UTC]date 2020-01-17 12:35:41
2022-12-10 10:29:17
| content_type
stringclasses 1
value | text
stringlengths 33
197k
|
|---|---|---|---|
https://www.hkcnews.com/article/18973/%E7%B2%B5%E6%B8%AF%E6%BE%B3%E5%A4%A7%E7%81%A3%E5%8D%80%E7%99%BC%E5%B1%95%E8%A6%8F%E5%8A%83%E7%B6%B1%E8%A6%81-%E8%A2%AB%E8%A6%8F%E5%8A%83-18986/4%E5%BC%B5%E5%9C%96%E7%9D%87%E5%A4%A7%E7%81%A3%E5%8D%80%E9%A6%99%E6%B8%AF%E8%A2%AB%E8%A6%8F%E5%8A%83
| 2020-01-22T02:57:32 |
text/plain
|
大灣區香港被規劃，仲話「蘇州過後冇船搭」？林鄭月娥同中央幾時問過香港人有幾多人想上呢隻船？簡單疏理咗《粵港澳大灣區發展規劃綱要》呢份文件（下稱《規劃》），用下面4張圖睇吓香港被規劃咗咩嘢角色，同埋呢啲角色有咩影響，再睇下盤數，因為香港用喺大灣區嘅公帑，唔止預算案果啲數咁少，咁就明白上呢隻船，香港點解失多得少，危多過機。
睇完香港被規劃嘅角色點樣危機重重，再睇下另一個天大危機——走去大灣區嘅香港公帑，唔止財政預算果啲數咁少。
林鄭月娥喺政府打滾多年，熟悉政府架構運作同條例，「最叻」諗啲「絕世好橋 」，所以佢將來肯定會成立呢類大灣區機構同基金，避過公眾同立法會監管，向中央交單交心；西九故宮博物館一役， 佢已完美示範「深厚嘅功力」。香港百年一遇嘅「搬金奇才」，林鄭月娥當之無愧，我哋會銘記於心，出賣港人利益嘅名單，一定會留番個位俾佢。
睇完3張圖，最後就總結一下大灣區香港被規劃嘅得同失。
得，咪就係所謂嘅四個流通，但香港將失去嘅會好大鑊，除經貿外，各方面嘅政策自主權被嚴重削弱；香港各方面嘅標準要求，一向比中國高，而家同大灣區大融合，咁我哋咪要去遷就中國，降低香港嘅標準要求囉。要人才同資金流通，咁將來大灣區嘅社工、醫護人員、教師，將來甚至任何專業人士，都可以嚟香港打工，咁我哋香港嘅專業水平咪降低囉；要貨物流通，食物同環境安全會降低，奶粉變毒奶，疫苗變毒苗。專業水平同規管 ，會全方位大幅下降；大灣區人同車走嚟香港，人口、交通、社福民生醫療服務全面逼爆。要資金流通，大搞跨境人民幣交易投資， 咁香港嘅金融規管就會越嚟越鬆，風險激增，金融系統穩定性受衝擊 。
香港各方面嘅標準安全同監管受嚴重衝擊，一萬字都寫唔完，呢啲正正就係劣幣驅逐良幣嘅現象，令香港加速失去獨有優勢 ，危及香港嘅地位同前途。
附1：將化簡為圖，難免粗疏錯漏，萬望包容指正。
附2： 探索成立聯合投資開發機構和發展基金——《規劃》中和香港有關的重點撮要如下：
粵港澳合作的投資開發項目：
香港主要任務：
人才培養、資格互認、標準制定等方面加強合作：
幫助香港青年在大灣區創業就業的項目：
|
https://zh-yue.m.wikipedia.org/wiki/%E5%9C%8B%E6%B3%B0%E8%88%AA%E7%A9%BA
| 2020-01-23T11:39:49 |
text/plain
|
國泰航空公司（英文：Cathay Pacific Limited，香港交易所：00293，OTCBB：CPCAY）係一間以香港國際機場為樞紐嘅亞洲航空公司，亦係香港最大嘅航空公司。旗下嘅子公司有國泰港龍航空同埋香港華民航空。為寰宇一家成員之一。
國泰喺香港上市，喺2004年嗰陣佢嘅資產淨值為32,855百萬港元，2005年嗰陣純利有3,298百萬港元。
呢篇國泰航空係關於香港公司嘅楔位文章，重未完成嘅。麻煩你幫手補充佢嘅內容。
呢篇航空公司文章係一篇楔。 你可以幫維基百科擴寫佢。
呢篇國泰航空係關於香港交通嘅楔位文章，重未完成嘅。麻煩你幫手補充佢嘅內容。
|
https://zh-yue.wikipedia.org/wiki/1881_Heritage
| 2020-01-20T08:42:25 |
text/plain
|
1881 Heritage前身係香港水警總部，喺香港九龍油尖旺區尖沙咀廣東道2號A，1884年至1996年期間係水警總區總部，1994年成為香港法定古蹟。2003年，政府推出發展前水警總部文物旅遊計劃，邀請私人發展商以招標形式去保存、修復同發展呢個歷史地段[1]。之後由長江實業地產有限公司發展，改建成為匯聚國際級購物商場、飲食娛樂同酒店於一身嘅特色建築物。
「1881」雲集多間國際品牌名店、時尚食府、古蹟酒店、同埋一個以古蹟為主題嘅展覽館，裏面嘅商舖、酒店同飲食設施總面積達到13萬呎。「1881」附近有香港文化中心、香港太空館、香港藝術館同尖沙咀鐘樓等地標建築物，亦都近住九龍公園、港鐵尖沙咀同尖東站、天星小輪同巴士總站，交通四通八達。「1881」建築極具特色，既有大型廣場，亦有百年古樹，配合夜晚特別嘅燈光設計，凸顯「1881」高貴不凡嘅氣勢。
「1881」而家嘅位置由1880年代開始直至1996年，除咗第二次世界大戰時期之外，一直都係香港水警總部。項目主要由五幢建築組成，包括前水警總部主樓、前馬廐、前時間球塔、舊九龍消防局同舊九龍消防局宿舍。根據《古物及古蹟條例》，項目喺1994年列為法定古蹟（除咗舊九龍消防局主樓），極具歷史意義，所以發展商特別將佢嘅名改做「1881 Heritage」，以凸顯呢度嘅歷史價值同發展商對重新為古蹟文物注入新元素嘅使命。
喺歷時6年嘅改建過程當中，設計師首要嘅任務係保留古蹟原貌，同埋加入新功能，呢個亦係整個項目最艱巨嘅地方。例如以前嘅防空洞，而家保留同復修作為通往展覽廳嘅通道，畀市民可一睹防空洞嘅真貌；為保留原址嘅古樹，特別邀請有關專家為大樹做評估、結構性修剪、日常護理同除蟲等工作。另外，為保留前水警總部嘅特色，以前用嚟向港口船隻報時嘅時間球塔亦會重新啟動；而喺廣場嘅地面亦特別鋪砌香港航海圖同子午線，以彰顯香港超過一百年作為經商港口嘅偉大使命。
最初叫做時間球塔，每日朝早由人手懸掛時間球喺塔頂，下晝1點除落嚟（除咗禮拜日同公眾假期），畀港口嘅船隻喺望到時間球除落嚟嘅時候，就可調校經線儀（航海天文鐘）。時間球塔旁係一支颱風訊號杆，用嚟懸掛颱風訊號之用。強風襲港嘅時候亦會發射颱風槍︰響槍一聲代表有強風逐漸移近，兩聲表示正有颱風吹襲，三聲就表示預計風向會有所轉變。響20世紀初，時間球搬咗去訊號山，從此結束咗時間球塔嘅歷史使命。
馬廐仍然保留舊式木門。
鴿舍喺前水警總部嘅主樓外牆，相傳喺19世紀，信鴿係當時水警總部同海上水警船艇之間傳遞資訊嘅工具。
前水警總部裏面原有嘅鑄鐵壁爐，上面有精細鑄花圖案。
香港水警喺1841年成立，部隊成員由唔同國籍人士組成，包括歐洲籍、中國籍同印度籍。
水警警員透過槍房嘅保安窗戶交收槍械，以配合保安程序。
主樓地下嘅木地板同地面保持一定距離，令到個到有足夠嘅通風，所以設有地板門通向地下嘅維修同通風空間。
前水警總部原有三間監牢，全部都保留低，並擁有超過一百年嘅歷史。
前水警總部原有三盞煤氣燈，全部都保留低。
喺前水警總部西北草坪一角，原本裝置咗一部三磅哈乞開斯式速射炮。但係喺1961年，呢個炮台同怡和嘅午炮互相對調，直至1996年呢個舊午炮被轉送到西灣河嘅新水警總部。而家喺草坪上嘅炮台係專程由外地買返嚟相同型號嘅炮台。
原本沿廣東道嘅花崗石護土牆因應政府計劃嘅廣東道擴建工程而被拆除，原有護土牆每一石塊經仔細拆下同編號後，而家重置喺九龍公園徑嘅護土牆。
呢版上次改係2019年2月8號 (禮拜五) 04:47 嘅事。
|
http://www2.hkej.com/instantnews/market/article/2253208/%E3%80%90%E7%9B%A4%E6%88%BF%E4%BE%86%E6%96%99%E3%80%91%E7%99%BE%E5%A8%81%E4%BA%9E%E5%A4%AA%E6%8D%B2%E5%9C%9F%E9%87%8D%E4%BE%86%E4%BB%A5%E6%81%AF%E8%AA%98%E5%AE%A2
| 2020-01-28T09:44:13 |
text/plain
|
隔晚美股回穩，市場靜待今晚聯儲局議息結果，目前利率期貨顯示今次聯儲局議息或減息0.25厘，而大家更關注應該係議息會議聲明，如果減息預期跟市場一致，當然對股市係正面；一旦議息聲明變得鷹派，股市就有得震，冇得瞓。而港股今日半場可以話悶到嘔，高位波幅只有134點，幾乎係點咗穴咁款。
恒指高開48點後，升幅一度擴闊至100點，見過26891點半日高位，可惜喺10日線(26889點)及50日線(26891點)滙聚區遇到阻力，結果又掉頭回落，呆呆滯滯下恒指倒跌33點，低見26756點，其後收復失地。恒指中午報收26797點，升7點；國指同樣升7點，報收10509點。
藍籌股個別發展，不過高盛發報告睇好5G共建共享，睇好聯通(00762)及中電信(00728)，更表示兩間公司望在網絡覆蓋及深度方面，可以跟中移動(00941)有得揮。得到高盛加持，兩股齊齊上升。至於其他重磅股有升有跌，其實個市悶到咁，真係不值一提。
今日手機股又落鑊，主要係蘋果新iPhone內地預售成績相當勁，電商京東開賣五分鐘即沽清iPhone11 Pro系列，蘋果新機預售量按年增加480%；而另一電商天貓首日預售量按年增長335%。內地人口裡話愛國，要支持國貨，但身體總是最誠實，把口幾唔鍾意外國勢力都好，咪又係狂買外國貨。蘋概股落鑊大炒，相關股份升幅閒閒地由3%至10%，反而之前係威係勢嘅舜宇(02382)只係升得0.6%。
話咗見到石油股升唔好太興奮，喺沙地能源部長披露，石油設施遇襲後，最快可於本月底回復正常生產，消息拖累國際油價顯著回落，而出咗名難炒嘅三桶油以及其他油服股亦齊齊腳軟。相反受油價急升影響，早兩日急跌嘅航空股，今日反彈。
7月份重量級新股百威亞太(01876)捲土重來，再進行其集資計劃，入場費減至3030.23元，今日開始招股，而集資額則縮水一半。不過百威亞太減價後亦唔見得特別平，不過由於上次招股時，喺國際配售部份未有引入基石投資者，可能汲取咗上次教訓，今次已經搵咗GIC認購總值10億美元新股。而招股文件今次更承落上市後派息比率不低於25%，一於以息誘投資者。
不過較吸引阿Man注意嘅係另一隻主板新股LFG投資(03938)，家陣唔係建議大家要落飛，主要係LFG即係魚缸中人稱為LEGO嘅金融機構，今年第一季時曾受港交所(00388)綠色通道醜聞困擾。當時有傳聞指LEGO係涉嫌被調查對象之一，其曾保薦嘅新股曾透過綠色通道獲上市審批。
不過LEGO成功上市，呢個謠言不攻自破，能獲批上市證明公司並未涉及相關醜聞，而過往由LEGO保薦上市嘅公司亦屬清白，並唔係傳聞中嘅問題公司，所以阿Man經常強調Fact Check係一種態度。
|
https://www.upower.com.hk/article/476827-%E3%80%8A%E9%AC%BC%E7%89%87%EF%BC%9A%E9%A9%9A%E5%9A%87%E7%8F%BE%E5%A0%B4%E3%80%8B%E5%8F%B2%E4%B8%8A%E6%9C%80%E5%AF%AB%E5%AF%A6%E9%AC%BC%E7%89%87-%E6%8F%BE%E9%AC%BC%E6%8B%8D%E9%AC%BC%E7%89%87%E8%81%BD
| 2020-01-26T07:17:51 |
text/plain
|
電影都係人扮鬼，但係現實之中就有好多鬼扮人。
韓國近年鬼片風格「寫實」，繼《瘋人院逐個捉》之後，又一部喺廢棄現場取景嘅作品。《鬼片：驚嚇現場》故事以「由鬼拍嘅鬼片」作為主題，要觀眾嚇到喺戲院走返出嚟。
電影主要喺群山嘅荒廢戲院取景，現場周圍都係空房、雨水同埋鐵鏽味。本身拍攝現場都已夠晒陰森，演員嘅演出自然就會更加好，觀眾睇戲嘅時候都會更具實感。
另外，呢部電影值得留意之處係女主角徐叡知一人分飾兩角，扮人又扮鬼，仲會親錄埋戲中嘅鬼聲鬼氣。同埋仲有《炸雞特攻隊》嘅最佳男配角陳善圭加盟演出，令成部戲更加精彩。
《第一滴血：終極血戰》不死英雄傳奇蘭保 仲剩幾多滴血？
買酒精消毒液捽手應該點揀？ 化學博士提醒留意兩種成份！
網球員手指受傷要求女球童幫手「剝蕉」 遭澳網主裁怒斥：請你自己剝！
【復4】最新核彈級刪剪片段 古一大師話你知其實魁隆仲未死！
為讓殘疾女兒暢玩Switch 英國父親自製無障礙手掣！
|
https://zh-yue.m.wikipedia.org/wiki/%E7%A4%BE%E6%9C%83%E4%B8%BB%E7%BE%A9%E5%8B%9E%E5%8B%95%E8%8B%B1%E9%9B%84
| 2020-01-19T13:47:38 |
text/plain
|
社會主義勞動英雄（俄文：Герой Социалистического Труда），係前蘇聯頒發嘅一個榮譽頭銜，授予響經濟同文化領域上面作出重大貢獻嘅蘇聯公民，性質同頭銜「蘇聯英雄」好相似，不過獲得「蘇聯英雄」嘅人可以係外國公民。
呢個頭銜係由蘇聯最高蘇維埃主席團響1938年12月通過行政命令而設立，而獲得者係對蘇聯工業、農業、交通、貿易、科學同科技嘅發展作出貢獻，並能夠展示蘇聯嘅威武同光榮嘅蘇聯公民。
早期獲得「社會主義勞動英雄」頭銜嘅人會被授予蘇聯等級最高嘅獎章列寧勳章同一份由蘇聯最高蘇維埃主席團簽發嘅證書。後嚟為咗將「社會主義勞動英雄」同其他獲得列寧勳章嘅人區分，主席團響1940年5月通過一份行政命令，獲得「社會主義勞動英雄」頭銜嘅人喺領取列寧勳章同證書嘅同時，重可以獲得一面金牌，金牌上嘅圖案係鐵鎚同鐮刀，而金牌嘅形狀係星形。金牌嘅大細係由斯大林制定，響制定獎牌嘅大細嗰時，佢曾經邀請工人同平民戴上唔同大細嘅獎章樣本，最終佢將星形獎牌嘅直徑制定為33.5毫米。
如果一名獲得「社會主義勞動英雄」頭銜嘅人再次為蘇聯的發展作出重要嘅貢獻，最高蘇維埃主席團可以向佢授予另一枚鐵鎚同鐮刀獎章，重會響佢家鄉立一尊銅像，紀念佢對蘇聯嘅貢獻。
第一個獲得「社會主義勞動英雄」頭銜嘅人係蘇聯領導人斯大林，佢係響1939年12月獲得呢個頭銜。第二個獲得呢個頭銜嘅人係機關槍設計師瓦西里·捷格加廖夫（響1940年1月獲得）。最高蘇維埃主席團第三次授予「社會主義勞動英雄」頭銜嗰陣時，一共向9個武器設計師授予呢個頭銜，包括費德爾·華西列維奇·托卡列夫、玻利卡爾波夫等等。
三次獲得社會主義勞動英雄稱號嘅人一共有16位，其中包括飛機設計師安德烈·圖波列夫。截至1971年9月，一共有16,245名人士獲得呢個頭銜。響蘇聯解體嗰陣，獲得呢個頭銜嘅人有大約19,000名。1980年1月蘇聯最高蘇維埃主席團曾經通過決議，褫奪抗議蘇聯入侵阿富汗嘅科學家薩哈羅夫嘅頭銜。
Oruzhie雜誌，第9頁，1998年第5版同1998年第6版。
|
https://fitz.hk/sports/running/%E6%AD%BB%E8%82%A5%E4%BB%94%E7%9A%84%E8%B7%91%E6%AD%A5%E5%A4%A7%E5%85%A8-100%E6%A2%9D%E8%B7%91%E6%AD%A5%E7%AD%86%E8%A8%98-%E4%B8%80/
| 2020-01-18T11:49:13 |
text/plain
|
1. 聲明: No offense, 「死肥仔」呢個稱號，唔係講你、你、你，或者你，係講我自己! 我真名無人想知，總之呢幾十年來，人人係叫我做「死肥仔」。不嬲都係，只要你身型略胖，你就姓「死」名「肥仔」。
2. 呢份筆記係我呢幾個月以嚟，每次跑步所諗到嘅嘢。大多數係跑步嘅心得，亦有個人抒發，唔使 fact check，大家亦唔好挑機。因為全部都係我自己嘅經驗，大家信就信，唔信都無計。
4. 我當然唔係有絕症，身體狀態相信係步入中年之後最fit。我只不過係開始咗跑步4-5個月，體重由80公斤減至60公斤左右咋。
5. 我呢20公斤體重，幾肯定係用跑步減番嚟 (除非我有隱疾)。因為我呢幾個月除咗培養咗跑步習慣之外，食嘅嘢同以前一樣，都係早餐食個沙嗲牛麵加杯凍啡，間中飲下可樂。食量因為有做運動而增加。而且呢個60公斤嘅體重，仲係維持咗大概兩個月都無變過。
6. 我想講嘅係，當你可以養成跑步習慣嘅話，其實可以解決好多健康問題。
7. 我整理100條跑步筆記，就係想大家可以培養一個運動習慣，減肥只係bonus。
8. 減肥有千百萬個方法，各有所好。不過我剩係試過跑步減肥，覺得work，就不妨介紹畀大家。大家如果覺得有其他方法仲好，亦唔使介紹畀我，你哋自己去試啦。
9. 想當日我失驚無神落街跑步，都係因為我好鍾意食丁麵飲可樂，喺唔想改變飲食習慣嘅情況之下，唯有改變作息習慣啦。
10. 重要嘅事講多次: 對我嚟講，減肥只係附加價值，我只係想同大家講講我養成跑步習慣嘅經驗。至於可唔可以兩個月減到二、三十磅，當中涉及好多因素。唔通我三十年前係長跑冠軍又要同大家講咩。
11. 某年某月某日，死肥仔唔知黐咗邊條筋，晨咁早著住對無印良品運動鞋，落街用10分鐘一公里嘅步速，跑咗1.3公里。自從嗰日開始，發覺落街跑步都唔係一件困難嘅事，自始之後養成咗一個跑步習慣，隔得太耐無做運動，會周身唔聚財。
12. 做左肥仔幾十年，深深明白肥仔嘅姿整程度，同小白臉美男子不遑多讓。肥仔出街驚畀人望 (特別我呢啲中央肥胖，大肚婆身型)，郁一郁成身汗驚臭到人，搭地鐵唔敢坐驚搞到隔離位好迫。所以最初要我呢條肥仔落街跑步，心理壓力好大，好驚被人笑。
13. 以前唔做運動，見到有肥佬喺街上跑步，心裏面都會笑佢跑唔郁，跑得咁辛苦為乜丫。
14. 不過後來發現，你就算跑10分pacing，慢過蝸牛，但條街根本唔會有人留意你 (除非你跑彌敦道)，而只要你專心跑步，你只會留意自己呼吸，留意自己步伐，唔會得閒理外界嘅人和事。
15. 我都係普通人，最初跑步都好介意畀人望。所以我最初個幾月都只係喺緩跑徑跑，一走出緩跑徑即係扮演路人甲。
16. 對我嚟講，呢個心理上嘅難關係難搞過體能嘅不足。不過只要有決心去克服，其實亦唔係咩大問題。
17. 心態上仲有一樣要調整，就係跑步嘅速度。既然我穿上跑鞋嘅目的，唔係為咗要破紀錄，亦唔係為咗要跑完一場全馬，所以最初我連手錶都唔戴，跑幾耐跑幾快跑幾遠通通都唔理。要知道，肥人好容易因為激烈運動而受傷，而且太辛苦亦容易令人放棄。所以，慢慢來點都會比較快。
18. 用上面呢個心態，跑步時覺得辛苦，喘唔到氣，腳痛等等，不妨以行代跑。記住你嘅目的只係做運動，唔係接受操練，唔使搏命嘅。
19. 試過跑得太辛苦，會影響你之後嘅工作，個人攰到唔想做嘢。我嘅原則係做運動唔應該影響生活上嘅其他事。
20. 不過又唔好落運動場跑兩圈就當自己做咗運動。依照一般講法，每次做運動至少要做半個鐘，仲要出汗。所以嗰日就算我狀態好差，我行都行足半個鐘。
21. 補充一句，明白到要大家日日做運動係好困難，我自己都唔得。我大概一個禮拜兩至三日，試過跑得太密，會太攰甚至有腳痛。
22. 我幾十年嘅失敗經驗，越係煞有介事，越係容易失敗。所以，我跑咗咁耐，一直都無post facebook。
23. 直到有日有人突然同你講:「咦，你好似瘦咗 / 黑咗 / 精神咗……」嗰陣嘅痛快一定開心過 facebook呃到1000個likes。
|
https://zh-yue.m.wikipedia.org/wiki/%E9%A6%99%E6%B8%AF%E6%A8%99%E6%BA%96%E6%99%82%E9%96%93
| 2020-01-21T06:06:15 |
text/plain
|
香港標準時間，或者叫香港時間（Hong Kong Time，HKT），係香港用嘅時間，由香港天文台授時系統負責管理。香港標準時間係比協調世界時快8個鐘，即係位於UTC+8。
殖民地時代早期，香港時間係靠天文台嘅天文觀測報時。香港喺1904年用格林尼治標準時間，1972年先至採用協調世界時。當國際協調時間係凌晨0:00時，香港係上晝8點。
香港天文台授時系統係負責香港時間嘅授時服務。1885年1月1號13:00，香港天文台喺尖沙咀警署降咗一個時間球作為報時訊號，開始咗香港時間嘅標準。當時香港時間係用當地標準時間（LMT）- UTC+7:36:41。1905年元旦，香港時間正式確定為格林尼治標準時間快8個鐘（GMT+8）。1972年1月1號，香港時間改以協調世界時作為法定時間標準。而家，香港天文台以銫原子鐘報時系統作為香港時間嘅標準，誤差僅為每日1微秒之內。
香港喺1941年4月1號至9月30號開始實行夏令時間，即係夏季期間嘅日子比正常時間快一個鐘。1941年12月，日軍佔領香港。喺香港日治時期，香港名義上全年採用夏令時間，實際上係令到香港時間同日本標準時間（UTC+9）一致。香港重光後，由1946年至1980年，香港時間恢復只喺夏季期間採用夏令時間，一般係4月中至10月中。1980年，香港天文台認為香港緯度比較低，唔使用夏令時間，所以取消咗夏令時間。
收聽由香港電台發佈嘅六秒信號，亦可以上天文台授時服務網頁。
|
https://zh-yue.wikipedia.org/wiki/%E6%B2%B9%E5%B0%96%E6%97%BA%E5%8D%80%E8%AD%B0%E6%9C%83
| 2020-01-17T18:31:40 |
text/plain
|
油尖旺區議會係香港九龍油尖旺區嘅區議會，佢嘅前身分別係1982年成立嘅油麻地區議會同埋旺角區議會，當時尖沙咀屬油麻地區嘅一部份。而油麻地區喺1988年改名做油尖區。1994年油尖區議會同旺角區議會合併成油尖旺區議會。
油尖旺區議會負責協助處理九龍半島嘅油麻地、尖沙咀、旺角三區事務。呢區有20個議員。
民建聯係油尖旺區議會第一大黨，其次係經民聯。按議員表決時嘅投票傾向，大致可分為建制派同泛民主派兩大陣營。
註 #: 主席一般唔參與表決，實際表決人數比顯示少1人。
↑ 議席原本由西九新動力梁偉權贏出，其後民協林健文投訴選舉結果，到咗2013年3月22日，高等法院裁定選舉結果無效，需要補選，最後林健文獲勝。
呢版上次改係2020年1月8號 (禮拜三) 17:17 嘅事。
|
https://blog.xebe.com.hk/travel-companions-are-really-important/
| 2020-01-19T04:28:30 |
text/plain
|
難得安排好假期，搵朋友一齊旅行，但係出發前或者期間（但訂好晒機票），發現兩個完全唔夾，為左行程大吵、小吵，或者旅行期間自己玩自己既，以上既事都令自己興致大大降低，破壞去玩既心情，亦顯示，去旅行時隔離個個好重要！以下有幾個揀旅伴既注意事項：
1.你們個性夾唔夾？
在日常生活中，就知你跟個位朋友夾唔夾得黎，會因為同一張相而笑嗎？生活上佢會對某些事情好執著嗎？參加活動時，收到好差既企業贈品，佢會狂抱怨嗎？定係輕輕帶過？呢部份可以先從好朋友名單過濾，從平日既交情去揀！如果有住過既室友，更有依據。面對同一件事，但反應差很多，咁就要審慎考慮。
唔係要你地唱歌和音DOREMI，但係如果生活頻率相同，更進一步既係用既野同鐘意既野都好似，例如：你地有類似既筆、杯到旅行護照夾等，風格差唔多，都係可愛、簡約，即係你地品味唔會差太遠，所以行程安排既血拼地點，就唔怕你地唔合拍！
3.對方既行事風格？擅長咩？
五日既旅行，不如諗下之前有冇國內旅行，一日遊或者三日兩夜。係短暫相處中，佢有冇咩舉動係你睇不慣？好似之前有人抱怨旅伴，貪小便宜咁攞好多企業贈品等等。仔細思考細節，唔好比呢種特點變成旅行既計時炸彈。如果有一兩日既相處都冇咩問題，咁五日以上既旅行都會比較放心。
以上幾點都係小小既參考，旅行最重要既係，玩得開心！就算揀到「豬一樣既隊友」都要一笑置之，開心咁玩落去啊！
|
https://zh-yue.m.wikipedia.org/wiki/%E8%96%A9%E5%BD%BF%E6%89%98%E9%9B%B7%E8%B2%BB%E6%8B%89%E6%A0%BC%E6%85%95
| 2020-01-23T23:35:19 |
text/plain
|
唔好同薩彿托雷費拉格慕 (公司)搞亂。
薩彿托雷費拉格慕（1898年6月5號—1960年8月7號）係意大利嘅時裝設計師。同時Salvatore Ferragamo亦係一個時裝牌子，就咁叫費拉格慕，開玩笑咁叫飛甩雞毛。
費拉格慕係喺意大利南部拿玻里出世。1914年移咗民到美國加州。喺嗰度佢開設咗一間補鞋舖，又幫電影人設計皮鞋，所以電影界嘅人有唔少都識佢，好似瑪麗蓮夢露就係費拉格慕嘅支持者。
1927年費拉格慕返番到意大利，喺佛羅倫斯開設佢自己嘅專門店；1951年完成咗佢第一個時裝騷。九年之後，費拉格慕過身，由佢啲仔女接掌佢嘅生意，最後重將專門店由造鞋，擴展到連時裝、手袋、銀包、香水都賣。
呢篇薩彿托雷費拉格慕係關於意大利人物同傳記（唔包括古羅馬人物同傳記）嘅楔位文章，重未完成嘅。麻煩你幫手補充佢嘅內容。
|
https://www.dvc.taichung.gov.tw/832717/832721/832748/839642/post
| 2020-01-27T03:11:55 |
text/plain
|
◆家庭暴力防治業務：
1、家庭成員間實施身體、精神或經濟上之騷擾、控制、脅迫或其他不法侵害之行為。
2、本法所定家庭成員，包括下列各員及其未成年子女：
（1）配偶或前配偶。
（2）現有或曾有同居關係、家長家屬或家屬間關係者。
（3）現為或曾為直系血親或直系姻親。
（4）現為或曾為四親等以內之旁系血親或旁系姻親。
◆性侵害防治業務：
凡遭受刑法第二百二十一條至第二百二十七、第二百二十八條、 第二百二十九條、第三百三十二條第二項第二款、第三百三十四條第二款、第三百四十八條第二項第一款之侵害者，即：
1.不論男女遭受以強暴、脅迫、恐嚇、催眠術或其他違反其意願之方法而為性交或猥褻者。
2.不論男女遭受利用其精神、身體障礙、心智缺陷或其他相類之情形，不能或不知抗拒而為性交或猥褻者。
3.遭受因親屬、監護、教養、教育、訓練、救濟、醫療、公務、業務或其他相類關係受自己監督、扶助、照護之人，利用權勢或機會為性交或猥褻者。
4.遭受以詐術使男女誤信為自己配偶，而聽從其為性交者。
兒童及少年福利與權益保障法所稱之兒童(未滿十二歲之人)及少年(十二歲以上未滿十八歲之人)各項保護服務工作。
依性騷擾防治法第2條規定係指性侵害犯罪以外，對他人實施違反其意願而與性或性別有關之行為，且有下列情形之一者：
1.以該他人順服或拒絕該行為，作為其獲得、喪失或減損與工作、教育、訓 練、服務、計畫、活動有關權益之條件。
2.以展示或播送文字、圖畫、聲音、影像或其他物品之方式，或以歧視、侮 辱之言行，或以他法，而有損害他人人格尊嚴，或造成使人心生畏怖、感受敵意或冒犯之情境，或不當影響其工作、教育、訓練、服務、計畫、活動或正常生活之進行。
1.受理家庭暴力及性侵害案件及兒童少年虐待疏忽案件通報及輔導。
2.辦理被害人保護扶助措施：
（1）提供免費法律諮詢服務(需事先預約)。
（2）家庭暴力及性侵害被害人及其家屬職業輔導轉介。
（3）法院裁定家庭暴力案件未成年子女會面交往服務。
（4）緊急庇護安置服務。
（5）家庭暴力及性侵害被害人通譯服務。
（6）目睹暴力兒童及少年輔導服務。
（7）兒童及少年保護個案家庭服務方案(家庭維繫、家庭重整、親職教育、追蹤輔導)。
（8）兒童及少年寄養安置服務。
（9）少年自立生活適應協助方案。
4.提供被害人各項補助：
（1）辦理家暴被害人緊急生活扶助費用、非屬全民健康保險給付範圍之醫療費用及身心治療、諮商與輔導費用、訴訟費用及律師費用、房屋租金費用、子女教育、生活費用、機票費用及其他經評估認有必要之費用。
5.辦理加害人業務：
（1）家暴加害人裁定前鑑定。
（2）家暴相對人輔導服務。
6.辦理家暴及性侵害防治教育宣導、訓練、研討會。
7.性騷擾防治業務：
（1）行政申訴受理-行為人是所屬單位最高負責人時，於事發後1年內向直轄市、縣(市)主管機關提出。
（2）再申訴受理-不服性騷擾申訴結果，於收到性騷擾事件申訴結果通知書(函)到達次日起30日內，填寫性騷擾事件再申訴書，向直轄市、縣(市)主管機關提出。
|
http://www2.hkej.com/instantnews/market/article/2249899/%E3%80%90%E7%9B%A4%E6%88%BF%E4%BE%86%E6%96%99%E3%80%91%E7%9F%AD%E7%82%92%E8%BB%8A%E8%82%A1%E5%AF%A7%E9%A1%98%E9%A3%9F%E5%B0%91%E5%A4%9A%E6%95%99%E8%A8%93
| 2020-01-27T16:30:27 |
text/plain
|
中秋佳節，港股都算係咁，至少上半場都算唔錯，都係多得美股隔晚做好，中美貿易關係繼續緩和，更有消息指侵侵考慮跟中國達成臨時貿易協定，雖然家陣仍然十劃未有一撇，但呢個消息足以令美股繼續做好，道指更連升七個交易日。至於香港呢，雖然中秋節一向都係全日市，但今日係星期五，本來都有周末效應，預咗今日港股都會較為靜局。
恒指高開66點後，開市一度跌13點，見過27074點半日低位，其後拗腰向上，半日最多升111點，見過半日高位27198點。恒指半日報收27186點，升98點；國指半日升54點，報收10647點。重磅紅籌股普遍向上，尤其係受貿易戰受累股，今日特別醒升，萬洲(00288)跟申洲(02313)分別升1.4%及2.2%。不過油價有啲腳軟，中海油(00883)跌1%，話咗喺經濟前景麻麻地嘅情況下，油價都係有波幅，冇升幅。至於連續多日進行公司回購嘅騰訊(00700)半日下跌0.2%，似乎350-355元呢個阻力魔咒仍未解得開。
汽車股失驚無神又落鑊，主要係貴陽市取消限購，推高汽車股，唔知大家有冇去過貴州嘅貴陽市，講真阿Man去過，我真係去過。貴州喺全國嚟講唔算乜嘢發達地方，貴陽市亦如此，唔見得貴陽市取消限購令，對汽車股實質有幾大得着。不過缸邊友炒作就總係要搵藉口，汽車股今日普遍上升，而升幅更閒閒地超過2%。而4S零售商升幅更厲害，中升(00881)更創52周新高。只不過阿Man都係嗰句，中美貿易關係緩和，若然雙方就內地全面開放汽車市場達成協議，內地汽車製造業所受衝擊更難以估計，所以呢啲短炒，阿Man寧願食少多教訓。
地產股今日亦見腳軟，政府今天將就一手住宅物業空置稅條例草案刊憲，建議日後法例通過後，運輸及房屋局局長有權以「先訂立後審議」的方式調整空置稅徵收水平等，陀地地產股幾乎全部逆市下跌。
其實莫講話今日大部份公司都因為中秋節提早放工，對住魚缸嘅缸邊友，大部份都自己提早收市，睇番半日成交額得277億，真係少得可憐，個個無心戀戰。恒指升穿26800點再企穩二萬七水平，下周港股傾向繼續回補8月2日下跌裂口，以及收復250日線(27373點)及100日線(27595點)，做淡未係時候，建議淡友忍忍手。
|
https://mamidaily.com/article/64409/%25E6%25B8%25AF%25E5%25B3%25B6%25E5%258D%2580%25E5%2585%2592%25E7%25AB%25A5%25E9%2581%258A%25E6%2588%25B2%25E5%25AE%25A4
| 2020-01-27T06:17:13 |
text/plain
|
小西灣依個遊戲室雖然只有151平方米，但係入面嘅設施非常實用好玩，單單牆上嘅小設備就已經夠小朋友玩足半日！
依個遊戲室嘅開放時間有分冬夏季，去之前記得睇清楚開放時間，另外，就係遊戲室設備唔多，只有一般搖搖動物椅。
港島東依個遊戲室只有102平方米，場內有好多小梯同大氣球，可以比細B去玩，同慢爬，啱晒啱啱學行嘅小朋友去訓練腳仔力！
依間遊戲室依快樂馬戲班，設備有好多唔同嘅動物，但設備就較單調。
場內設備較單一，但因為遊戲室以深海歷險為主題，其中有唔少波浪型嘅大Cushion，對於攀爬系嘅小B就應該會相當刺激！
依間遊戲室有114平方米大，但設備唔多夠玩，而且唔係場內所有地方都有軟墊。
場內最吸引就係動物型滑梯，而睡且有唔少小型攀爬架都好適合細B玩㗎！
赤柱遊戲室有唔少大型積木，而且有好多唔同動物，好多小朋友都會玩砌積木㗎！
黃泥涌遊戲室有2個區，分別以中古城堡及海洋世界為主題，分別有73同63平方米，除咗基本係木馬設備，仲有滑梯同山洞！
|
https://zh-yue.wikipedia.org/wiki/%E6%9D%B1%E8%8F%AF%E4%B8%89%E9%99%A2%E7%BE%A4%E8%8A%B3%E5%95%9F%E6%99%BA%E5%AD%B8%E6%A0%A1
| 2020-01-18T04:43:14 |
text/plain
|
東華三院群芳啟智學校（英文：TWGHs Kwan Fong Kai Chi School）係香港一間中度智障特殊學校，位於九龍石硤尾大坑東南山邨道28號。
課室、言語治療室、工藝室、視覺藝術室、小賣部、多媒體學習中心、電腦室、資源教學室、圖書館、感覺運動室、健身室、多用途室、音樂室、有蓋操場。
中國語文、數學、常識、獨立生活、感覺統合、視覺藝術、音樂、體育、圖書館課、電腦、家政、設計與科技。
選修科目：科技與生活、資訊與通訊科技、應用學習、音樂、設計與科技、視覺藝術、社會適應、職業教育。
呢版上次改係2017年7月10號 (禮拜一) 09:53 嘅事。
|
https://gnimmm.com/2019/12/19/the_essence_of_law/
| 2020-01-22T02:23:22 |
text/plain
|
法治係英治嘅重要遺產，冇迷信過法治，其實就稱唔上香港人。相信法治，意識唔到中國之醜惡，係香港民族嘅共同經歷，而法律界精英嘅Hongkongness greatly originates from this。渴求公義，係因為香港人曾經感受過法治社會之美好，而曾經迷信，更加係香港人希望建立一個長久和平社會嘅重要動力。故此，我無意discredit仍然相信法治嘅人，亦唔會discredit法治，因為法治對香港民族而言，係一種近乎集體回憶嘅共同體體驗，大家都應該要永遠記得。
香港曾經係英國殖民地，而英國呢個宗主國講自由講民主講多元，故此法律之於香港人而言，就係一個社會所共同尊重而約定共用嘅語言。法律係文明人解決問題嘅工具，所以佢喺國與國之間都可以行之有效，因為各國都對法律原則有相同理解，而呢個就係所謂法治係普世價值一說出現嘅過程。香港人每次下意識覺得法律可以解決社會問題嘅時候，都係再次確認緊香港人真係受過西方主張嘅普世價值影響，同時證明緊香港人身上係出現咗一種中國人所缺乏嘅優秀社會基因。
社會基因唔可以同生物學意義之基因相提並論，但討論社會文化以至民族建構之時，講種族講血統，亦一早過時。香港人口之中，有好多都係中國移民後代，佢地之所以逃難，就係因為無法接受中國統治。因此，佢地選擇加入香港社會，而人亦逐漸變得與社會相容，然後習得新嘅適生模式。香港人社會基因同香港社會環境相契合，再透過言行身教去遺傳畀下一代，最終就育成出而家嘅香港人。抗爭至今，大家仍然知法守法，好多人都尚未接受法治一早失效之事實，所反映嘅正係香港人社會基因之活躍。呢個現象，不但唔會令我諗到法治膠呢類用字，反而更令我感受到香港人之與別不同，演化有成。
中國接收香港，連帶接收埋英治制度，新宗主國因而獲得對於香港嘅法律詮釋權。呢個法律漏洞，法律界一早就應該要認真看待，但換個角度睇，法律界嘅無知，其實又何嘗唔係香港人嘅共業？得過且過，奢望民主中國會突然成真，唔願意流血犧牲，的而且確係接受主權移交之時，普遍香港人嘅天真心態，呢啲都係香港民族歷史一部分。唔經歷壓迫，唔會成長，唔共同生活，唔會生出民族情感，只有接受過去，接受失敗，大家至會有成長成熟嘅一日。
香港民族孕育需時，九十年代嘅香港人根本唔會支撐得起今時今日嘅大規模抗爭，呢點大家都要理解，因此亦毋須苛責前人如李柱銘之流。李柱銘可能係膠，但佢嘅視野受成長經歷局限，唔代表佢唔係香港人，因為香港人嘅基因同能力係一直係演化緊。既然改寫歷史嘅責任真係降落喺我地肩上，我地就應該調整心態，精進自身，而唔係一直批評其他人，甚至標籤法律界精英為法治膠。假定命運為盲眼之駱駝，肆意踐踏自身，自我放棄，只會令自己距離出路更遠。
回望歷史，以美國為首嘅西方各國同日本都一度以為中國有意加入世界秩序，將會自然踏上所謂衣食足而知榮辱嘅進步路徑，然而，三十年過去，事實並非如此。各國睇到中國充當世界工廠嘅潛力，畀機會中國加入國際體系，另一方面又以為蘇聯解體就算係打敗共產主義，倦勤疏懶，唔再繼續清除餘毒，結果就係放生咗中國呢個計時炸彈。原來，中國從來無意安分守己，對普世價值嗤之以鼻，而且終極目標係意圖獨力挑戰拒絕古老帝國模式再起嘅現代世界，即使要發動戰爭都在所不惜——全世界後知後覺，如夢初醒，忽然就開始話中國賤視法治，唔尊重知識產權，開始制裁，其實惡果都係美國自己造成。
中國之世界觀，與現代文明國家差天共地，文化之極端相異，導致彼此之果然無法溝通，份屬必然。中國唔係以主權之國（state）自我定位，而係自視為歷史之國（country），因此主權概念同契約概念，都係佢地唔會跟隨嘅夷人玩意。西方國家本來係打算當中國係稀有物種咁養住，保持高人一等嘅姿態，賺取文明落差嘅紅利，無奈中國自身存在已經係寄生於世界秩序，以解構既有文化傳統同奪取市場生產成果為生存之道，美國迫不得已，就要收拾殘局（或協助東亞國家收拾殘局），而香港抗暴起事，爭取獨立，只係中國覆亡奇幻小說嘅開卷引子。無論如何，中國對於世界形勢同埋歷史進程嘅錯判，最終必然會令中國不得不接受已經拖延咗足足一個世紀嘅殘酷現實，就係真正而徹底嘅國體崩解，夢想幻滅。之後，由中國分裂而成嘅各國，將會重建社會共同體，然後建立國體，擁抱法治，學習告別中國，不過呢啲都係後話，唔係香港人目前最需要諗嘅嘢。
講返香港。進入亂世之前，大家應該把握時機，一齊檢視過去，趁機思考法治為何物。因循守舊，就會淘汰，努力求存，至會有得留低，從來都係大自然法則。法治之所以係香港社會之基石，在於香港人具備相信法律之信念，呢點係香港人可貴之處。中國人之所以事事訴諸暴力，中共之所以要以閱兵控制人心，就係因為佢地無法如同香港人一樣，以非暴力方式解決紛爭。如今，香港社會全盤赤化，永無寧日，已經失去非暴力嘅安逸空間，而星火戶口資金凍結之事發生，正係直接揭示出中共治下之法治根本無法如同西方模式正常運作，而且中共完全無意同香港人講和，還原所謂一國兩制。凍結戶口，下一步就係順藤摸瓜式大搜捕，企圖嚇退打算喺各位崗位支援抗爭嘅香港人，連捐錢都要嚴打，連做家長都要以洗黑錢之罪名趕盡殺絕。
以上狀況其實正係中共一貫打壓手段，中國人其實一直都活於呢種恐懼之中。香港人有別於中國人之處，就係中國人已經綁手綁腳，而香港人係會傾力反抗，而如此意志，所導向嘅就只有獨立戰爭。戰爭狀態前夕，大家趁早開始培養新習慣，保留現金糧食備用，都係及時。經銀行過數，資金流動盡在中共掌握，短期內會影響日常，但好快大家就會理解到對方權勢之無處不在，然後更加睇得清楚將來香港嘅情況係可以變得有幾嚴峻。概而言之，接受法治只會喺建國之後至會重臨香港，就係大家要建立嘅正確認知，而意識到既有秩序將會瓦解，大家更要團結一致，互點提點，守望相助。
香港人最突出嘅民族性，就係適應力強，而讀得法律嘅人，自然亦唔例外。因此，我希望大家可以思考清楚，香港獨立戰爭爆發在即，大家腦中所擁有嘅法律知識，到底可以點樣運用於盡量保留香港人經濟實力，以及減少香港同胞傷亡。大家已經唔會再有機會，為中國治下嘅香港建構任何新事，保障任何權利，因為中國從來都係以人治高於法治，而香港亦唔會再成為極權國家轄下嘅特區。繼續相信一國兩制有得修復，迴避中國解體在即嘅局面，只會白白浪費大家嘅才智，拖慢香港民族進入未來生態位嘅速度，甚至連累香港錯過難得一見嘅機會窗口。
學習，理應係為咗回饋社會共同體。追逐普世價值而忘記民族苦難，繼續喺現有制度之下漫無目的咁埋頭苦幹，必然係本末倒置。法律界精英最終只配飾演舊時代精英，同中國香港一齊埋葬，定係識得及時跳船，為日後香港民族建國準備，成為創建國家司法制度嘅真正精英，全繫於人嘅一念之間。學識淵博，但心中空洞無物，眼中只有利益者，註定係次一等嘅人，而我地香港人之所以有資格自外於中國，就係因為我地眼光遠大，心中有愛，知道自己努力精進嘅目標何在。當我地去到一個境界，係每做一件事，每睇一本書，都係思考緊自身對民族之歸屬承擔，咁一切知識都會發揮作用，加乘變大，最後令到香港民族資本持續增進，達到堅不可摧。
舊有法治已死，但香港民族尚未枯死。安葬之後，如此養分充沛嘅土壤，未來必然會開出更加茁壯嘅法治之花。香港人可以連繫過去與未來，再次以東方之珠美名立足於東亞，而要見證開花結果，靠嘅就係未來十年嘅播種灌溉，耕作不息。
失去法治，唔等於會失去香港。但有香港，就一定有法治。只要心中記得法治，中國解體之後，法治就會跟隨主權，重新回歸香港。
|
https://zh-yue.m.wikipedia.org/wiki/%E7%AC%AC4%E5%B1%86%E9%A6%99%E6%B8%AF%E8%A1%8C%E6%94%BF%E9%95%B7%E5%AE%98%E9%81%B8%E8%88%89
| 2020-01-22T12:13:09 |
text/plain
|
2012年香港行政長官選舉係為咗選出第四屆香港特別行政區行政長官嘅選舉，2012年3月25號舉行[2]。
呢屆行政長官會由一個1,200人組成嘅選舉委員會經一人一票唔記名投票選出。要成為候選人，就一定要攞到最少150名（總人數嘅1/8）委員提名，而每名委員只可以提名一位候選人（即係唔會出現多過8位候選人嘅情況）。而要當選特首就要攞到至少601張選票（過半數）。
呢次選舉有3個人參選，其中親建制派嘅參選人有兩個：唐英年同埋梁振英，另外重有泛民主派嘅何俊仁。
同之前兩屆唔同，呢次特首選舉有多過一個親建制派人士參選，令到親中派分成兩個陣營，一個支持唐英年，一個支持梁振英。佢哋各自支持其中一個人報名入閘、幫手諗競選策略同埋去投票等等。唐英年陣營主要包括地產同埋工商界嘅人，主要成員有任志剛、林大輝、全國政協常委陳永棋、周星馳、盛智文同埋王冬勝、田北俊等等；梁振英陣營主要包括傳統左派同埋部分專業界別嘅人，主要成員有羅范椒芬、李國章、劉夢熊、羅康瑞、張明敏、高志森、司徒永富、謝偉銓、盧偉國等等。
至於泛民主派，初頭有何俊仁同埋馮檢基兩個人想參選，其後泛民主派搞初選，選出咗何俊仁參選特首。何俊仁嘅支持者主要嚟自泛民主派同埋部分專業界別。
另有61人冇投票。
|
https://hkppltravel.com/?p=81191
| 2020-01-25T16:43:21 |
text/plain
|
拜完年之後去邊好？同男朋友仔女朋友仔又去邊拍拖好？唔洗諗喇，梗係嚟荷里活廣場！呢到有由立體水引技術創始人津田左右吉嘅第五代傳人 – 津田文佑親自製作嘅300個水引風鈴，每一個風鈴上都掛上由佢親筆提字嘅書法。對於日本人嚟講，風鈴嘅音色十分神聖，可以帶走疾病同鬼怪，新嘅一年梗係要嚟聽下清脆嘅風鈴聲趕走厄運，保佑2020年平平安安。除次以外，用水引繩編織出嘅圖案就好似拉近咗人與人之間嘅距離，最啱就係仲未有另一伴嘅朋友仔！呢個展覧仲係第一次係香港展出，機會非常難得，仲唔快啲拉埋親朋好友過嚟打卡！
▲ 5米高嘅巨型「新春開運許願風鈴」，大大力推郁風鈴，希望新嘅一年更好運，同去年種種唔如意嘅事講聲再見。
▲ 「幸福水引風鈴桃花園」，行完一圈之後，桃花加埋水引風鈴嘅加持，桃花運一定好到不得了！情侶仲可以坐喺幸福小船上，一邊賞花一邊聽住水引風鈴悅耳聲。
▲ 金澤的香氣 (金沢の香り)，津田六佑希望透過書法將日本金澤市嘅靚境帶嚟香港。
▲ 「風鈴藝術鏡屋」，利用多塊鏡面製造出影像無限伸延效果。
▲ 恍如雨聲的蟬叫聲 (蝉しぐれ)。
▲ 掛喺上面嘅水引風鈴透過鏡面嘅反射佈滿屋內，猶如天空上嘅繁星般，一定可以拍好多唯美嘅相。
▲「水引風鈴手作班」，見到咁多咁靚嘅水引風鈴想帶哂番屋企？咁你一定要參加由香港手作大師Ann Yiu親自教導嘅手作班。呢到有好多種唔同顏色嘅水引繩俾你簡，等你親自整出獨一無二嘅水引風鈴，於喺屋企又得，送俾你愛嘅人都得，得咗。只要喺商場內消費滿200蚊或者以VIC 10積分就可以報名參加架喇！
▲ 鼠年將至，梗係要有一套鼠年利是封喺手。呢套以金鼠為主角嘅熨金芝士型利是封，一隻隻圓碌碌嘅金鼠仔收埋喺入面，等你嚟摸下佢軟綿綿嘅毛料。
▲ 一套有3隻色，包括粉紅色、金色、紅色。只要喺商場入面消費滿指定金額或以VIC積分就可以即刻換到一套利是封。金鼠仔等緊你地帶佢番屋企！
|
https://www.texpert.com/tw/about/newscenter.aspx?id=44
| 2020-01-28T18:20:12 |
text/plain
|
今日同大家介紹吓呢張SUNQ Pass！咩係SUNQ Pass？其實係一張喺九州／北九州無限搭巴士同渡輪嘅交通Pass。使用方法好簡單，只要搭巴士時Show俾乘務員睇就得，九州市内巴士、長途巴士、部分渡輪都用得。有部分巴士就需要預約，不過只要你用過JR Pass，呢張Pass都一定難你唔到！
不如睇下用SUNQ Pass嘅4日宮崎、鹿兒島自由行行程！
由香港出發，坐香港航空直飛宮崎！落機之後就可以坐宮崎市內巴士，大約20分鐘就可以去宮崎山形屋Shopping。
之後晚餐可以品嚐好出名嘅宮崎和牛！
夜晚就入住宮崎Dormy Inn溫泉酒店，Dormy Inn呢個品牌就係有保證，有溫泉浸，夜晚仲有免費拉麵！
由酒店出發，坐大約1個半鐘JR去有「九州小京都」嘅日南市飫肥城下，喺充滿歷史文化風情嘅飫肥城下町，邊食邊行。
之後可以搭50分鐘巴士去到日南市另一景點－日南太陽花園。呢到有咩睇？呢到可以見到全球唯一受到復活島長老會允許建造嘅摩艾石像，七個摩艾石像分別可以幫助大家工作、健康、戀愛、整體、結婚、財運、學業！加上身後仲有一望無際嘅大海，唔講以為自已飛咗去復活島！
再搭巴士大約26分鐘就可以去到鵜戶神宮。呢個神宮最特別嘅係本殿就位於天然岩窟入面，另外因為要參拜，就必須沿著石階往下行先去到正殿口，所以又有「下り宮」之稱。
如果仲有時間，想行程再豐富啲，就可以搭多1個鐘巴士去青島，點解佢叫做青島？原來島上有5000棵亞熱帶植物！呢度仲係新婚夫妻度蜜月嘅熱門地方?！
首先由宮崎宮交城搭JR去鹿兒島天文館道，呢度係鹿兒島最大嘅購物街，可以買手信同瘋狂Shopping！之後可以去鹿兒島港搭船去櫻島。
櫻島可以話係鹿兒島嘅象徵，櫻島係一個海上火山島，遊客可以去位於海拔373米嘅湯之平瞭望台，喺呢度可以近距離睇到活火山噴發口，仲可以360 度遠眺風景！
嚟到鹿兒島，當然要去指宿試吓全世界知名嘅熱砂浴。 瞓喺沙灘上，感受溫泉嘅熱氣透過沙層傳到全身。
由櫻島搭返船去鹿兒島港，之後由鹿兒島中央車站，搭2個鐘巴士去指宿。夜晚就可以入住指宿海上溫泉酒店，浸返個水上溫泉！
邊到可以買SUNQ Pass 同 JR Pass！？呢家只要喺專業旅運嘅分店、網站，就可以幫你預訂到啦，要輕鬆遊九州話咁易啦！
|
https://support.carousell.com/hc/zh-hk/articles/360018880254-%E6%88%91%E5%8F%AF%E4%BB%A5%E9%BB%9E%E6%A8%A3%E7%95%99%E8%A9%95%E5%83%B9%E7%95%80%E8%B2%B7%E5%AE%B6%E6%88%96%E8%B3%A3%E5%AE%B6-
| 2020-01-25T14:28:05 |
text/plain
|
我可以點樣留評價畀買家或賣家？
為對方留評價係其中一個最好嘅方法互相幫助！讚賞Carousell用戶或者話畀佢知可以改進嘅地方。分享你嘅經歷可以幫助平台社群。
以下係留評價嘅步驟：
買家與賣家都有14日時間留評價。14日後，你將無法再為交易留評價。
你可以於評價刊登前修改你嘅評價。你嘅評價會喺對方留下評價或14日過去後刊登。一旦刊登後，評價將無法修改或刪除。
更多資訊，請參考評分及評論政策。
我點樣評分及評論？
你嘅Carousell 交易由你與你嘅買家／賣家互動開始。
作為買家，你將會針對下列標準給予賣家1-5顆星嘅評分：
作為賣家，您則會針對下列標準給予買家1-5顆星的評分：
|
https://www.shikoto.com/articles/12442/12717.html
| 2020-01-25T20:46:21 |
text/plain
|
九月三十日星期五，呢日放學之後樂宜就捉左我去旺角。
經過佢地遊學團既討論，已經決定會去一去艾爾斯岩到，對陳芷螢黎講無疑係一件好事。
『咁就好。』樂宜dup低頭，笑得好甜。
返到屋企，望住個月歷；十月一日，開始我既一個人生活。
啊，仲有堂姐，不過佢好似已經要返工，而且六日基本上都唔見佢係屋企。
其實我係咪已經變唔返男仔啦？
我腦裡面想像更冰瑤解釋既畫面。
「咁…我…我就會…」我唔敢再想像落去。
而且右手背面仲有個玫瑰花紋身…根本就係唔知邊到黎既不良一樣。
但我有時黎茶記買外賣，都會見到餐廳入面既阿理對其他客人都好有禮貌。
甚至班街坊師奶都有討論過：
『好快到！家蔚。』阿理答，寫一寫張單之後就行開。
就好似阿kay出租女友個日…著既個套一樣。
我腦海又浮現一個念頭…阿kay…出租女友。
呢個男仔帶住眼鏡，大大個肚腩，而且臉既暗瘡數量同臨記有得比。
呢個先係我想像中會搵出租女友既男仔，上次kevin根本係一次意外！
阿kay…我相信佢品味一定唔係咁差。
|
https://afterschool.com.hk/blog-post/149/%E4%B8%AD%E5%AD%B8-lunch-%E5%AD%B8%E7%94%9F%E9%A4%90-%E6%B8%AF%E5%B3%B6-%E6%9D%B1%E5%8D%80/
| 2020-01-26T12:07:40 |
text/plain
|
中學生返學最期待嘅除咗放學，睇怕就係放Lunch — 每次Lunchtime前個堂，都會設法Ready定一打鐘即刻衝出校口，務求以最快嘅速度去心儀嘅餐廳攞位！
今次小編就帶大家去東區搵食，睇吓有咩又平又正嘅學生餐，西餐、韓燒、台灣菜、泰國菜、印度菜、小食、甜品，咩都有！
呢間餐廳嘅西餐Lunch Set有學生優惠，只需要$40-$50就有齊牛扒、意粉/飯/薯菜、餐飲，而且唔會因為你係學生就比少啲你，醬汁都淋到滿一滿個碟咁比你，鋸扒嚟講真係好抵食！而且除咗肉眼扒、豬扒、雞柳等扒餐之外，呢到嘅焗飯質素都非常有保證！
位置嚟講，對於附近學校例如皇仁、庇利羅士、金文泰、張祝珊等等，都好就腳，放Lunch嘅時候慢慢行過嚟，再行返返去都應該唔會遲到，不過Lunch Hour時好多學生嚟食，尤其係最近嘅皇仁學生，甚至有人話呢到其實係「皇仁飯堂」XD，所以要小心嚟到冇位啊！
其實小編以前都係喺東區學校讀，呢間甜姨姨簡直就係小編中學時期嘅回憶，由中一食到中六，就算期間天后開過幾多間新嘅甜品鋪，最常去嘅始終係甜姨姨。通常星期五放學或者附近中學有咩活動完咗，即使鋪頭已經有兩層，學生都會多到逼爆鋪面。
而呢到最出名嘅就係佢嘅「即撞木桶豆腐花」，嚟到嘅時候會比埋個計時器你，記住要夠3分鐘等佢凝固先好開嚟食，咁樣先會夠滑嫩有彈性㗎！
Lunch Hour都有得食燒肉真係好幸福，仲要好平好抵$50咋！高麗嘅午市特價燒烤餐比你可以揀一款肉類自己燒，唔想食肉都有墨魚仔、魚柳、秋刀魚揀，全部都係$53！
而且食物質素有保證，份量足，價錢相宜，係學生哥首選，除咗學生，亦有中年至老年人幫襯，老中青通殺，證明龍門係真．高質！
呢間喺城市花園入面嘅泰國餐廳係要上樓梯再過小小先見到，所以都唔多人知，但就好多學生幫襯，小編覺得好食嘅有馬拉盞炒飯、辣椒膏炒飯、蝦膏炒飯、金邊粉、冬陰功等等，尤其係佢嘅炒飯係幾有質素，加上餐廳個啲醬汁就非常perfect。除此之外，餐廳老闆對學生都好nice㗎！
|
https://tvb4life.pixnet.net/blog/post/204672271-%E7%9C%9F%E4%BA%BA%E9%A8%B7-%E6%9C%89%E9%86%AB%E5%94%94%E8%AE%80-%E5%81%9A%E8%B6%B328%E5%B9%B4%E5%9F%BA%E5%B1%A4-%E6%B2%B3%E5%9C%8B%E6%A6%AE%EF%BC%9A%E4%BD%8E%E5%B1%A4
| 2020-01-23T00:29:44 |
text/plain
|
說起來真的夠諷刺，幾代香港人看電視看河國榮從小看到大，他的角色不是高層西裝友、就是高級警司，從來沒有從社會高階往下跌過，而事實上，自從 22歲有醫唔讀隻身闖港，河國榮大半輩子都老老實實的待在低下層，他既不會呻「早知留喺澳洲做醫生乜乜乜」，亦不會恨「為乜紅嘅唔係我點點點」，反倒自認低層說低層的香港最美好、低層香港人最有人情味。
信我，甚麼是死撐，甚麼是真正的心中富足，我識分。
28年以來，曾經有冇後悔過，如果當年讀埋醫、生活會完全唔同？
冇！如果我讀埋醫，讀大學要五年、實習兩年，如果想做專科，再讀五年，咁加埋即係 12年囉……呢個係時間問題，如果我真係讀完嗰十二年，今時今日一定有錢、有地位、有靚車、有老婆，可能仲有兩個半仔女……但係點都比唔上𠵱家嘅生命，比唔上我呢廿八年見過嘅、經歷過嘅、仲有學過嘅……無價嘅！
真係無價？比如話乜嘢經歷，多多錢你都唔肯攞出嚟交換？
國慶着晒大戲妝，同個大戲師傅一齊做大戲……
你第一個諗到係做大戲？
係呀！好正㗎……一葉輕舟去，一隔萬重山……好多嘢都係一生一次㗎！仲有呢套戲，《死開啲啦》又係一生人一次。因為鬼佬角色好難有咁多角度嘅戲俾我做，頭、中、尾，個人都變化緊，好難得好難得！佢係一個表面風光嘅金融才俊，背後其實好多苦衷、失敗咗；好難得㗎，咁嘅導演、咁嘅編劇、咁嘅演員，全部加加埋埋都 perfect，淨係叻都冇用，要大家都夾、唔會互相妒忌，係個緣份，我開心可以拍到，亦都好傷心好肯定唔會有下次。
點解話冇下次？
睇咗就會明，好特別，每句對白每粒字都係編劇執出嚟，字面一個意思、背後仲有一個意思！
好耐冇遇過一個咁嘅角色？
唔係好耐，係從來冇遇過！仲有拍《浮城》，做個洋行老闆，由四十歲做到六十歲；仲有《隨時候命》同《刑事情報科》，開頭接以為又係鬼佬、又係嗰啲，原來唔係，原來好正；仲有做舞台劇《演戲家族》，我做個盲人……如果我做咗醫生，呢啲機會全部都冇，仲要養咗十三隻狗喎，做醫生邊度得閒搞呢啲？
賣首飾仲有冇做？
首飾太太仲有做、仲有賣，但擺檔唔係次次抽到，嗰個維生唔到。
太太正職做乜嘢？你點識佢？
佢正職都係做珠寶，我 87年教英文時佢係我學生。佢嘅 Miss有咗 BB，仲有三堂上唔到，搵咗我嚟頂上。
你一嚟香港就識太太？
係呀！我教英文，見佢好孤獨，咪陪佢去下街囉……咁佢又諗住有得免費學英文，又同我出下街，一出街，咁就撻着喇……跟住 88年就結婚，都係一生人一次！做咗醫生唔嚟香港又邊度識到太太呢？
當年話你儲咗好耐盤川至嚟香港，儲咗幾耐？有幾多錢？
儲咗成年錢，初初做磚頭佬，澳洲嗰啲起屋鋪磚嘅係師傅，我就幫佢整英泥、擔擔抬抬，做咗一個月，跟住洗大餅……一年後儲咗五千蚊港紙。
五千蚊咁少？
係呀，開頭我住喺個大學朋友屋企，女仔嚟嘅，佢老竇唔鍾意我，覺得啲鬼佬都係又懶又唔做嘢係流浪漢嚟嘅，佢屋企住廣播道，就係嗰陣時喺附近行見到 TVB請特約鬼佬演員嘅街招……其實見到街招之前我已經寫過信去應徵演員，不過冇消息咋嘛。
由五千蚊盤川，到 88年開始做特約演員，但係你 88年已經結咗婚，冇錢冇工又冇樓，呢啲咪裸婚囉，你老婆咁都肯跟你……
係呀，嗰陣時住銅鑼灣香港大廈嘅套房，算係舒服㗎喇，啲傢俬全部我自己做㗎。
自己做？唔係執嘅咩？
再之前一個人住北角，就真係乜都執返嚟，床啦、櫃啦，夜晚經過見到啱就執，油漆都係自己油。但係執唔到煮食爐同雪櫃，我又覺得要自己煮至真係慳到錢，所以好長一段時間為咗儲錢買雪櫃同煮食爐一日食一餐、北角行到銅鑼灣返工，嗰段日子好瘦。
當時父母知唔知你喺香港咁難捱？
都知嘅，不過冇諗過返去，我機票都係買單程，就係因為我同自己講，辛苦都唔可以輕易放棄。
我又真係唔明，香港有咩咁大吸引力呢？
緣份……自己鍾意，都唔知點解。
有啲報導話你餐餐食公仔麵，你係鬼佬，乜唔係食包嘅咩？
我冇乜煮公仔麵㗎……最慳嗰陣時都真係食包多，一包麵包、幾個蕃茄、再喺凍肉鋪買一包火腿，已經夠我食好多餐。不過𠵱家太太夜晚想煮個麵嚟食，都係叫我嚟……因為我煮得好食啲。
你煮麵有咩竅門？
我鍾意啲水就嚟滾嘅時候，將湯包同麵一齊擺落去，啲麵可以散開時再滾多陣咁就食得，咁樣就好入味。煮公仔麵最重要就係火喉……講起公仔麵我就會諗起讀大學住宿舍嗰段日子，我大學同學香港人多過鬼佬，成日夜晚行經，週圍聞到啲同學煮麵食……公仔麵對我嚟講，好有感情。
當時教英文一堂幾多錢？
28年前喇，唔記得喇……一堂二、三百蚊？梗係冇啦！大部份都俾咗補習社……
吓？鬼佬教英文好吃香，你收咁少仲唔係俾人坤？你都係屬於冇乜金錢觀念嘅鬼佬喎！
唔緊要啦俾人坤都，哈哈……我係咁㗎喇……鬼佬嚟講，我係屬於唔識搵錢嗰啲。我都開過公司，代理公司電腦軟件同硬件，結果公司失敗，蝕咗幾十萬……因為當時香港法律冇話唔俾公司用翻版，係人都係買一個返嚟 share俾大家用，個個都係㗎啦……但係我執咗唔夠兩個月，唔俾用翻版軟件條法例就出咗……如果我拖得幾個月可能就發咗……不過咁，𠵱家個個買 app，唔需要中間人，可能都捱唔到𠵱家。
又唔係喎，你做到𠵱家，一早睇到個時勢會識變通！
我唔夠聰明，我唔係搵錢嘅材料，我知……
太太對你真係 true love，又冇錢、又俾人坤，又冇生意頭腦，空有一腔對演戲嘅熱誠。
係㗎，所以我話我留喺澳洲都唔會遇到佢。我又鍾意做話劇，話劇都係搵唔到錢，我做親啲嘢都係搵唔到錢。太太同我一樣，佢做天然寶石，做一條都七、八個鐘，唔可以賣得平，又唔係人人識欣賞，所以咪就係要等囉，同我一樣要等遇到有緣份嘅有心人……
等唔到時就惟有食穀種？
係呀，所以除咗興趣，都係要搵食，我𠵱家都仲補緊英文，嚟緊會學希伯來語、再去讀個一個月嘅課程，去學點樣教英文。
調轉頭睇，你哋各有特長，又餓唔死、仲要養得起啲狗，你份人易滿足，其實都好開心。
不過啲狗狗都唔易養，死剩八隻都十幾歲，成日睇醫生，陣間都仲要買止痛消炎藥俾佢哋。
你呢個唔係好傳統嘅鬼佬，識唔識浪漫？
三年一次啦……記得有一次聖誕節，我買咗佢最鍾意嘅朱古力牌子，每粒都包到靚一靚，好似星星咁掛喺聖誕樹度，等佢逐粒搵出嚟……搵完十粒已經好開心，其實搵齊仲有一盒朱古力等緊佢。有時我會玩呢啲，我好鍾意俾驚喜佢。
點解冇同太太生小朋友呢？
因為當年想生嘅時候，太太心律不正，醫生唔建議生，𠵱家佢好番晒，但係 timing又過咗，整定嘅……
有冇聽過既來知則安知？
冇，但係都大概明……有啲嘢過咗就係過咗，改變唔到，咪惟有接受佢囉。
所以會當十三隻狗仔一樣咁湊？
又係緣份……第一隻 Dallas係我哋第一次搬入去村屋遇到，每日出車跟出跟入好 friend，直到有一日見佢受傷帶佢去睇醫生，就問過啲村民，不如交俾我養；跟住幾隻都係喺街執返嚟，有啲係喺馬路俾車撞傷，睇咗五千蚊醫生，有隻喺動物協會，佢哋話太細冇人湊就會攞去人道毀滅，成身都係雀仔蝨；跟住有四隻係一次過執返嚟，全部係 BB，一隻手托晒佢哋返嚟，當時好似我手掌咁大……𠵱家死淨八隻，每次走都好心痛，嗰種痛係唔會停……
你就係信中國人嗰套，見到佢哋係緣份？
狗定人，都會死，個個都會走，最緊要係記得佢哋。原來佢哋走咗，我只會記得佢哋最老最痛嘅畫面，好似我老竇一樣，我只記得佢老咗個樣……所以我成日提自己要記番佢哋開心嘅樣，個電腦 screen saver全部都係狗狗嘅相。等呢八隻死埋，我諗我唔會再養住，咁多年我連假都唔放就係唔想撇低佢哋，我同老婆都想抖下。
咁就廿八年，住喺香港，養住唐狗，點睇呢？
香港呢個地方，同啲港仔港女？
我老婆最好，絕對唔係港女，港女其實係一種覺得自己冇價值嘅人，要用手袋、要用名牌去覺得自己有用，其實攞走呢啲嘢，佢乜都唔係……又唔怪得佢哋，風氣係咁，傳媒都係咁，好似冇車冇表冇樓，個人就冇用……
而你就係乜都冇，唯獨心裡富有嗰種。
係，你一眼睇晒，我全身除咗個電話，就淨係得啲毛……但係啲毛，都唔夠喬寶寶多。其實我鍾意香港人，雖然佢哋壓力好大，但係一般香港人都好為其他人着想，同埋始終係國際社會，好尊重其他文化其他人。我覺得香港人好有人情味。
你咁多年淨係見到香港好嘅一面？
可以咁講……不過唔好嘅我都見過，試過喺首映見到一個電影演員，我行埋去同佢講好鍾意佢做戲，但係佢應酬咗我一句就走咗，因為行埋去嘅係我，你試下行埋去係巨星、係張國榮，我肯定佢唔會係呢個態度……香港人嘅好可能都分層次，去到社會高層未必咁好，但我遇到嘅都係低層，而我亦都係低層。
冇試過鬼妹，反而做過大戲，其實河國榮比好多香港人更似香港人。
|
https://www.shikoto.com/articles/55183/73891.html
| 2020-01-28T03:40:31 |
text/plain
|
米米蓮妖怪作品 -《再遇見到你》(長篇) (暫停刊): 第五十九集 ~ 鳳︰黑衣人啊！…我仲竟然見返佢，而且收到一封信。
第五十九集 ~ 鳳︰黑衣人啊！…我仲竟然見返佢，而且收到一封信。
← 第五十八集 ~ 雞︰子水樓樓主劉紫千啊！
竹林深處人家。
「妖！返咪返囉，嘈乜Q嘢啊！」回應我嘅係隻樹林精靈。
不過就好愛和平同綠色環保咁，有時真係和平環保到有D乞人憎。
而我一心諗住一睇完就去訓個覺聽朝再出發。
「邊個？」我大聲問。
「邊你老保咩！捨得訓未啊？」又係林精回應我。
因為呢兩聲肯定唔係隻死林精發出嚟嘅。
見到一個黑衣人！？
「小膠你！夜媽媽著成咁，嚇鬼呀？」我大嗌。
「你再嘈我就同你開年！」林精把死人聲。
而我終於忍唔住，衝咗出去，一手扯咗佢入嚟用拳頭「錫錫」佢。
佢之後一掌打埋嚟，好在我身手不凡，一個轉身，彈開幾米就避開咗。
「你係邊個？點解會識呢D招式？你嚟呢度做乜？」我問。
「鳳毛麟角！？」好在我識避啫。
唔係咁吊詭呀？唔通係「慕容」家後人？
妖，呢D時候唔好攪住晒啦，好認真嫁！
點解呢個黑衣人會識得複製我嘅招式嫁？
我咁衝埋去咪自殺！？點攪好呢？
我立即使出「擎天式」衝咗上天，再用「回旋式」返埋原位。
結果佢真係好簡單一吓跳返上屋頂就算。
不過已經唔算係咩攻擊，可能只係刻意留低一D線索俾我。
究竟呢個識複製招數嘅黑衣人係邊個呢？
估唔到醫神真係高人中嘅高人，點解會知道嘅？
唔通佢都係因為估計到有人會嚟傷害佢哋，先帶大家離開先？
聽朝搵到佢哋之後再問吓先。
我走咗去同班樹林精靈訓，我理得佢嬲我丫，起碼唔會殺咗我。
到我第二朝訓醒，我真係小佢鹵味，我D衫褲俾佢攞走晒。
而家我都唔知點出發好。
第一時間係諗到醫神都係男人，應該有D衫褲可以借吓嚟著呱。
我有少少無奈咁囉。
我養父Father Thomas。
全部白色衣物，唔知係咪神級嘅人就係鍾意咁嘅呢？
結果我就係咁，著住一身白色素衣出發，先去去Father Thomas個教會度睇吓。
所以我對佢嚟講，根本係個陌生人。
之後我就沿住方向去搵Father個墓碑，而且最終我係搵到嘅。
就只係好簡單咁，對住Father張相鞠咗個躬。
我一聽到立即另返轉頭。
|
https://www.shikoto.com/articles/13956/13982.html
| 2020-01-25T19:36:50 |
text/plain
|
發仔簡直係一個走佬既天才。
明明唔係自己既地頭, 但佢逃跑起上來就好似番左自己屋企, 每一個轉角位都唔使點經過大腦思考咁。
係佢既帶領之下，我地過完天橋，衝馬路。衝完馬路，穿小巷。
唔知幾時開始, 我地身後亦再聽唔到槍聲喇。
「喂! 再跑落去會死人家，吊頸都要抖下氣啦!」我對住前方既發仔嗌道。
發仔回頭見無其他人追來，轉入一條窄巷就停低左。
「痴撚線家, 玩到開槍咁大？！」紅棍喘哂氣咁講。
「大佬，呢度係澳門啊, 早排有個賭仔俾人吊上樹鞭屍都試過啦，開幾下槍又有咩咁出奇。」發仔用衫擦汗道。
「我地依家點算啊？」咁大個仔都未經歷過槍戰, 我嚇到手騰腳震。
「屌你, 男人老狗驚到褲浪都濕埋, 你睇人地呀鳳幾淡定。」發仔嘲笑我道。
呀鳳面色雖然蒼白, 但睇起來真係無我想像中咁驚。
「其實你地可以叫番我個英文名Phoenix。」呀鳳既語氣就好似平時咁正常。
雖然意思係一樣, 但呢個名聽起上來真係順耳好多。
「Phoenix? 果然係好名! 我成日都覺得個名入面有個X既人好型家。」我刻意討好道。
「睇你溝女真係一種享受。」發仔笑到有咁樣衰得咁樣衰。
「諗左啦，去果度避避先啦。」發仔指住橫巷入面既一間鋪頭道。
「果度安全咩？」望住鋪頭古色古香既門面，我懷疑道。
「所以話你見識少，你見唔到間鋪個名叫「書香世家」咩，澳門人最忌就係個「書」字家啦，真係俾啲黑幫搵到, 佢地都未必敢入來啊。」發仔講到似層層咁，然後徑自行左過去。
「講到著草, 無人夠佢來家啦，唯有睇佢頭啦。」紅棍無可奈何地攤攤手道。
門一開，一股檀香之氣撲鼻而來。
原來「書香世家」賣既唔係書，而係古董。
只見櫃檯有一位頭髮稀疏既呀伯一邊係度飲酒，一邊係度同自已捉棋。
「自酌自奕咁型，呢位一定係高人。」紅棍道。
「車，我夠成日用i pad玩五字棋啦, 又唔見你話我型。」發仔不屑道。
「等等，呀伯飲果枝酒咁熟面口既?」我指住櫃檯上面一枝半透明既液體道。
「盧山真泉？！」發仔同紅棍一齊嗌左出來。
|
http://www2.hkej.com/instantnews/market/article/2225234/%E3%80%90%E7%9B%A4%E6%88%BF%E4%BE%86%E6%96%99%E3%80%91%E5%8F%8D%E5%BD%88%E5%B8%82%E7%84%A1%E7%94%A8%E7%A1%AC%E6%90%B5%E7%90%86%E7%94%B1%E5%8E%BB%E8%A7%A3%E9%87%8B
| 2020-01-29T18:27:58 |
text/plain
|
隔晚美股繼續反彈，其實反彈咪反彈，點解硬係要搵個原因去解釋，有時技術上超賣，出現反彈；又或者係空倉回補推動反彈亦可，為乜硬係要找個理由去解釋，美國只係暫時放生華為90日咁大把，就講到中美貿易關係有所緩和，更拉扯到呢幾日美股反彈係憧憬多國將推出更多刺激經濟措施，呢一點阿Man諗到頭暈都未明點解。查實上周美股急挫係因為國債孳息倒掛，而呢兩日美股持續反彈，係因為美國10年期債息回升至1.6厘水平，2年期債息則回落至1.55厘左右，反映債息曲線不再倒掛，咁先推斷到經濟衰退有所紓緩。反而呢兩日除咗侵侵之外，再有美國官員將香港政治問題，綑綁到中美貿易談判條件，反而令到談判再現變數，阿Man都係建議小心駛得萬年船，對於呢幾日反彈切忌過度興奮。
講番恒指今日低開35點，跌幅一度擴大至142點，有口痕友歸咎於林鄭記招，其實都冇乜大關係，反正每次記招內容大同小異，唔需要過份解讀。反而係A股倒升帶動港股回升，一度令恒指最高見26347點，可惜乃未能升越噚日高位26356點，其後港股開始窄幅拉鋸。中午恒指報收26294點，升2點；國指半日升50點，報10160點，恒指國指高下立見。
至於重磅藍籌股，似乎騰訊(00700)有少少力不從心，上周派成績表後，表現平平未見有大行加持，股價之前因為維穩資金買入，早已跑贏大市，家下叫收復咗335元，但要突破340元又談何容易，可能又要靠北水入場撐腰。油價急漲帶動中石油(00857)升2.1%，唔好怪阿Man長氣都講多次，油價呢味嘢，高追有伏，時運高當睇佢唔倒。其他重磅股個別發展，暫時未見其他重磅股有突出表現。
美國對華為禁令寬限期延長，手機股繼續做好，當中阿Man較為睇高一線嘅舜宇(02382)重返紅底股後，股價半日再升6.3%，留意有貨要睇實，股價一轉風向要即跳車。醫藥股呢個板塊，阿Man一直不離不棄，尤其係龍頭股更要另眼相看，除咗愛股中生製藥(01177)再升之外，另一藍籌石藥(01093)派完中期成績表，有大行唱好，半日股價勁升一成。不過呢期阿Man開始留意半新股翰森製藥(03692)，已獲納內恒指綜合指數，市值過千億元唔嘢少，加入藍籌指日可待，作為長線投資諗得過。
上周阿Man喺《金融街密語》提到沽空機構有其存在價值，旨在打擊一啲手法有問題上市公司，只要公司本身無做假，真金不怕洪爐火。阿Man過去多次推介嘅體品股龍頭安踏(02020)，充份體現行得正，企得正，謠言止於智者嘅精神，股價升破60元大關創新高。股價已順利升抵首個60元目標，能否更上一層樓好難講，總之都係睇位做人，股價企穩喺58元仍可持有。
|
https://www.vjmedia.com.hk/articles/2019/06/25/196246/%E9%A6%99%E6%B8%AF%E8%AD%A6%E5%AF%9F%E5%94%94%E5%8F%AA%E5%81%8F%E6%84%9B%E5%A4%A7%E6%B3%A2%EF%BC%8C%E4%BB%B2%E9%8D%BE%E6%84%8F%E7%94%A8page-%E9%AC%A7%E6%9E%97%E9%84%AD%EF%BC%9F
| 2020-01-24T01:25:27 |
text/plain
|
香港警察唔只偏愛大波，仲鍾意用page 鬧林鄭？
今日洗版嘅除左叫人聽日去集會「G20 前背水一戰」，仲有有人截圖，話香港警察嘅instagram 用admin 身份like 左一張海灘大波妹嘅圖。
我搞網咁多年，好清楚乜嘢會爆得出，警察咁乞人憎，大波妹又夠養眼，仲要按落張圖先見到亮點，夠曬engagement。
其實要香港警察個社交媒體主任講乜都得的，你都隨時可以截一大堆圖，例如警察出聲明鬧林鄭？
第一步你只需要用chrome 登入facebook，去警察個page。
變左色之後，就可以點選網頁中嘅「元素」，再然後，喺下方相應嘅文字，點一下，就可以好似打字咁改字，改咩都得。
改完按return，就見到效果，呢個時候就cap 圖啦！
改埋有幾多like 都得。
林鄭俾嬲呀，好小氣！
Permalink: https://www.vjmedia.com.hk/articles/2019/06/25/196246/香港警察唔只偏愛大波，仲鍾意用page-鬧林鄭？
|
https://www.zhdentist.com/yczl/dyg/537.html
| 2020-01-20T06:53:03 |
text/plain
|
知道我去過杜牙根，好多身邊嘅friends就問我，「你有冇整牙套？戴住舒唔舒服？價錢貴唔貴」，後來去討論區睇嘢，發覺唔止身邊嘅friends問嚟點問題，網上朋友都想知。今日就同大家分享我嘅經驗，杜牙根後一定要做牙套嗎。
對於杜完牙根嘅friends，我嘅建議係整個牙套戴。第一個理由：杜牙根後嘅牙齒比較難支撐咬嘢力度。大家都知杜牙根就係將壞死嘅牙齒神經祛除，牙齒冇左神經，相當於廢架，自然會比較脆弱。如果你杜牙根後，牙齒唔做牙套，食嘢就要非常注意，一唔小心就有可能崩。當時我嘅醫生就有同我講，佢之前遇到嘅患者A嘅故事，患者A生意太忙，杜完牙根後覺得返診所戴牙套太麻煩，選擇唔戴，結果食堅果時，聽到碎裂嘅聲音，發現牙齒甩左一小塊。
建議大家做牙套嘅第二個原因係：杜牙根後嘅牙齒已經失去牙髓嘅營養補給。人冇左營養就會枯老，牙齒冇左營養都係同樣道理，會越來越脆弱。唔套牙冠，杜牙根後嘅牙齒就會暴露出來，時間一長，脆弱程度加深，更容易崩。
係本澳做個牙套，最平都要五六千。如果覺得太貴，仲可以同我一樣，去大陸杜牙根，我去嘅係珠海拱北一間叫荊荊口腔嘅診所，前牙杜牙根只需500元，我當時覺得金屬牙冠到後期會變黑色牙，就用2000人仔升級為全瓷牙冠套餐。我覺得，既然選擇左杜牙根，牙套錢又唔貴，點解唔俾牙齒做個牙套嘞，有左牙套，牙齒咬合會更有力，食嘢都冇大顧忌。
杜牙根後，唔係一定要做牙套嘅。但是我嘅經驗講明，做個牙套會更好，牙齒使用時間都會更耐。以上就係我嘅全部回答喇，希望對d朋友有所幫助。
下一篇：杜牙根後就代表牙齒完全修復好了嗎？
|
https://shifiles.hk/posts/8886/-%E5%B0%87%E8%BB%8D%E6%BE%B3-%E5%91%BD%E5%90%8D--%E6%82%BC%E5%BF%B5%E6%98%8E%E6%9C%9D%E6%AE%89%E9%9B%A3%E5%B0%87%E8%BB%8D-
| 2020-01-21T13:36:57 |
text/plain
|
「將軍澳」命名 悼念明朝殉難將軍？
早兩日將軍澳發生斬人案，令人震驚。案發嘅行人隧道將景林邨同厚德邨連接起嚟，其實呢兩條邨分別响1990年同1993年落成，係將軍澳發展新市鎮較早階段落成嘅屋邨。至於將軍澳嘅歷史，可以追溯至13世紀，當時已經開始有人居住，但去到16世紀後期先至逐漸多人聚居，形成多條細小漁村。「將軍澳」呢個名早於明代《粵大記》出現，相傳係因為明朝曾經有一位負責打擊走私嘅大將軍喺呢個海灣殉難，於是村民就將呢度命名為「將軍澳」，悼念呢位將軍。將軍澳以前亦有另一個英文名，叫「Junk Bay」。
幾百年來，將軍澳一直都係鄉郊地方，直到1960年代將軍澳造船業、修船業、鑄造業等工業活動蓬勃發展。喺1982年，政府批准喺將軍澳發展新市鎮，成為香港第7個新市鎮。
現時，將軍澳新市鎮總發展面積1,718公頃，大部分土地由填海得嚟，有大約40萬人居住。將軍澳可分為8個區域，包括寶琳、翠林、坑口、將軍澳市中心、調景嶺、小赤沙、大赤沙同百勝角，當最早發展嘅係翠林一帶，其次就係寶琳同南面景林邨一帶。將軍澳現時係以住宅區為主，公屋、居屋同私人屋苑都有，亦有唔少商場方便居民購物，到咗2002年8月港鐵將軍澳綫北角至寶琳段通車，令居民出入更方便。
不過多年來將軍澳嘅居民一直受到區內堆填區嘅臭味困擾，每日經過嘅貨車同垃圾車傳出陣陣惡臭，唔少居民嘅生活受影響。將軍澳第一個堆填區喺1978年啟用、1995關閉，將軍澳第二／三期堆填區就喺1988年啟用、1994年關閉。而家影響居民嘅堆填區就係位於將軍澳大赤沙嘅新界東南堆填區，喺1994啟用，直至2016年開始只收建築廢物。
圖片為1977年將軍澳，取自網絡。
70年前嘅北角 就有香港第一個摩天輪？
|
https://shifiles.hk/posts/8873/%E9%BB%83%E5%8F%B0%E4%B9%8B%E7%93%9C%E4%BF%82%E5%A4%AA%E5%AD%90%E5%8B%B8%E6%AD%A6%E5%89%87%E5%A4%A9%E6%94%B6%E6%89%8B-
| 2020-01-23T08:15:07 |
text/plain
|
黃台之瓜係太子勸武則天收手？
早兩日，長和系資深顧問李嘉誠，以「一個香港市民」嘅身份喺多份報章上登廣告，其中一版登咗句「黃台之瓜，何堪再摘」，惹嚟唔少人討論。其實呢句係出自唐高宗個仔李賢嘅《黃台瓜辭》，內容主要係勸母后武則天唔好對自己嘅親生骨肉趕盡殺絕。
話說武則天嘅長子李弘聰明仁孝，被唐高宗立為太子，但武則天覺得李弘會阻住自己稱帝，於是出手逼害自己個仔，搞到李弘英年早逝。之後次子李賢做咗太子，都避唔過武則天嘅毒手，呢首《黃台瓜辭》就係李賢入獄後寫嘅：「種瓜黃台下，瓜熟子離離。一摘使瓜好，再摘令瓜稀。三摘尚自可，摘絕抱蔓歸。」李賢以「黃台之瓜」嚟比喻武則天嘅四個仔，不宜一摘再摘，到頭嚟咩都無得剩。
不過，將軍澳香島中學校長鄧飛就指出，《黃台瓜辭》嘅出處並非源於唐朝史書入面關於李賢或武則天嘅記錄，而係嚟自一百年後嘅唐肅宗兒子李倓嘅傳記，仲係出自宰相李泌之口。所以，《黃台瓜辭》究竟係唔係出自李賢之手，又係唔係勸緊武則天？真係有待考究。
圖為武則天劇照，取自網絡。
|
https://eriediary.hk/2018/08/18/azores-shatin/
| 2020-01-22T06:13:31 |
text/plain
|
沙田新城市廣場一期地下最近一次過開咗幾間新餐廳，其中一間係食澳葡菜，聽聞嗰度嘅馬介休球同乳豬好好食。而我 依莉詩 第一次接觸澳葡菜就係馬介休球，嗰陣係姨媽帶我去福隆新街食㗎！既然香港都可以食到，梗係要試吓啦！
講番澳葡菜，其實就係喺澳門嘅葡國人用澳門嘅食材做嘅家鄉 Function 菜，好似西餐又好似中國菜。同樣係鹹魚、乳豬同乳鴿，都風味都同平時酒樓食嘅好唔同㗎！
呢個小食拼盤份量好足，有芝心馬介休球、辣肉腸芝士批脆多士、霹靂魷魚、黑醋豬手同香草烤意瓜，樣樣都好有特色！
芝心馬介休球：結合馬介休魚肉同芝士兩樣鹹鹹香香嘅食材，比傳統只有魚肉嘅馬介休球更有層次，中間嘅芝士有拉絲效果𠻹！
辣肉腸芝士批脆多士：勁多芝士，加上辣肉腸粒，單睇外表已經非常吸引，中間仲有黑松露醬，好惹味！
霹靂魷魚：魷魚彈牙，開胃酸辣，份量少少，好想食多幾舊。
黑醋豬手：豬手係冷盤，有滿滿骨膠原感覺。唔會太腍，太滑，反而好彈牙，好爽口。
香草烤意瓜：放喺多士底，有啲似伴碟，亦因為吸咗多士嘅油，所以都有少少油膩。
葡式乳豬同燒味好唔同，皮雖然無食開嘅乳豬皮咁脆卜卜，不過肉比較多，食落更有層次。
▲葡式乳豬嘅肉比較厚身，而且唔肥膩。
焗鴨飯加上辣肉腸，濕濕哋，質地似意大利飯，味道相當惹味，有少少似臘味飯。鵝肝上面灑滿芝士粉，成個飯都好特別。
撻皮酥脆，蛋都好滑，不過晚市唔係即焗，略嫌唔係好夠熱。
▲ 除咗原味，仲有咖啡葡撻同鮮橙檸檬葡撻，大家可以試吓！
▲ 雞尾酒特飲值得一讚，「澳門塔」漸層藍色加上雪葩吸睛又清爽，而「玫瑰堂」酒味重，又有水果味，兩杯都好啱夏天飲。
$10一圈朱古力醬？尖沙咀新開大阪梳乎班戟伏味濃！
|
https://zh-yue.wikipedia.org/wiki/%E5%A4%A9%E4%BF%9D%E6%B0%91%E5%AD%B8%E6%A0%A1
| 2020-01-22T06:04:19 |
text/plain
|
天保民學校（英文： Mary Rose School）係香港一間輕中度智障特殊學校，位於九龍九龍塘聯福道11號。
課室、音樂及舞蹈室、電腦室、言語治療室、輔導室、視覺藝術室、工藝室、家政室、醫療室、圖書館、空中花園、香氛花園、護理室、多元智能室、言語治療/輔導室、電腦預備室、籃球場、家長資源中心、教師資源中心、會議室/健身室、社工室、會客室、工作技能訓練基地、露天劇場、保民商店、玫瑰樂園。
語文、數學、常識、實用英語、普通話、視覺藝術、音樂、體育、自理、感知、聖經、常規訓練、德育公民、設計與科技、科技與生活、實用技能、電腦、溝通、通識、工作技能、多元智能發展、多元活動、自閉症及言語治療輔導。
高中中度組選修科目：音樂、體育、視覺藝術、資訊及通訊科技、設計與應用科技、科技與生活、健康管理及社會關懷。
高中輕度組選修科目：音樂、體育、視覺藝術、資訊及通訊科技、設計與應用科技、科技與生活、英國語文。
呢版上次改係2017年9月20號 (禮拜三) 01:39 嘅事。
|
https://paper.hket.com/article/2519343/%E9%9D%92%E8%A1%A3%E5%9F%8E%E6%8E%A8%E7%BE%8E%E9%A3%9F%E5%84%AA%E6%83%A0%20%E6%AD%8E%E8%B1%AA%E8%8F%AF%E7%AF%80%E6%85%B6%E6%8B%BC%E7%9B%A4?mtc=70049
| 2020-01-23T02:12:37 |
text/plain
|
聖誕節同親朋好友共享美酒佳餚，絕對係慶祝佳節嘅指定動作。黛安知道，港鐵旗下商場青衣城特色餐廳林立，臨近聖誕節，商場就有5間精選聖誕美食推介，其中西式海鮮滋味「OS Plus」推出豪華版聖誕燒雞拼盤，搭配龍蝦金箔墨西哥卷，享受舌尖上嘅小奢華。
新派泰國餐廳「So Thai So Good」呈獻泰國風味美食，主菜「冬蔭羊腩煲」，香辣湯底配上羶香羊肉，保證吃完暖笠笠。
另黛安就鍾意西日料理餐廳「Tiger San」新推出大阪風味石燒牛扒套餐，而「PizzaExpress」就有多款具聖誕及冬日特色新菜餚，包括「迷迭香火雞薄餅」和「白汁火雞螺絲粉」等，為味覺帶來多重驚喜滋味。正宗滬菜餐廳「南小館」則以精緻點心小菜作招徠，如陳皮蝦，絕不可錯過。
成為MSmart（Maritime Square青衣城）會員，喺場內食滿或買滿$1,000（只限以電子貨幣單一消費單據），仲可參加即抽即中獎，至少獲得$50禮品或禮券。
▲ 青衣城滙聚多元化餐飲選擇，粵菜、日本料理及東南亞美食都一應俱全。
|
https://zh-yue.wikipedia.org/wiki/%E5%8B%BE%E9%99%B3_(%E6%98%9F%E5%AE%98)
| 2020-01-26T03:41:59 |
text/plain
|
勾陳（Curved Array[1]）係星官之一，喺紫微垣之下。勾陳恆星有六，最出名係正妃，即勾陳一，皆因今日亦叫北極星，至近北極。所以勾陳係最近天球北極嘅星官。勾陳排到好似勾咁，勾身嘅勾陳一二三四，喺西洋天文嘅小熊座內，而勾頭嘅勾陳五六，喺仙王座內。
勾陳亦寫句、鉤陳。古字勾、句、鈎、鉤，為同一個字。後世別義而分寫。
勾陳個勾身側邊，有另一個星官，叫北極，差唔多同佢平排。
大清時儀象考成有編號。勾陳一係西洋天文來講，正妃，係小態座α星。勾陳二係小態座δ星，勾陳三係小態座ε星，勾陳四係小態座ξ星。勾陳五六係仙王座嘅暗星，勾陳五係HD 5848，勾陳六係HD 217382[2]。
史記天官書咁寫。
天極星、其一明者、太一常居也。旁三星三公、或曰子屬。後句四星、末大星正妃、餘三星後宮之屬也。
勾陳本來係四星，係帝嘅後宮。正妃之星，亦帝嘅正妃，其他三星就後宮之屬。四星之中，正妃離帝星至遠，又至光，所以叫末大星。
呢版上次改係2019年4月16號 (禮拜二) 01:46 嘅事。
|
https://zh-yue.m.wikipedia.org/wiki/%E6%A5%8A%E6%98%8A
| 2020-01-26T03:04:28 |
text/plain
|
唔好同楊浩搞亂。
楊昊可以係：
楊昊 (女排運動員)：中國女排運動員，2004年幫過中國女排攞咗第6個世界冠軍。
楊昊 (男足運動員)：中國男足運動員，之前喺北京國安隊度踢咗8年波。
楊昊 (男子跳水運動員)：中國男子跳水運動員，喺2014年南京青奧會攞過冠軍嘅運動員。
|
https://zh-yue.wikipedia.org/wiki/%E5%BB%A3%E5%B7%9E%E5%B8%82%E7%9C%9F%E5%85%89%E5%AD%B8%E6%A0%A1
| 2020-01-22T23:25:18 |
text/plain
|
唔好同廣州市真光中學搞亂。
廣州市真光學校（粵拼：gwong2 zau1 si5 zan1 gwong1 hok6 haau6） ，之前嗌過長堤真光中學coeng4 tai4 zan1 gwong1 zung1 hok6、廣州市第九中學gwong2 zau1 si5 dai6 gau2 zung1 hok6同長堤中學（coeng4 tai4 zung1 hok6），係中國廣東廣州嘅中小學配套學校，1953年成立，有兩個校區，位置都喺越秀區入面。
佢係真光中學屬下嘅一間分校。
中學部：長堤大馬路348號（愛羣大酒店附近，威力斯酒店正對面）。
褲： ，右邊褲腳有一堆帶Changdi Truelight嘅字樣。
衫： ，兩邊帶有 相間嘅邊，左右對稱。
風褸： ，左右唔對稱。
大清政府喺第二次鴉片戰爭後正式開辦新式學堂。1868年，那夏理嚟咗廣州傳基督教，1872年喺珠江邊最發達、十三行最西邊嘅沙基金利埠（今日嘅六二三路）搞真光書院，但1878年因火燭而燒冧，學校逼住搬到十三行東邊嘅仁濟路。學校搬到仁濟路後，由於隔籬係豫章書院同潮州會館，所以真光出現中西式嘅教學交匯特色。
1912年，真光書院改名做真光女子中學，但學校喺1930年畀中國人收返，重分別喺白鶴洞培真路（真光女子中學）同仁濟路（私立真光女子初級中學）搞咗間學校。同年5月喺潮州八邑會館，廣東省同鄉會集體歡迎孫中山發表革命演講。1924年7月5號，中共地下黨喺學校嘅豫章書院搞咗指揮部領導沙面3000位洋務工人搞反帝大罷工。
1937年7月7號，由於抗日戰爭爆發，部分真光嘅學校搬到香港一帶繼續辦。由於1938年廣州淪陷，仁濟路嗰邊嘅真光開咗初中部，校名重一度改名做真中中學。
長堤真光中學正門（2014年7月4號）。而家大門上邊嗰啲字同大門嚿校徽都喺2017年10月19號一齊拆咗。
1953年，由於中國唔畀有私人機構嘅關係，加上出現學校整合大高潮，所以私立新潮中學同真中中學合併咗，變成長堤中學，第二年秋天改咗廣州市第九中學。
直到2000年，學校正式改返之前嗌嘅「長堤真光中學」。2003年5月，學校升級為越秀區一級學校。2006年4月正式升為廣州市一級學校。
2017年1月7號，越秀區教育局為咗整合越秀區當地嘅教育資源，將隔籬嘅真光小學合併埋，初步改名做「越秀區真光實驗學校」。喺同年9月22號正式同隔籬嘅真光小學合併咗兼改名做廣州市真光學校[1]兼喺同年11月11號揭牌[2]。
呢間學校有30個教學班，入面有先進嘅電教設備同閉路電視系統，冚唪唥嘅課室都有電視聯網。喺2001年，學校又整咗電腦校園網路工程，入面有200幾個信息點，重實現咗教學同辦公電腦化。入面重有2間一共有120台機嘅電腦課室；2間多媒體綜合課室同1間老師嘅電子備課室。重有整咗電子教學平台嘅理、化、生實驗室同語言實驗室等。
呢版上次改係2019年2月19號 (禮拜二) 05:41 嘅事。
|
https://zh-yue.m.wikipedia.org/wiki/%E5%B2%B3%E9%A3%9B
| 2020-01-21T18:17:13 |
text/plain
|
岳飛（1103年3月24號—1142年1月27號；生於崇寧二年二月十五[1]），字鵬舉，大宋名將。河北（指黃河以北，而非家下河南河北之省界，下同）相州湯陰（今河南安陽市湯陰縣）永和鄉孝悌里人。佢出名同北方女真人嘅金國打仗，保衞南宋時期嘅大宋。佢後尾同皇帝宋高宗不和，最後畀人收監處死。
岳飛係喺家鄉河南生活，後尾走去參軍打仗。當時宋朝畀金人趕落江南，岳飛曾經參與其中唔少戰事。
1129年岳飛打敗咗金人，收復咗建康（今日江蘇南京），迫到金人向北撤退。之後岳飛升咗官，重擁有一支萬幾人嘅部隊，叫做「岳家軍」。岳飛所帶領嘅岳家軍，曾經剷平咗江南一帶班土匪。後來佢又打金人，收復咗襄陽、信陽等六個郡。
1140年岳飛喺郾城打勝仗，並乘勝追擊朱仙鎮，諗住可以收復成個河南。點知呢個時候宋高宗趙構突然想同金人求和，就發十二道金牌，命令岳飛班師。
岳飛返到去，就畀宋高宗、秦檜以「莫須有」罪名處死咗，享年39歲。
南宋淳熙六年（1169年），宋孝宗趙昚為佢平反昭雪，追加謚號叫做武穆，南宋嘉定四年（1211年），宋寧宗趙擴追封佢做鄂王；南宋寶慶元年（1225年），宋理宗趙昀改岳飛謚號做忠武。故後人又叫佢做岳武穆或岳王。
|
https://www.bowtie.com.hk/blog/zh/%E7%B2%BE%E7%AE%97%E4%BB%94-%E5%82%BE%E5%90%93%E5%81%88-15%E4%BD%8D-%E7%B2%BE%E7%AE%97%E5%B8%AB-%E9%BB%9E%E6%8F%80-%E9%86%AB%E7%99%82%E4%BF%9D%E9%9A%AA/
| 2020-01-18T20:45:58 |
text/plain
|
自從攞咗牌之後，我哋依幾個月都不停咁同啲潛在顧客傾計，想知佢哋對醫療保險嘅睇法，當中包括唔同背景嘅朋友，有專業人士，有做開科技行業，有行山「腳」，甚至乎Uber 司機，通常年紀大都會好支持醫療保險，因為病過先有危機感。後生果班通常未諗，30歲前都覺得自己係「無敵」。
當中唔少朋友都對醫保有頗深誤解，對醫療體系認知甚少，有啲對保險本身仲好抗拒，亦有啲自覺需要醫保但係一知半解。可能係因為，比其他國家，香港網上真係相對上少保險嘅資訊同分析，好多時候要都要靠agent解釋。
有見及此，見拜年嗰排冇乜嘢做，我哋搵咗身邊15個持牌精算朋友仔，訪問佢哋自己會點樣揀醫療保險(主要係住院同手術)，因為佢哋出名精打細算又熟行情，絕對有唔少Insight可以分享。
問︰ 你覺得自己需唔需要個人醫療保險？
問︰你會點樣揀醫療保險？
同佢哋傾完，我發覺個個都好踴躍發表意見，但係整體上個message都幾一致。
一句講晒， 10個有9個都會先買份醫療保險做top-up，大公司雖然有保障，但都係有份基本兼且「高墊底費」嘅medical傍身好啲。另外，亦應該趁後生同健康時買咗先，危疾保險同有投資成份嘅保險就有餘錢先買啦。
Disclaimer: 雖然個個講到好似好專業，但有幾個都因為嫌麻煩未買。而家上網10分鐘就買到，唔該一人買一張！
【卡路里】減肥淨係睇熱量？營養師教你5大健康飲食秘技！
|
https://zh-yue.wikipedia.org/wiki/%E9%95%B7%E6%B4%B2
| 2020-01-26T02:49:33 |
text/plain
|
「長洲」可指：
長洲苑：春秋時期吳王闔閭起嘅園林，響吳都姑蘇（今蘇州）郊外，西漢時吳王劉濞重建，又叫做茂苑。
長洲縣：江蘇省蘇州市歷史上所轄嘅一個縣，武則天萬歲通天年間析吳縣置，以長洲苑得名，民國時併入吳縣。
長洲：蘇州嘅古名，來自長洲苑同長洲縣，喺好多古書中被誤寫為長州。
長洲 (香港)：香港島同大嶼山之間嘅一個島仔。
長洲街道：廣州黃埔區轄下嘅一個街道辦事處，喺長洲島上。
長洲 (廣州)：廣州東部珠江口嘅江心島。
長洲 (中山)：中山一笪地方。
長洲區：廣西壯族自治區梧州市轄下嘅一區。
呢版上次改係2017年9月27號 (禮拜三) 16:26 嘅事。
|
https://hkmovie6.com/amp/posts/16982
| 2020-01-24T00:00:34 |
text/plain
|
如果你家住元朗，應該會知道新元朗中心嘅 百老匯 戲院閉館多年，話要搬去 YOHO MALL，後來到新元朗中心都改埋名變做 YOHO MALL「形點」嘅一部分，戲院都仲未開返。不過大家唔駛再等喇，元朗 百老匯 已經喺 YOHO MALL 搖身一變成為全新 百老匯 品牌戲院 My Cinema ，更加喺上個月尾正式開業！
My Cinema 上層係票房同小賣部，下層就有八個影廳。設計師利用唔同顏色嘅繩編織出唔同嘅空間感，由上層走到下層，會好似走咗入一個全新嘅空間。戲院仲特登用返商場嘅落地玻璃，日頭嘅時候當陽光照入室內會有光影錯落嘅感覺。
成年觀眾可以一邊睇戲一邊享用美酒，每日下晝4-7都係 Happy Hour，靚酒買一送一，優惠期去到9月27日。My Cinema 主打唔同味道嘅手工啤，有椰子味、岩梅味、麥味等等嘅口味，亦都有本地品牌生產嘅「獅子山下」、「一代宗師」、「冰山雪蓮」等等。唔飲酒嘅觀眾，戲院入口旁邊有一部可以自己調校口味嘅汽水機畀你哋玩。
除咗美酒之外，小賣部有得買多款特色小食，包括香草豬肉腸、泰式魚條、香烤墨丸、脆皮豆腐魚等等，另外推介大家試飲一隻桃味嘅日式果茶。睇戲嘅時候唔單只淨係可以食爆谷，喺 My Cinema 仲有好多選擇。
作為百老匯院線第一間擁有IMAX巨幕嘅戲院，戲院門口有一個大大隻嘅IMAX標誌。走入去影廳嘅通道鋪上紅地氈，令觀眾好似走入星光大道一樣豪華。My Cinema 嘅1院IMAX影廳全院有409個位，leg room 係全港最闊，唔怕行出行入嘅時候會覺得好唔方便。推介大家坐 I/J/K 15-16 附近位置，啱啱好可以睇晒成個熒幕。
當大家走入IMAX影廳之前，肯定會見到幾張發光嘅「爆谷櫈」。住元朗嘅你對佢哋一定唔會陌生，呢幾張「爆谷櫈」正正就係舊時新元朗中心百老匯戲院嘅遺產，我都有坐過。絕對係各位元朗人嘅集體回憶，大大增加元朗人對戲院嘅歸屬感。
擁有八個影廳嘅 My Cinema，除咗1院係跟足標準IMAX規格之外，其餘七個影廳都配備咗 4K laser 放映機同精準白幕，比一般影廳銀幕光度多40%，就算坐執邊位都唔會覺得暗。
至於3院就喺音響設備上有少少 upgrade。My Cinema 同 GDC 合作將 DTS:X 臨境音帶畀觀眾，DTS:X 臨境音其實就係360度環迴立體音效嘅其中一種。我喺3院試聽音效嘅時候坐中間位 J11，睇戲同聽聲嘅感觀一流。
My Cinema 2D IMAX電影只係一百蚊一張飛，普通2D電影就六十五蚊一張飛，非常超值。My Cinema 推出咗一張由小克設計嘅「禮蜜卡」，可以享有額外嘅買飛、嘢食同酒水優惠，優惠為期一年，張卡仲可以增值添。
|
https://dailyview.tw/hk/Daily/2019/11/27
| 2020-01-25T05:13:10 |
text/plain
|
香港人，投票！
因為今年嘅社會運動，唔少香港人都有種「政治覺醒」嘅感覺，積極參與政治活動。以今屆區議會選舉為例啦，投票人數有成2,943,842累積投票人數，比上一屆（2015年）多咗約一倍！睇嚟唔少人都希望以自己神聖嘅一票表達自己嘅立場同政見，喺履行公民義務之餘，仲可以選出啱心水嘅區議員幫自己發聲。不過唔講可能唔知，今年嘅當選區議員有成二百幾位係第一次參選㗎咋！大家未必識晒咁多個，但係你哋應該要識依二十大受網民熱議嘅新科區議員喇。事不宜遲，等DailyView用網路大數據帶大家睇吓佢哋係邊二十個啦！
梁灝文當選田景嘅區議員真係可以話係眾望所歸㗎喇！成個選區4個候選人，佢一枝獨秀，超過得票第二多嘅對手成千二票。點解贏咁多？除咗佢由出世住田景住到依家，本住真心想改變田景嘅心態參選，用真誠打動咗街坊之餘，仲打動唔少眼角高嘅連登仔，喺連登開嘅post收獲到超過二千個正評，真係選民不負真心人啊！
相信唔少人都識得岑敖暉，皆因佢係前任「學聯」副秘書長，近幾年都積極參讓社會運動，時不時都會喺媒體到亮相。依粒閃亮亮嘅政治新星今年第一次參選區議會，就當選咗荃灣海濱區議員，仲要係擊敗咗喺該區已經連任咗28年嘅鄒秉恬，大勝對手超過三千票！收獲咁碩大嘅戰果，岑敖暉真係要好好做，唔好辜負選民！
黃兆健係「熱血公民」嘅成員，仲係《熱血時報》到擔任節目主持，健壯嘅身形令到唔少支持者都會親切咁叫佢「大隻仔」。佢今次參選運頭塘區議員嘅呼聲一直都好高，備受唔少街坊同網民聲援、支持，全因佢以前一直都好落力幫運頭塘嘅居民解決問題，大小事都親力親為，全力支援。「大隻仔」當選之後，真係要繼續努力啊！
袁嘉蔚係前任香港眾志副主席，參與左好多社會運動，而之前比較多人熟悉就係因為佢係羅冠聰女朋友。自從袁嘉蔚做咗區諾軒議員辦事處南區社區幹事之後，做事親力親為，俾人感覺又靚又乖，深得一眾街坊喜愛！今次參選田灣區議員，何韻詩仲為佢第一次落區拉票！得到咁多人幫忙，感覺佢真係親和力好夠，好適合地方工作！
喺香港依幾個月嘅社會運動入面，彭家浩以香港大學學生會嘅代表身份出現於大眾視野，冷靜兼夾講嘢條理分明嘅「港大仔」形象令人印象深刻。佢依個睇落去仲未褪去學生青澀嘅政治素人，著起西裝講佢嘅政綱嗰時，竟然唔比同選區嘅對手差，仲帶有一種年輕人嘅衝勁啊！今次當選西環區議員，應該會為地方帶嚟新氣息啊！
陳振哲依個名聽落好陌生，但當講到「機場大叔」就相信有好多人都有印象。佢喺813機場衝突現場展露嘅勇敢身影，相信大家都歷歷在目。而經網民起底後，大家先發現佢其實相當有料，曾任職四大會計師樓，之後轉行殯儀業，仲係法學碩士。今次佢空降大埔林村參與區選，而佢嘅付出都收穫咗好多支持，贏咗該區連任三屆嘅對手陳灶良！
如果問選區當中邊個最受矚目，咁就真係可以講係盧俊宇，因為佢嘅對手係現任立法會議員何君堯。傳聞佢喺參選期間收過多次恐嚇同跟蹤，俾唔少人威脅退選，但係盧俊宇面對各方攻勢依然堅持不懈，繼續參選，最後係成功當選樂翠區議員，仲俾何君堯勝出1200票！由各方畫面嚟睇，佢當選之際，現場人士係興奮到開香檳慶祝㗎！
有網民戲稱陳易舜呢個名同歌手陳奕迅同音，不過呢啲笑話講下就算喇，呢個年輕人一啲都唔簡單㗎！佢喺參選之前就就已經落區做咗好多社區工作，而喺藍田呢個佢成長嘅地方，佢發現自己想令呢個地方變得更好，經過幾個月努力，就收穫到平田街坊嘅支持。佢每次同街坊對答都好認真，或者呢個就係佢成功嘅原因，亦都係區議員應該有嘅特質！
呢個名對好多香港人嚟講都唔陌生，因為岑子杰係香港民間人權陣線嘅召集人，積極參與社活動。佢係好多香港人，特別係「和理非」非常關注嘅一位香港社運號召者。有啲人覺得佢只係一個遊行召集人，但事實上佢關注好多社會、人權、平權問題。而今次佢直接落區參選，希望扎根沙田瀝源嚟服務市民，好多人都感覺到佢將會帶嚟一番新氣象！
林浩波喺黃之鋒俾DQ嘅選區海怡西擊敗對手陳家珮，引起網民熱烈討論。一嚟係因為依個選區係黃之鋒本來參選但又畀人取消資格嘅地方啦，二嚟係因為對手陳家珮喺之前在任期間，處理一宗街坊自殺事件嘅時候竟然自拍，令到唔少網民唔多鍾意佢。今次林浩波當選海怡西區議員，好多網民同街坊都話「有請小鳳姐」啊！
本研究資料由《KEYPO大數據關鍵引擎》提供，分析時間範圍為2019年08月29日至2019年11月26日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『區議員新人』相關文本進行分析，並根據網友就該議題之討論，作為本分析依據。
希望佢哋好好服務市民！
|
https://gnimmm.com/2019/05/21/26_years_old/
| 2020-01-27T18:38:26 |
text/plain
|
過去從未覺得年歲如此有標誌意義，但廿六七交界經歷人生最大轉折，感覺應該整理留存，於是動筆。重大挫傷，深切覺悟，獨力復健，然後自我救贖，一年之間，簡直性情大變，連自己都會不時訝異於自己可以如此輕易就撥亂反正，然後輕裝上路。性情大變，其實從來只在一念之間，而要發掘真理，完善自我，首要就係要徹底反省己過，控制自己情緒同能量，然後至可以借助他人協助去面對盲點，最後逐漸領略生命嘅意義，感受生命。
以上兩句句子，語出劇作家Harold Pinter，係我過去對自身生命嘅最精準概括。用咗instagram幾年，profile上面一直都係呢句，從來無意刪改。對過去嘅我而言，進入他人生命之所以引發恐懼，係因為喺我心目中，人類都太過無意識，思想太過簡陋淺薄，導致一切語言行為禮物儀式嘅表象同意義總係無法同步，而實質情感亦總係落後於表面行動。正如我某年生日，舍堂堂友按照習俗，買咗個生日蛋糕同我慶祝，但勉強應付之後，我獨自坐喺房，不自覺就心生想喊嘅衝動，然後就默默落淚。呢種抗拒形式嘅反高潮行徑，並唔係源於我有幾多愁善感，而係我總係無法處理自身嘅軟弱。我曾經以為，與人結交，就等同失去自我，而輕易為他人所影響，就無異於放逐理智，於是不斷以各種方法檢測人際關係，但從來冇意識到，喺排除閒人嘅同時，亦誤傷咗更多以誠相待嘅人。
因此過去我自陷於尼采，幾乎完全相信，只有孤苦可以練就強大意志，而以超人為目標，奮力單打獨鬥，就係唯一進路。我從來唔崇拜尼采，只係覺得大家都係同路人，大概就只配有類似命途，偏偏冇意識到，人嘅思想係會因應際遇而變動，而每次變動都係一次選擇，只要鼓起勇氣去學識承擔責任，認清強詞奪理嘅有弊無利，再高速衝刺嘅列車都係可以及時剎掣。後來我去了解尼采嘅生平，揭開佢執意孤行嘅原由，至發現佢嘅離群索居，根本係源於缺乏安全感，以及情路上嘅追求不遂——所謂精神三變，所謂悲劇嘅誕生，只不過係佢只可以用獅子嘅面貌，去掩蓋佢求愛而不得嘅傷痕。佢認為，駱駝象徵背負傳統束縛，世人應當全力擺脫駱駝，但事實上，人類社會以歷史為基礎，有過去至有現在同將來，若然完全脫離前人所創立同傳承嘅文化傳統，文明就會瓦解。佢因為際遇坎坷，無法從傳統之中得到愛同快樂，於是就從根本上否定傳統，將傳統維繫以及傳達人情嘅功能都一次過推翻，盲目嘅追隨者，就因為佢嘅自成一系而誤以為真理已經昭然若揭，偏偏冇發覺到自絕於世嘅修煉，只係眾多處世方法之道其中一途，並唔等於真理。尼采哲學表面強大，實則脆弱，限制正係源於佢自身嘅慘痛經歷。
人生必然充滿苦難，但苦難嘅源頭，在於自身嘅態度。獅子的確要具備勇於破壞傳統規範嘅精神，但人應當做嘅，並唔係為顛覆而顛覆傳統本身，而係要以堅定嘅意志，反復檢驗傳統嘅意義，擇善而從，去蕪存菁。尼采假定進入他人生命，必然觸礁沉沒，於是放任力量肆意破壞，但進入他人生命所換取嘅，可以係對方嘅善意接受，以及更長遠嘅互相補足，彼此體諒，共同成長。尼采嘅盲點，正在於佢無視關係建立，乃係人類最原始嘅心理需求，而付出情感，將心比己，所附帶嘅並唔一定係迷失自我，委曲求存。任傳統所擺佈，為他人所消費，固然痛苦，但當我地擁有嬰兒嘅力量，決意破解失效傳統，重建健康秩序，繼而積極伸張自我，進入他人生命嘅同時，其實就等同於確立自我，以至弘揚自我。當個體嘅自我變得強大，勇於將價值同意願對外散播，個體所身處嘅群體就會因為感應到嶄新動力而啟動儀式嘅質變，由全體共同支撐嘅新傳統，自然係全中有一，一中見全。人類歷史之所以從來未出現過尼采定義之中嘅超人，正係因為脫離群體者，現實生活上就已經無以為繼，遑論借助後人崇拜，將名聲流傳後世。尼采嘅孤芳自賞本無不妥，強調價值由超人自己定義，亦有見地，但世上弱者多如恆河沙數，道德嘅創建又點可以將佢地排除在外？強弱依存，長短互惠，呢點至係千古不變嘅生存之法。
因此，相比起張揚自身嘅優秀，面對自身嘅軟弱，其實至係超越自己嘅第一步。只有對他人坦露自身不足，然後勇於承擔不足，人與人之間嘅相交先至值得珍惜，而短促嘅人生先至真正獲得意義。自欺欺人，拒絕溝通，只會步上尼采後塵，任由自身嘅恐懼將自己捲入深不見底嘅絕境，無從自救。過去嘅我，獨斷獨行，自以為是，明明受情緒主導，偏又聲稱自己冷靜理性，明明無法獨自承受一切，偏又硬撐自己與人無尤，結果就一而再，再而三咁折磨他人，摧殘他人，直至終於製造遺憾，領受報應，先至痛定思痛，發現自己劍走偏鋒，誤人誤己。多得前人F果斷止蝕離場，廿六歲嘅我，用咗將近一年去自我檢討，總算疏遠咗查拉圖斯特拉嘅虛無飄渺，切換軌道，開始回歸人性。
回歸人性之後，我第一份練習，就係學識同他者共存，而陪練對象，就係自有個性嘅家貓邁仔。世人對待寵物，時常忠於一己所欲，遺忘眾生平等，但照顧邁仔，就令我深刻了解到萬物皆有天性，各有資質，只有認清自身局限，順應自然天性，至可以人有人格，貓有人格，相安無事。雖然我對貓科動物仍然心存戒懼，但邁仔已經係我生命嘅一部分，此貓非貓，因此每見邁仔泰然自若，自得其樂，我就會稍會心安理得，然後又再提醒自己只有努力不懈，至會到緣盡之日不留遺憾。
邁仔嘅出現如同綵排，臨近一八年終，命運待我不薄，又再安排練習，容許我以升級改版嘅我，再次進入他人生命，相信與人親近毋須恐懼，而待人以誠亦毋須刻意苦學。廿三歲嘅時候，我以為遇到會容忍自己脾氣嘅人就係好彩，但到廿六歲嘅時候，我至後知後覺，知道遇到令自己徹底投降同甘心付出嘅人至係莫大運氣。一齊一說，之所以比拍拖溝女之說更加浪漫而高尚，正係因為所謂一齊，係大家都做緊自己，但又極為對方設想，而只有大家都夠成熟獨立，至可以互通能量，和平共存。對彼此有耐性，但毋須忍耐；不停交換見解，但毋須爭論；照顧大家感受，但毋須轉彎抹角。世人相戀，時有壯語亂發，講得天花亂墜，但到頭來一事無成，但承諾本身，其實正正就係不落俗套嘅儀式，可以彰顯內心。真正嘅承諾，係對自己嘅承諾，承諾每日都會精進自身，而當自己不忘修煉，時刻自覺，力量自然得以保溫，歷久常新。
到一九年初，命運繼續為我製造處境，家母急病離世，未有留低半句遺言。經歷莫大痛苦之後，我更加理解家庭結構歷久不衰嘅原因，亦理解到即使真理未必存在，但解釋與定義，其實已經具備不輸真理嘅價值。回歸家庭，貢獻他人，善待群體，比起思考奴隸道德以及善惡轉換都更有意義，更切合強者嘅訓練強度，更接近追求共榮嘅自然法則。人只知諉過於人，埋怨上天，經歷再多，亦只會原地踏步，但當下定決心求變，即使日子從簡，青菜白飯，都可以歡快而充實。
由自細到大堅決反對一切儀式，拜年拜山都打死唔到，去到今年生日原本只係同最重要嘅人食餐飯但又樂意演變到同一堆親戚一齊度過，為狀態不穩嘅過去畫上句號，我嘅廿六歲，堪稱係反尼采嘅一年，極為平淡，亦極為熾熱。尼采敵視基督，宣稱唔為虛無嘅宗教觀念浪費時間，但佢忽視咗宗教以愛同熱愛生命作為源頭，為世人所賦予嘅生命力，而要證實我在，就必須與人連結，亦係佢刻意規避嘅理論盲點。不論係人定係理論，都要放低自我，接受意見，至會接近完美，而自我封閉，止步於虛無，就永遠冇可能真正進入他人生命，完成救贖，完成戰鬥，以至成就不朽，重新定義一切價值。
|
http://www2.hkej.com/instantnews/market/article/2309258/%E3%80%90%E7%9B%A4%E6%88%BF%E4%BE%86%E6%96%99%E3%80%91%E6%9A%B4%E8%B7%8C%E8%82%A1%E7%88%86%E7%85%B2%E5%BE%8C+%E7%84%B6%E5%BE%8C%E5%86%8D%E5%86%87%E7%84%B6%E5%BE%8C
| 2020-01-24T23:07:03 |
text/plain
|
本來由上月初話傾得好地地嘅中美貿易談判，傾到咁上下又出岔子，之前阿Man都講咗N咁多次，中美之間要達成協議唔係咁容易，雙方嘅矛盾亦難化解，之前已提出過四大矛盾係乜嘢，講嚟講去又係雞先定係蛋先嘅問題，咁點會有得傾。而侵侵又再以強硬態度示人，表示喺中美貿易談判上，中國未能達致令美國滿意嘅程度，即係咁，你唔聽我話，咁咪唔簽囉，咪又再加你關稅囉。加上美國參眾兩完已通過《香港人權與民主法案》，仲會短時間內整合好統一方案，再交予白宮畀侵侵簽名，路透社引述知情人士報道，侵侵將會簽署，實行畀啲顏色你睇，話知你中國喺參議院通過方案後，一日內七連擊發聲抗議或指責。
喺咁嘅情況下，中美貿易協議莫過話喺今年內簽唔到，真係未知何年何日得償所願，美股隔晚就腳軟，不過收市前又有白宮官員打嘴炮，表示對簽署貿易協議仍有信心，咁市場內仲有樂天派，認為協議仍能順利簽署。總之家下就傳言滿天飛，首階段貿易協議簽署與否，一日可以轉幾次風向，都係要識執生。
不過呢港股對負面消息寧舍敏感，今早恒指裂口低開302點，已經係半日高位26587點，其後跌幅繼續抗大，一度跌583點，見26306點半日低位。其後有外電指中國國務院副總理劉鶴，據報對達成第一階段協議持「謹慎樂觀」態度，恒指亦隨之低位反彈些少，跌幅曾收窄至400點內。恒指中午報收26456點，跌433點；國指則報收10458點，跌160點。
重磅股唔使問梗係腳軟，大部份權重股都跌1%以上，而早兩日都叫有啲表現嘅醫藥股同手機設備股，今日沽壓較為沉重，普遍跌2%以上。至於阿Man呢兩星期都強調避之則吉嘅陀地地產股，今日係重災區，當中九倉置業(01997)半日跌4.1%，藍籌股中跑第尾，其他陀地地產股，閒閒地跌2%，恒地(00012)半日跌1.3%，已經最輕手。
今日市場焦點應該都唔係重磅股，係兩隻跌幅達成九嘅暴跌股，卡森國際(00496)被沽空機構殺人鯨資本狙擊，股價急跌九成後停牌，停牌前跌0.455元。另一隻雅高控股(03313)因為畀MSCI拒諸門外，即有人乘機散水，喺人踩人情況下，股價最多跌98%，低見0.246元，而上日收市價係14.8元。事緣公司喺11月8日宣布納入MSCI中國指數，並於下周二收市後生效，當日宣布股價已大升四成，其後股價一直炒上，市值更升至463億元。
|
https://afterschool.com.hk/blog-post/59/%E5%85%A9%E6%8B%9B%E5%B9%AB%E4%BD%A0%E6%B8%9B%E8%BC%95DSE%E7%84%A6%E6%85%AE%E7%97%87/
| 2020-01-22T23:36:54 |
text/plain
|
每年參與DSE嘅同學有成五萬幾六萬人，當中只有約20%嘅同學可以經JUPAS考入心儀大學，出現「淆底」、「恐懼」、「緊張」呢啲情緒係十分正常！但係如果比呢啲負面情緒影響到你嘅學習表現咪好唔抵？！
今次我就會同你分享兩個方法去解決呢啲負面情緒！
你平時睇啟運/其他比賽果陣，你會發現記者係採訪入面成日都會問參賽者「你緊張嗎？」。而有趣地，99％嘅時間，佢都會答「不，我很興奮！」。點解呢班運動員係呢個全球舞台表演嘅時候都唔會緊張？
小小心態上嘅改變，會為你帶嚟意想不到嘅效果！
唔講唔知原來大部分嘅人都唔識用正確嘅方法去呼吸，好多時候我哋用胸部進行短暫嘅淺呼吸，限制咗氧氣嘅攝取量。呼吸嘅正確方法係用橫膈膜（肺部肌肉）擴張腹部！
如果唔好好控制，呢種呼吸模式會導致無休止嘅壓力循環：感到緊張 → 所以採取淺呼吸 → 淺呼吸導致更多緊張⋯如此類推，直到你一直處於低級焦慮嘅狀態。
通過呢啲小技巧，相信一定可以幫你減輕壓力！記住：呼吸並控制你可以控制嘅事物！最重要嘅係—提醒自己DSE只係人生嘅一個預關口，你亦無必要同其他人比較，不斷突破自己就已經好足夠了！加油！
|
https://zh-yue.m.wikipedia.org/wiki/%E6%B8%AF%E5%B3%B6%E7%B6%AB
| 2020-01-25T21:00:42 |
text/plain
|
港島綫係港鐵營運嘅路線之一。由中西區嘅堅尼地城開始，去到東區嘅柴灣為止。呢條綫喺1985年5月31號分段通車，到1986年5月23號全線正式通車，至於其後規劃嘅港島綫西延（堅尼地城-柴灣）亦都終於喺2015年3月29號完全通車。截至2015年3月，本線有17個車站（同觀塘綫一樣係最多車站嘅港鐵綫），當中4個係轉車站（中環站（可以行去香港站轉東涌綫同機場快綫）、金鐘站、北角站同鰂魚涌站），杏花邨站同埋柴灣站兩個車站分別係地面同架空車站，其餘係地底車站。港島綫列車一列8卡，喺路線圖中以藍色代表。
港鐵港島綫路綫圖（按真實地形繪畫），包含港島綫西延路段。
1980年12月23號，當時香港政府正式批准用 95 億港紙，動工起地鐵港島綫，亦否決將電車延長去柴灣嘅計劃。1983年底起好基本隧道結構，工程正式進入高潮。去到1985年5月31號，金鐘站至柴灣站一段正式投入服務，而金鐘站就做咗港島綫同埋荃灣綫嘅轉車站。之後，列車加到八卡。最後喺1986年5月23號，港島綫列車服務正式伸延到中環同埋上環，以上環站做總站，加咗中環站做港島綫同荃灣綫嘅轉車站。
港島綫通車初期，由於車隊唔夠，地鐵曾經一度設金鐘站（金鐘側線）來往太古站（太古側線）嘅短程特別班次，由1985年10月1號開始，所有港島綫列車都來往柴灣。
跟著觀塘綫嘅服務喺1989年10月1號伸延到香港島，鰂魚涌站成為港島綫同觀塘綫嘅轉車站。為咗進一步紓緩鰂魚涌站轉車嘅擠迫情況，政府提出「紓緩鰂魚涌站乘客擠塞工程」，決定擴建北角站，令佢成為當時第二個接駁觀塘綫嘅港島綫車站。工程喺1998年7月正式動工。新起嘅北角轉車月台喺2001年9月27號正式啟用，証實跨月台轉乘設計非常有效，令喺鰂魚涌站轉車需要4分鐘，大大縮短至喺北角站，唔使1分鐘。
1998年東涌綫同埋機場快綫正式通車，香港島嘅總站係香港站。地鐵將香港站同中環站用幾條行人自動運輸系統連埋，令呢兩條綫能夠同港島綫互通。隨住將軍澳綫通車，北角站同鰂魚涌站喺2002年8月4號改做同將軍澳綫嘅轉車站。
2005年6月30號，政府批准地鐵起港島綫西延，由港島綫上環站向西延伸，經西營盤、大學兩個車站，以堅尼地城為總站。港島綫西延喺2009年開始起，2014年12月28號通車，而西營盤站就因為出口未整好喺2015年3月29號啟用。
全線採用英國製造嘅都城嘉慕電動列車（M-Train），總共有35列，由8個車廂組成；通車到而家一直採用，並喺1998年至到2001年之間全面翻新。由於車隊中都城嘉慕第2b代列車嘅控流系統同其他英製列車唔同，為咗方便管理同維修，呢啲列車由1985年投入服務到而家都只喺港島線行走。
都城嘉慕電動列車車廂編組註解：
若果北港島綫用「換綫」方案落實興建嘅話，將來嘅港島綫將會一分為二，分別撥歸將軍澳綫同東涌綫。前者嘅終點站將會設喺堅尼地城站，而後者則到柴灣站為止，但由於需求仍難以興建，因此有關計劃須擱置。
但根據報章喺2008年5月報道，北港島綫將唔會瓜分港島綫路段，屆時將軍澳綫延線落成後，港島綫將會「一軌兩用」，由堅尼地城站嘅列車會開往寶琳站、康城站或柴灣站，當中天后站可以轉北港島綫（東涌綫延線）。而根據中西區區議員阮品強、何俊麒同埋甘乃威指出，港鐵將會響銅鑼灣站（時代廣場）A出口進行擴建工程連接跑馬地，以取代興建跑馬地站。
另外，北港島綫仲有一個方案（「交匯」），就係喺添馬站設東涌綫同將軍澳綫嘅轉綫站。
SCL 根據運輸及房屋局提交嘅沙田至中環綫合併方案，東鐵綫將連接計劃緊嘅沙田至中環綫嘅第四條過海鐵路部份，成為南北走廊。而家暫時未能夠落實有關計劃嘅發展日期。
SIL 根據港鐵公司提出嘅南港島綫方案，會起南港島綫東段同南港島綫西段，為港島南區提供鐵路服務。南港島綫東段已經喺2016年12月通車，而西段就未確定幾時通車。
|
http://www.bce.fcu.edu.tw/wSite/ct?xItem=239499&ctNode=31743&mp=229105&idPath=16892_31708_31743
| 2020-01-23T09:12:05 |
text/plain
|
4.服務時間：16:30~18:30(含來回往返學校時間)，提供晚餐一份。
請於報名表中任選一場次。
6.活動內容：星期三下午至至善國中協助一年級同學英文課輔，針對課本及習作進行補救教學。
7.提供服務時數證明。
9.以上活動如有未盡事宜請至領導知能與服務中心(忠106)洽詢陳姿伶老師(分機2296)。
|
https://zh-yue.m.wikipedia.org/wiki/%E8%B1%AC%E8%82%89
| 2020-01-20T09:47:32 |
text/plain
|
豬肉，肉一種，豬身上切出來嘅肉。唔少地方嘅人，都食豬肉，係常見肉類。豬肉有好多個部位，煮法同菜色都唔同。豬肉亦有異字猪肉。
英文叫做pork。
有啲地方唔食豬肉，認為佢唔乾淨，見於西亞以及回教。豬肉係建議要徹底煮熟，因為怕有寄生蟲，尤其肝吸蟲嘅卵，煮熟會殺死晒佢哋。
豬肉亦有種種保存製法，如香腸、臘腸、臘肉、火腿，煙肉，諸如此類。
呢篇豬肉係關於嘢食嘅楔位文章，重未完成嘅。麻煩你幫手補充佢嘅內容。
|
https://heawork.19ga.hk/2017111726214/
| 2020-01-21T21:17:35 |
text/plain
|
最近唔少網民就俾幾多錢家用爭論不休。有打工仔上網感慨，其實無家底無背景，出嚟打份牛工，仲要俾家用，減去讀書貸款，減去基本生活開支，又有幾多錢剩呢？
無錢剩，更無可能靠自己白手興家。打工仔仲話，今時今日，就算升職都未必可以加好多人工，做個三五七年，又話要裁員中年失業，到時人又老，錢又無：
講開又係，如果你搵16000蚊，當自己租樓住月租8千，俾埋家用3千蚊，搭車無咗一兩千，其實你嘅人生幾乎玩完；相反，有家底嘅人反而可以：
之前都有訪問指，23歲港女Macy，唔畀家用先有買樓機會。
窮人真係好難向上流，難怪唔少打工仔，都為此post發表心聲，仲話屋企家用少幾百已經等於不孝。講心都講金，今時今日打工仔，真係連孝子都唔易做。
|
https://travel.fanpiece.com/kkday/%E5%85%A9%E6%97%A5%E4%B8%80%E5%A4%9C%E7%8E%A9%E8%BD%89%E6%96%B0%E6%BF%A0%E5%BD%B1%E5%8C%AF-%E6%B0%B4%E8%88%9E%E9%96%93-c1240547.html
| 2020-01-18T15:47:51 |
text/plain
|
不過講到2046都未去得成。
就不如近近地去澳門玩番兩日一夜啦！
食葡撻、豬排包，買杏仁餅，仲有睇水舞間，玩蝙蝠俠夜神飛馳同埋8字型摩天輪。
行程就唔算好特別，不過同friend去玩，做乜都開心啦！
今次係坐A區正台！真係超興奮！
原來坐嗰行啱啱好係唔會濕身！超好彩！！
開場後，佢完全無令我失望！！！
望住佢哋三兩吓手勢就疊完羅漢，真係覺得佢哋好犀利！
見到佢哋倒掛係高空，其實睇到個心都卜卜跳，因為好驚佢哋會跌落嚟！
成個表演都好有故事性，90分鐘絕無悶場！
一路睇表演，我覺得有太多焦點，有時真係唔知望邊度好！同埋你會睇得出佢地成個表演係經過精心設計，等你掛住望上面嘅空中飛人時，就轉換下面舞台嘅場景。仲有呀，個個表演者無論男男女女都手瓜起𦟌，全部都係真材實料！話佢係全球最壯觀嘅水上匯演真係一啲都唔誇張！
係度提提大家，場內係可以影相，但唔可以用閃光燈或者錄影。
▶▶▶依家買水舞間門票，仲送8字摩天輪門票！
之後第二日就位緊係要食好西啦！小編就同咗朋友去官也街食野啦。
係官也街仲有無數嘅手信店，鍾意食杏仁餅嘅你千祈唔好錯過啦！
一路跟住啲指示牌直行，大概十分鐘左右就會見到龍環葡韻住宅式博物館。就咁講你可能唔知係邊度嚟，睇圖你就知！
就係呢5棟薄荷綠色嘅建築物啦！佢哋本身係澳門離島高級官員嘅官邸同埋一啲土生葡人嘅家庭住宅。但係1992年澳葡政府就開展咗修復同改建工程，將呢5棟建築物改建成住宅式博物館。係呢度就緊係無限自拍，影相影相再影相啦！
之段就去咗食葡撻啦～澳門有兩間好出名食葡撻嘅鋪頭，一間就係比較遠嘅安德魯餅店，另一間就係瑪嘉烈蛋撻店啦。由於時間關係，我哋就去咗位於新葡京附近嘅瑪嘉烈蛋撻店。
葡撻表面有層薄薄嘅焦糖，撻皮又香又酥，食落啖啖蛋香味，真係好正㗎！不過價錢有少少貴，＄10一個，＄55有六個。
食飽飽就係去玩嘅時候啦，係新麗華酒店門口有免費穿梭巴士來往新濠影匯。今次緊係去新開嘅「蝙蝠俠夜神飛馳」同埋「8字形摩天輪」啦。巴士上仲有提供免費Wi-Fi，真係連電話卡都唔洗買。
要留意入到去係唔俾影相㗎！
入到去會先睇一啲影片，了解咗故事背景，最後先會入坐睇 4D 電影。
無需戴3D 眼鏡，座位會按電影情節嚟郁動，營造出係高樓大廈左穿右插嘅效果。
電影對白係講英文嘅，但都有中文字幕提供，所以唔洗擔心睇唔明。
真正睇 4D 電影只得大概6分鐘就有啲短。
不過無可否認個 4D 效果真係好好！
記得12 歲以下小朋友，身高要夠 1.2米先可以玩（小童票價 MOP 120）。
之後我哋都去埋「8字形摩天輪」，係商場入面要搵番去「影匯之星」嘅指示牌就可以啦。
「影滙之星」係全球獨一無二嘅8字形摩天輪，最高點有130米！
小編去嘅時候係星期一，所以都唔算好多人，排一陣就上到去玩。
每個車箱可以容納10個人左右，總共有17卡車。如果係睇夜景嘅話坐邊面都無乜所謂，因為上到去大家都會係車廂內隨意走動。
成個過程大概10分鐘左右，所以要好好把握時間影相！
依家買水舞間飛就送「影滙之星」嘅門票，都算抵㗎，因為一張飛原價都要MOP100！
玩完「影滙之星」都夠鐘要搭車去碼頭搭船返香港，係新濠影匯就有免費接駁巴士去氹仔碼頭～兩日一夜，假都唔洗請就可以玩晒咁多樣野啦！
|
https://share.hk.weibo.com/news/article/20191004/0/7/87/%E8%99%9B%E6%93%AC%E4%B8%96%E7%95%8C%E5%98%85%E5%BF%AB%E6%A8%82-%E5%8D%81%E5%A4%A7890%E5%BE%8C%E5%BF%B5%E5%BF%B5%E4%B8%8D%E5%BF%98Online-Game-10680830.html
| 2020-01-26T14:46:19 |
text/plain
|
好多人係喺某一瞬間發覺自己大個咗，意識到自己原來已經出社會做咗幾年嘢，一早脫離咗嘻嘻哈哈又一日嘅青春時光。以前放學可以即刻衝返屋企打機，打到啊媽嗌食飯都唔肯停，顧住升lv搞到第二日欠功課又畀Miss罰留堂，但係依然可以日日如是，好似咩煩惱都無咁。依家日日都要返工，又攰又大壓力嘅生活，仲邊有時間升lv打裝，淨係可以間唔時玩吓手機Game咁。而依幾年，好多童年回憶嘅Online Game出咗Mobile版，但好多玩法唔晒，淨係可以用嚟勾起吓童年回憶。不過亦都仲有好多童年回憶嘅Online Game無出到手機版，但都仲係好多人討論、懷念。今日DailyView就同大家一齊，細數十大香港8、90後念念不忘嘅Online Game啦！
唔知大家仲記唔記嗰隻拿住刀仔嘅哈比兔呢？對好多人嚟講，呢隻兔仔可能係八十、九十年代玩家對《希望Online》嘅共同回憶。呢隻早期嘅Online Game，走可愛風格，吸引咗好多唔打機嘅女仔都入咗去玩。最緊要嘅，係《希望Online》好快推出咗當時獨創嘅「情侶系統」。好多人第一任嘅網公、網婆，都係喺《希望Online》互結良緣，嗰種第一次接觸戀愛嘅心跳，真係難以忘懷。而且總會有由網公網婆走到現實結埋婚嘅故仔，呢種童真嘅浪漫回憶同期盼，一直深埋喺我哋心中。
Heat Project，喺2005年正式喺香港營運，佢嘅出現，即時吸引咗好多後生仔沉迷落呢隻game。大家放咗學，一齊著住校服落網吧，以前只會聽到大家玩緊CS開槍嘅聲音，但而家再睇真少少，原來唔止CS，Heat Project都好多人玩！Heat Project最有特色嘅係佢令玩家相當有親切感，喺旺角街頭之中混戰，台北故宮開火箭炮，真係大大超越咗其他射擊game。可惜呢隻game後期出現大量嘅外掛，改槍改圖加速器又多bug，令到隻game無咩人再玩，到最後執埋，真係相當令人可惜！
香港2008年開game，2013年結束營運嘅《百變恰吉》，有玩過嘅各位朋友，真係見證咗一代格鬥game經典嘅消逝。《百變恰吉》有幾紅？喺2007、08、09年，佢都舉辦咗百變恰吉世界大會，有唔同國家嘅玩家參賽，認真把炮。除咗個人格鬥，《百變恰吉》仲有公會系統，召集咗各派人馬大戰，多人圍毆，拳拳到肉，刺激到不得了。《百變恰吉》係好講技術嘅遊戲，同今時今日只要課金鬥錢多就贏嘅世代，真係相去極遠。好多人都由小學玩到中學，真係集體回憶嚟。
2006年，香港嘅《勁舞團》正式登場，唔係一般嘅Online Game，佢唔係玩槍，唔係玩打怪升呢，又唔係玩打交。《勁舞團》突破先河，玩嘅係兩個字，跳舞。只要入去網吧，望吓邊個人只係快速咁敲擊緊鍵盤，快到好似要㩒爆部機咁，就知佢哋係到玩緊《勁舞團》。點解咁受歡迎？因為跳舞呢種活動，係男女通吃嘅。好多中學男仔，為咗識多幾位女仔朋友，都會玩吓《勁舞團》，隨時識返個網婆，威畀身邊嘅朋友仔睇！諗返起當時情景，真係要講句，錢我就大把，我要初戀呀！
《童話Online》，可以講係網路界嘅長青樹，生存咗好耐不特止，2019年又宣布重新啟動，證明一直以嚟都有唔少人玩緊呢隻game。《童話》嘅可愛風格吸引咗男女老幼一齊玩，又以捉寵物為主，回合制嘅玩法，加上輕鬆嘅音樂，相比起其他競技類型嘅遊戲，更加啱細水長流慢慢玩。唔知有幾多人，為咗捉一隻靚數據靚屬性嘅寵物，浪費咗幾粒鐘先成功。而且呢隻game嘅以童話故事做主線，特別得嚟又有親切感。又可以一齊組隊打boss過任，同朋友約唔使出街，一齊打機捉寵仲開心！
《彩虹冒險》可以話係第一代嘅格鬥Game，畫風卡通，但打起上嚟都可以好型好刺激！《彩虹》有好多元嘅玩法，想玩技術嘅有得車輪戰，想玩開心有得踢波，想掛機吹水又有練習模式，仲有得同一班friend做任務打火龍啊。唔怪得依家每逢討論到最想玩返嘅Online Game，好多人都會提到《彩虹冒險》啦！個個都話好掛住當年同一班friend，為咗升裝升屬性日日洗卡嘅日子，同埋對自己未擁有過一把頂降禁防嘅風劍9而遺憾。當年，「999」對好多香港細路嚟講，唔係報案電話，而係一個憧憬。
世界級熱門槍Game《CS1.6》，係唔少香港男仔嘅童年，亦係令佢哋到依家仲係念念不忘。唔講其他槍game，淨係CS都出多咗好幾代，但係好多人都一直想玩返《CS1.6》，因為《CS1.6》代表住佢哋嘅童年。想當年，有幾多人當年為咗練好槍法而不眠不休咁苦練？又有幾多人不停咁喺「duct 2」到奮戰？相信好多人都唔會忘記T嘅b42同CT嘅b43，亦都唔會忘記大家裝過同拆過嘅c4。今日，再次睇返《CS1.6》高手大發神威嘅片段，係咪回想起自己第一次甩狙成功嘅嗰種熱血、興奮？
2006年《墨香Online》一出，一個完整嘅東方武俠世界令到唔少香港青少年入晒迷，齊齊進入咗依個江湖。13年過去喇，好多人都好掛住當年玩《墨香》嘅日子，於是坊間私服不斷，但好多人都話始終都搵唔返細個嗰種感動。《墨香》吸引人嘅位，唔係佢有獨特嘅「SOS」、「包袱商人」等等嘅設定，而係一班朋友一齊成長、奮鬥嘅經歷。記唔記得當年40lv升輕功嗰陣瞬間長大嘅感覺？記唔記得一齊喺黃河開紅、一齊守城攻城？今日長大成人嘅你，聽返《墨香》嘅bgm，想唔想返蘭州？
《跑Online》2006年開始營運到依家都仲繼續緊，但好多人就話佢童年入面嘅《跑》早已經唔喺到喇。當年《跑》一出，輕鬆新穎嘅玩法吸引唔少學生，好多小學雞、中學雞，日日放學返屋企唔係做功課，而係開《跑》玩幾場。依家十幾年過咗去，《跑》嘅主題曲都由鄧麗欣變張敬軒，再變野仔、糖兄妹、王梓軒、曾翠如，去到依家嘅樂瞳。一首首被替換嘅歌曲，意味住一班又一班人長大，同時亦代表佢哋青春嘅流逝。當年奔跑過嘅你哋。依家都還好嗎？好想再同你哋跑返場。
龐大嘅世界觀，完整、合理嘅故事背景，多元豐富嘅玩法，令到《魔獸世界》由2004年發行到依家，依然受到全世界機迷愛載，其中當然包括香港人啦。由2004年開始，香港人就卷入咗一場世界級嘅戰爭，進入聯盟同部落勢不兩立嘅世界，為咗自己嘅陣營不停地戰鬥。《魔獸》同好多Game一樣，咁多年不斷更新，早已經唔改係一開始出嘅咁樣，但《魔獸》嘅玩家好幸運，唔似其他Game嘅人睇住自己錯經深愛嘅Game變得陌生。今年出返最初代嘅《魔獸》經典版，可以重溫當年感動。
本研究資料分析時間範圍為2018年10月02日至2019年10月03日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『念念不忘嘅Online Game 』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
日本人如何區分中國人？網曝「暗黑特徵」敲碎玻璃心！
|
https://zh-yue.m.wikipedia.org/wiki/%E7%84%A1%E7%B6%AB%E8%B2%A1%E7%B6%93%E5%8F%B0
| 2020-01-20T09:47:00 |
text/plain
|
唔好同有線財經資訊台搞亂。
呢篇嘢講嘅係2017年8月打後嘅香港數碼電視第85頻道。
想搵2007年12月到2016年2月嘅同一頻道，請睇「高清翡翠台」。
想搵2016年2月到2017年8月嘅同一頻道，請睇「無綫電視J5台」。
無綫財經·資訊台，2018年1月20號之前叫無綫財經台，係香港無綫電視其中一條高清數碼電視頻道，頻道冧巴85，喺2017年8月15號正式啟播，取代原先嘅J5台。
無綫財經·資訊台係全香港唯一24小時免費財經頻道，比起佢前身J5台更側重財經方面嘅節目，亦都保留一啲外購紀錄片同資訊節目，但就唔會再有電視劇播。
呢篇無綫財經·資訊台係關於香港電視嘅楔位文章，重未完成嘅。麻煩你幫手補充佢嘅內容。
|
https://zino.hk/post/skincare-tips-tc/foodforantiaging/
| 2020-01-19T11:44:22 |
text/plain
|
娛樂圈不乏駐顏有術嘅男女明星，容顏二十年如同一日，一絲衰老跡象都無，睇到大家都好妒忌。為咗留住青春，唔少女性會大撒金錢去買昂貴嘅保養品，但其實食物先至係對抗衰老嘅關鍵！
想成功抗衰老嘅話，我地就要以抗氧化劑將自由基由身體中清除，而自然中有唔少食物都係擁有天然抗氧化劑。
甜椒含豐富嘅椒紅素、β-胡蘿蔔素及維生素C，可以活化細胞，延緩衰老。另外，甜椒亦對身體非常有益，佢能夠預防癌症及心血管疾病，並加強新陳代謝，令皮膚光滑柔嫩，頭髮亮麗。
雖然大蒜嘅味道唔係人人都接受到，但其實佢可以為我地帶嚟唔少好處。大蒜中嘅大蒜素及硒、鋅等物質，都係強力抗氧化劑，可以預防癌症，令血管擴張，降低血壓同埋膽固醇，仲可以提高免疫能力，守護你嘅身體。
綠茶當中蘊含兒茶素，令你嘅血管更加健康，包括增加血管韌性，以及預防血管硬化。更厲害嘅係佢可以防止細胞突變，抑制癌細胞嘅生成。除咗可以強身健體外，綠茶亦對美容養顏有幫助，飲多啲綠茶可以令皮膚變得光滑細緻。
|
https://zh-yue.m.wikipedia.org/wiki/%E5%B0%8E%E7%81%AB%E6%96%B0%E8%81%9E%E7%B7%9A
| 2020-01-24T08:40:03 |
text/plain
|
呢篇文講電視劇。想搵呢套劇嘅電影版，請睇「導火新聞線 (電影)」。
《導火新聞線》（英文：The Menu）係香港電視網絡整嘅社會新聞電視劇，由梁小冰、周家怡、楊淇同王宗堯領銜主演，編審係潘漫紅，總導演係方俊華。呢套戲係「2015年香港電視網絡重頭戲」[1][2]。
故事講一班記者喺面對商業社會嘅現實下，點樣彰顯公義，睇實社會嘅過程。四個主角Alma（梁小冰）、方凝（周家怡）、阿咩（楊淇）同輝爺（王宗堯），喺一份免費報紙《囧報》入面，點樣因為對新聞理念唔同而發生衝突。空降去《囧報》做老總嘅Alma，點樣由一個後生嗰陣特登關懷弱勢社群嘅良心記者，變到唯利是圖，以超級「爆」同「重口味」嘅報道來吸引讀者，甚至自我審查，以各種理由阻止班細嘅深入報道權貴嘅不利消息；以及做記者嘅輝爺，點樣由一個熱血記者，變到一個「迆爆」頹廢男。
呢套戲題材主要探討香港傳媒嘅生存價值，風格寫實，喺劇集前半部更反映記者不為人知嘅辛苦，包括冒住生命危險報道真相，為咗提高報紙銷量擅自換頭版，甚至為咗獨家可以同有權勢嘅人做檯底交易等内容。呢套戲雖然係一套喺2013年殺青嘅戲，但係劇入面出現嘅暗角打人、老總俾人斬、大報社換頭版等等嘅情節，竟然喺下一年一一中嗮，所以俾香港網友叫做「先知劇」、「神劇」[3][4][5]。
《導火新聞線》喺2013年3月20號開始拍，喺當年8月28號殺青。不過喺拍之前，網上已經流傳《導火新聞線》嘅片段花絮[7]。片花全長分半鐘，內容講梁小冰扮嘅Alma，反問周家怡扮嘅高級記者（片入面冇名），點大家同期入行，周家怡嘅職位點解一尐都冇升。
香港電視網絡喺2014年10月26號喺YouTube上載《導火新聞線》嘅正式片段花絮[8]，片段全長一分鐘，主要係講汪海藍（梁小冰）覺得報導新聞嘅原則，就是讀者鍾意睇嘅故事，就值得去做，冇人睇嘅報紙，就冇生存空間。另外片入面重加咗車禍、爆炸、追料同當街斬人等場景，最後用「唔好諗住公器私用，香港重有新聞自由」做結尾。
港聞採主。
初級記者。
|
https://zh-yue.m.wikipedia.org/wiki/1954%E5%B9%B4
| 2020-01-28T10:47:53 |
text/plain
|
1954年係平年。
1月23號：韓戰嘅臺灣戰俘被送返臺灣。
3月13號：武元甲領導越南軍隊進攻奠邊府嘅法國軍隊，奠邊府戰役爆發。
3月13號：蘇聯情報機構蘇聯秘密警察成立。
3月20號：中國自己造，當時最大嘅客輪「民眾號」落水。客輪可以載947人同300噸貨物。
3月22號：第2屆中華民國總統選舉，由蔣介石連任總統，時任行政院長陳誠任副總統。
3月30號：加拿大頭一條地下鐵—多倫多地下鐵通車。
5月1號到5月9號：1954年亞洲運動會喺菲律賓馬尼拉舉行。
5月17號：美國最高法院宣佈「布朗裁決」，廢除黑、白人分開學校上堂嘅制度。
5月24號：晶體管電子計算機誕生。
6月27號：世界上第一個大規模核電廠喺蘇聯啟用。
7月4號：1954年FIFA世界盃足球賽，西德隊以三比二打贏匈牙利隊攞冠軍，史稱「伯爾尼奇蹟」。
7月5號：英國廣播公司第一次廣播電視新聞簡訊節目。
7月11號：1954年環球小姐競選喺美國加州長灘舉行，由美國代表瑪莉安·史蒂雲森贏冠軍。
7月20號：法國、越南民主共和國、老撾同柬埔寨四國代表喺日內瓦簽《印度支那停戰協定》，法越戰爭完咗。
7月29號：托爾金嘅《魔戒》第一部曲喺英國出版。
9月15號：第一屆中華人民共和國全國人民代表大會第一次會議響北京召開。
9月24號、9月25號同10月5號：第10屆敘利亞議會選舉。
10月2號：聯邦德國加入北大西洋公約組織。
10月8號：法國軍隊同胡志明嘅軍隊響越南打咗九年仗，終於撤離河內。九年內法軍一共死咗九萬二千幾個兵士，超過十一萬人傷。
10月11號：胡志明為首嘅越南獨立同盟會入主河內，控制北越政權。
10月18號：由德州儀器造嘅頭一部商業化生產、輕便型半導體收音機Regency TR-1（英文：Regency TR-1）喺印第安納波利斯出售。
11月1號：法屬印度四個地區由印度接管，以「本地治里」嘅名義共組成為印度一個聯邦屬地。
12月23號：人類器官移植第一次成功—Joseph Murray同J. Hartwell Harrison醫生將佢個孖生阿哥嘅腎移植畀個佢細佬。
《伊豆之旅》（伊豆の旅），《吳清源棋談・名人》（呉清源棋談・名人）：日本作家川端康成嘅長篇小說。
|
https://zh-yue.wikipedia.org/wiki/%E4%BC%B6%E4%BB%83%E6%B4%8B
| 2020-01-19T02:39:55 |
text/plain
|
伶仃洋，又寫做零丁洋，係珠江口對出嘅海，夾響香港新界同珠海中間。洋兩邊各有島，東面有淇澳，西面有內伶仃。佢北面係珠江口，南面係九洲洋。亦有書將九洲洋同萬山羣島歸入去伶仃洋。伶仃洋主要歸深圳同珠海管。
大宋末丞相文天祥響廣東俾元軍捉咗。艘船由元朗開過伶仃洋，佢就作咗首詩《過零丁洋》，以表不屈。
1983年，香港商人胡應湘建議喺伶仃洋起大橋，連埋香港同珠海。珠海政府於1989年正式公佈伶仃洋大橋計劃，並於1997年獲中國國務院批准。珠海亦喺佢境內起咗大橋一部份，即淇澳島大橋。但香港政府一直對該計劃反應冷淡。
2002年11月，當時國務院總理朱鎔基支持起港珠澳大橋，即係連埋香港、珠海同澳門，伶仃洋大橋計劃亦都告吹。之後，廣東省計劃起深中大橋，以連接深圳同埋中山。
呢版上次改係2018年11月22號 (禮拜四) 12:25 嘅事。
|
https://zh-yue.wikipedia.org/wiki/%E6%96%A7%E5%B1%B1
| 2020-01-21T12:18:23 |
text/plain
|
斧山（Hammer Hill）係香港一山，亦係一地，喺九龍西北。佢係牛池灣後面一座山仔，山頂部成長形，有兩峰，一高四百七十七呎，另一高四百七十二呎。由於頂成長形兩突，睇落似斧或鎚。斧山因爲係利器，政府改屋宇名時，避忌叫富山。斧山向來視爲牛池灣一部份。
斧山出頂處起咗牛池灣配水庫，供水到附近一帶。
西南一則，向住九龍灣平原。東北一則，高山飛鵞山。
環繞斧山都係屋宇。山呈西北到東南向。
西南一則，向住九龍灣平原，南起聖約瑟安老院，過啲係牛池灣村，過啲威豪花園、過啲斧山道運動場。向北上山有新麗花園、嘉峰臺。向北谷地有富山邨、瓊山苑、瓊麗苑、瓊軒苑、海港花園。
東北一則，喺山高之處，向東北係高山飛鵞山。呢帶由北起，有峻弦、曉暉花園。山東南角係彩雲邨。
斧山西有路叫斧山道，原本係一道，家下畀蒲崗村道食咁截，得頭尾兩截。
斧山東北有扎山道。
呢版上次改係2017年4月9號 (禮拜日) 14:14 嘅事。
|
https://www.shikoto.com/articles/83151/138143.html
| 2020-01-17T13:54:26 |
text/plain
|
我見到蜘蛛。
四圍好黑，但係我又好清楚咁見到隻黑色既蜘蛛係到。
黑色一舊野，四對腳。
我行埋去睇……
先發現係個人頭。
得一個披頭散髮既人頭，然後有八隻腳係條頸左右既位置。
我有少少睡眼惺忪。
見到一大班細路圍住我。
三男兩女……
兩個男仔係到玩我既既鐮刀，一個女仔係到玩我既腳，一個男仔係到摸我個頭。
仲有一個女仔係遠距離抱住條木柱望住我。
呢到係……村入面既一間大屋到？
係啦，發生緊咩事？
印象中，呢幾日約翰都係未醒，仲係三樓訓緊教。
我同三個徒弟就無王管，得閒出黎買下野，得閒又抹下屋。
好HEA咁過日子。
我間中會去狩獵魔物，但係始終都無辦法同佢地相處。
陪大徒弟卡珊德拉出黎購物已經係我極限。
徒弟都無限制我做咩，比我自出自入，都已經好好啦。
反而，同村民更好相處。
尤其係班細路，佢地會搵我一齊玩。
雖然我講唔到野，不過咁樣既生活其實都幾好。
今日我出左黎打下魔物，打完就去條村到HEA下。
之後就撞到班細路，同班細路玩完之後好累就訓著左。
我伸下懶腰，班細路就即刻散開哂。
有個男仔用石頭掟我。
好痛呀喂。
和平既日子真係好。
通常我咁樣諗既時候，一定有唔好既事發生。
不過呢條村有結界保護，魔物又入唔到黎。
魔界軍隊又唔打到黎呢到咁遠，山賊更加無可能襲擊呢條大賢者別墅下面既村落啦。
其實都係好安全。
廚房爆炸？定係電腦大爆炸？
班細路嚇親，好驚咁望住我。
定D黎，無事既。
之後，有個男人入左黎間屋到。
「你地留係到唔好出去！唔好出去！」男人大叫。
我出去睇下先。
「你都唔好去……佢地目標係你！」男人捉住我講。
目標係我？
係咩人？係教皇？
又爆炸聲。
「地下室，你地幾個快D入地下室。」男人推左我地入間房既地下室入面。
唔知出面發生咩事。
「奇米拉蟲係邊？」突然間，聽到有另一個男人把聲。
「無，我唔知。」村民講。
「爸爸！」岩先果個細路女，怕醜妹突然間大叫。
怕醜妹衝左出去。
等等先呀！
喂！白痴呀你！
另外果幾個細路完全唔敢出聲。
不過已經太遲了。
果個男人已經發現左地下室既存在。
我示意果幾個細路唔好再出聲。
然後行埋出去。
費事佢殺埋果個女仔。
黑色既男人。
「奇米拉蟲？奇米拉蟲？唔係，係蜘蛛。」佢望住我講。
呢個男人好強。
絕對唔係我可以輕易戰勝既對手。
浮士德跪係地上面，大叫。
然後，一大班黑衣人走左入黎。
浮士德又企返起身，又問：
「蜘蛛大人好靚女！
蜘蛛大人係我新世界既神！
蜘蛛大人自有永有！
蜘蛛大人無處不在！
蜘蛛大人好銷魂！
女神大人好撚柒！
女神大人食撚屎！
|
https://ent.fanpiece.com/smalleyesentertainment/%E9%99%B3%E8%87%AA%E7%91%A4post%E7%AF%80%E6%97%A5%E7%9B%B8%E5%8F%88%E7%84%A1%E7%8E%8B%E6%B5%A9%E4%BF%A1%E4%BB%BD-%E5%86%8D%E6%83%B9%E9%9B%A2%E5%A9%9A%E7%96%91%E9%9B%B2-c1348767.html?mode=embed&pageno=1
| 2020-01-24T19:13:34 |
text/plain
|
陳自瑤post節日相又無王浩信份，再惹離婚疑雲！
陳自瑤(Yoyo) 早前喺社交網站分享自己己親手為囡囡QQ整嘅英雄角色主題生日蛋糕，又有分享囡囡喺母親節當日「親自操刀」為佢所影嘅相！兩張相嘅Yoyo都笑得十分開心，係「有女萬事足」嗎？
但不少網民又「舊事重提」，談及王浩信、陳自瑤離婚嘅傳聞，指呢兩張重要節日（囡囡生日、母親節）所影嘅相都係無Yoyo老公王浩信嘅出現呢！綜觀Yoyo嘅社交平台上，都係工作照、日常相，又或者同囡囡QQ嘅親子時光呢！
部份網民睇法：
係唔係真係離咗婚，就確實只有當事人先清楚，加上二人近日都未有再有進一步回應，加上又無合照出現，又確實令人懷疑呢！即使一直都有二人婚變嘅傳聞，加上王浩信不時與同劇女角蔡思貝、江嘉敏等傳出緋聞，但二人似乎都無故意以合照闢謠呢！
|
https://www.classes.com.hk/news/health/%E9%A3%9F%E5%AE%8C%E9%A3%AF%E7%B8%BD%E4%BF%82%E5%A5%BD%E7%9C%BC%E7%9E%93%EF%BC%9F%20%E6%95%99%E4%BD%A0%E9%81%BF%E5%85%8D%E9%A3%AF%E6%B0%A3%E6%94%BB%E5%BF%83%E5%A4%A7%E6%B3%95%EF%BC%81
| 2020-01-29T18:28:20 |
text/plain
|
無論你返工定返學，似乎總係避唔開「午餐使人昏昏欲睡」！食完飯就好鬼眼瞓，完全集中唔到精神……今日就由CLASSES教大家點樣避免飯氣攻心，唔會再想瞓冇得瞓！
要避免飯氣攻心，就要留意食物嘅GI指數。GI指數（Glycemic index）即係升糖指數，用嚟衡量當人體攝取咗50g 碳水化合物之後，2小時內嘅血糖值變化。即係咩呀？好難明呀！
原來人食咗野食之後，野食會分解為單醣，令血糖水平升高。如果食物GI值高，即係血糖水平會升得愈急愈多；而食物GI值低，就代表血糖水平會慢慢升高。血糖水平升得愈急，飯後就會出現昏睡感。所以，如果想飯後Keep住精神，就要食啲GI值較低（低於55）嘅食物啦！
講咗咁耐，到底咩先算係GI值低嘅食物呢？
低GI值食物：
中午嗰餐不妨轉吓餐單，睇吓仲會唔會「使人昏昏欲睡」啦！
|
https://www.fanpiece.com/search/?q=%E6%9D%9C%E6%B1%B6%E6%BE%A4
| 2020-01-18T18:14:15 |
text/plain
|
張沛樂著吊帶衫拍喱騷話「唔識擰」 令人諗起程美段？
Renee李蔓瑩終回歸喱騷，啊澤Facebook再現潛在女主持？
杜汶澤用打油詩寸何君堯，發文呼籲停止叫示威者做暴徒！
杜汶澤尊重員工6.12罷工 表明不會秋後算帳！
盧覓雪發文指自己畀"杜汶澤拖糧"，用"復仇者"講兩敗俱傷！
網紅睇呢D：程美段與杜汶澤之間……
程美段公開"7日出糧"錄音，喱騷 終於"跪低"為行政失當道歉！
咁X樣嘅「澤女郎」先可入屋：「你咪X耷低個頭」嘅Eeien？
|
https://www.shikoto.com/articles/83151/149722.html
| 2020-01-17T13:29:39 |
text/plain
|
毛毛細雨。
右手郁唔到，麻痺左。
我同風龍王只可以坐係油麻地某座舊樓既天台上面。
等待……唔知等緊咩。
我選擇既同伴係風龍王。
風龍王變左做人既型態。
外貌同一個普通既女仔無分別。
綠色微卷既長髮。
尖長既耳仔。
就好似係個異國美人一樣。
有種難以形容既氣質。
我地黎到香港。
7月14日既香港。
亦姐係Alice佢地全班轉生之後既第二日。
風龍王無乜傷。
可能呢D就係經驗既差距，佢好似無乜點中過子彈咁。
我地比蜘蛛傳送黎香港既時候，即刻比一班奇怪既部隊襲擊。
特種部隊既名。
就算用特殊技能，情報掌握，對呢個部隊都只係一知半解。
淨係知道佢地係Uncle Sam既一支部隊。
同其他既斬首部隊好唔同。
Uncle Sam要襲擊我地？
我地既敵人係Uncle Sam？
佢地同Alice有咩關係？
如果係普通既特種部隊，應該唔會用到咁奇怪既裝備。
帶有神經毒素、麻痺毒素既子彈。
正常黎講，用得槍就應該係要直接殺死對方架啦？
如果唔想殺對方，先會用麻醉槍。
之但係子彈同時帶有毒素。
姐係話特種部隊既敵人，無辦法同步槍快速擊殺？
既要用子彈，又要用毒攻擊。
就好似專門用黎對付怪物既武器。
——就好似我同風龍王咁。
我同風龍王逃走到一座大廈入面。
走到去天台之上。
養住傷先。
似乎佢地仲未打算強攻入黎。
無人既城市。
呢個香港好奇怪。
一個人都無。
明明係熟悉既街道，但係一個人都無。
我開始懷疑，呢到究竟係咪真係香港。
特種部隊。
莫名其妙既事實在太多，我依家都唔知點做先好。
不過肯定既係，我地首先要避過子彈蟻既攻擊先。
天台道門無打開既跡象。
佢地打算放過我地？
咁樣實在係太奇怪。
然之後，有個無人機飛左上黎。
無人機上面有枝機槍。
風龍王即時張開左結界。
暴風擋住左子彈。
隨後，又有幾部無人機飛左上黎。
今次係火箭炮。
風龍王張開弓，疾走上去。
風龍王一下消失左，半秒之後出返黎，避開左攻擊。
幾枝箭至弓而發，正中幾架無人機。
無人機應箭爆炸，紛紛被風龍王擊落。
呢個時候，一部直升機飛埋上黎。
上面有個人拎坐機槍，向我地掃射。
打唔中，機師控得好好！
但係我比佢地既攻擊打中。
全物唔知幾多個地方中彈。
|
https://www.hellotoby.com/zh-hk/d-list-dir
| 2020-01-21T00:28:41 |
text/plain
|
HelloToby齊集全港最新最齊全嘅美容資訊，為你解構暗瘡、色斑、眼袋等十幾種皮膚問題嘅成因、預防同根治方法。 心思思想做脫癦、脫毛、去眼袋、激光去斑等等嘅Treatment？ 快啲睇吓我地整合嘅療程簡介，了解返每個treatment嘅原理同功效，睇吓邊個適合你，記得留意埋我哋平台嘅獨家優惠！
【去斑】雀斑、曬斑、荷爾蒙斑點分？ 去斑三部曲助你擊退色斑！
去眼袋、去黑眼圈、撫平眼紋 點先最有效？「膠原眼袋槍」幫到你！
【無痛脫墨】CO2激光脫癦、脫痣價錢－逐粒計？ 任脫？
【海藻矽針】毛孔粗大？暗瘡痘印？海藻矽針即時解決！
Thermage點樣增生膠原蛋白？ Thermage效果、價錢、副作用大揭秘！
【暗瘡印救星】如何徹底擊退嚴重凹凸洞暗瘡？
油脂粒點形成？ 如何處理？ 消滅面上暗粒四個必學方法！
5個去粉刺妙招 徹底清除難搞閉鎖性粉刺！
毛孔粗大點解決？收毛孔要去美容院？ 收毛孔方法逐個睇！
黑頭清極仲有？ 去黑頭天然秘招 5分鐘將黑頭連根拔起！
【針清知多D】針清係咩？針清好處？針清價錢？
【孕睫術大比併】電眼睫毛、角蛋白睫毛點揀好？
秒懂皮膚敏感成因－紓緩皮膚敏感由日常護膚做起！
即時除皺緊緻？了解RF射頻抗衰老神效！
【法令紋好顯老？】一文了解法令紋成因、類型、保養方法！
【果酸換膚小知識】咩係果酸換膚、咩人最適合、邊類產品適合你？
|
https://rentatruck.hk/2019/05/%E6%87%89%E8%A9%B2%E8%B2%B7%E8%BB%8A%E5%AE%9A%E7%A7%9F%E8%BB%8A%EF%BC%9F/
| 2020-01-18T18:37:13 |
text/plain
|
應該買車定租車？
好多人都話：“租車咪等於幫人供車， 不如買車好過啦！”
其實無錯，不過如果遇到：
急需貨車應付短期需要。
相信好多人都會有上述嘅問題。呢個時候租車易幫到你！除此之外，租車易嘅價錢仲包括埋：
若果選擇租車，市面咁多貨車出租公司，有啲平得好緊要，究竟有無伏？先租後買唔好咩？
不如大家睇睇下面嘅比較：
有好多租車公司，或者物流公司出租嘅貨車，租金好平，原因好簡單，一來維修保養縮水，其次遇上交通意外時，由於未必買正規出租貨車嘅保險（所以租金咪可以平一截），遇上交通意外時，唔好彩對方話整親條頸，要你陪十幾萬，你都唔知點算！
又有人會話，不如先租後買喇，反正都係畀錢，過幾年仲有得拎埋架車㖭！
條數當然唔係咁計喇…首先，先租後買硬性規定你起碼要租返三幾年，根本同買車供會無分別。好喇辛辛苦苦供完，仲要畀返6位數代理，佢先會畀牌簿你！計計埋埋，貴過買車起碼十幾萬！不如直接買車好過！
租車易就完美平衡各種需要，價廉質素好之外，專業嘅技術團隊為各位提供優質嘅貨車，而且全線貨車包括正規租車保險，全保顧客揸得安心放心！
市道唔好，運輸業嘅手足一樣無煩惱！
全新Hiace即將登陸租車易！
全新車型：吊機車 及 2、5類危險車登場！
查詢 / 預約租車！
|
https://www.thenewslens.com/article/119551
| 2020-01-19T02:20:54 |
text/plain
|
呢篇係筆者頗抗拒動筆，但最後決定寫出嚟嘅文章。作為一個關注精神健康嘅團體，我哋理應鼓勵大眾，有抑鬱症唔好諱疾忌醫。根據英國健康組織NICE建議，有嚴重抑鬱症或者抑鬱症久久不癒嘅人可以考慮抗抑鬱藥治療。絕大部分整合分析（meta－analysis）都發現抗抑鬱藥對抑鬱症頗為有效，可以話係治療抑鬱嘅有效手段。可能在坐都有人考慮過服食抗抑鬱藥，但唔知你地又有冇聽過，啲藥係點樣研發出嚟嘅呢？
就好似任何藥咁，抗抑鬱藥係臨床測試之前（Clinical Trial）都會通過一系列動物測試。聽到呢度你可能會問：咦，我哋點知隻動物係咪抑鬱先？要試藥就要定義抑鬱，而隻動物唔會同你講佢好唔開心㗎嘛。就呢個問題，心理學家有好多嘅測試方法，我就同大家分享兩個比較著名嘅──分別係「絕望深淵」（Pit of Despair）同「強迫游泳」（Forced Swimming Test）。
絕望深淵係一個籠，裝住一個倒三角形，入面有水同食物盒。研究員哈里·哈洛（Harry Harlow）將啲猴子放咗係入面最少三個月。咁點解叫「絕望深淵」？原來呢個籠嘅設計，係唔會俾啲猴子同外界有任何形式的溝通，連研究院嚟補水補食物，佢地都唔會見到。除此之外，倒三角形嘅設計會令啲猴子非常唔舒服。所以佢地就一直喺嗰度，無同伴，唔知發生咩事，又會受痛楚咁日日夜夜受折磨。開頭啲猴子都會想沿住個倒三角形逃出生天，但係佢哋爬呀爬，始終走唔到出去。呢個時候，佢哋就會非常絕望、放棄抵抗，知道自己做咩都改變唔到自己受嘅苦，就會進入習得性無助（Lerent Helplessness）嘅狀態。強迫游泳測試嘅原理都係差唔多，研究員會掉啲實驗動物入一個裝咗水嘅圓桶入面，開頭佢地會嘗試逃走，但係好快就會發現乜都做唔到，就郁都唔郁，同樣都係呢種對現實嘅無助令佢地進入習得性無助狀態。
「絕望深淵」與「強迫游泳」設備。
咁同抑鬱藥有咩關係呢？研究員假設動物嘅習得性無助，同抑鬱症病人嘅絕望感好相似，所以佢哋會試下抗抑鬱藥可唔可以消解呢種無助感。例如係第一次強迫游泳測試完咗24個鐘頭之後，研究員會再掉啲實驗動物入個水桶度，然後會記錄食咗抗抑鬱藥嘅動物比起冇食嘅，會唔會係放棄抵抗之前堅持耐啲。如果係嘅，研究員就會下結論嗰隻抗抑鬱藥有效。
呢種實驗，無論係學術或道德上爭議性都極大。爭議嘅核心，就係究竟動物嘅呢種行為表示出嚟嘅「絕望」係咪同人類嘅絕望同一性質。如果唔係嘅話，呢類實驗自然就冇學理基礎，因為佢量度緊嘅嘢同人類嘅抑鬱狀態冇乜關係。如果係嘅話，咁就有道德爭議。有啲支持動物實驗嘅學派，認為動物只不過係對環境刺激作出反應嘅機器，例如法國著名哲學家笛卡兒（Rene Descartes）就抱持呢個觀點。或者佢哋認為動物雖然有感覺，但係佢哋嘅痛苦比較低層次，例如化妝品測試，啲研究員會塗化妝品落兔仔隻眼上面。雖然佢哋啲眼俾人監生攋爛會痛，但係呢啲肉體上嘅痛楚係比唔上人類絕望、憤怒、傷感呢啲精神痛苦咁高層次，所以動物測試可以接受。但係抗抑鬱藥嘅測試嘅性質好唔同，因為佢學理上假設咗動物所受嘅苦係同人無本質上面嘅分別。如果係咁，我哋係咪應該繼續呢啲研究呢？動物嘅能力唔及我哋，但如果單純因為咁，我哋不停轉嫁自己嘅痛苦去弱者度，又係唔係一件合理嘅事呢？
呢啲問題去咗倫理學範疇度，亦唔係三言兩語可以講清。筆者寫呢篇文章，只係想點出抗抑鬱藥背後較鮮為人知嘅真相，最後服唔服抗抑鬱藥係個人選擇。但係最低限度，筆者想帶出一個訊息：就係當今人類嘅福祉，係建基於無數動物嘅苦難之上。就算我哋即時改變唔到生活模式，至少都應該常存感恩、盡量減少佢哋嘅犠性。
|
https://homebloggerhk.com/category/blog/%E8%82%A1%E5%B8%82%E6%96%87%E6%91%98/%E8%82%A1%E7%A5%A8%E5%80%8B%E6%A1%88/page/3/
| 2020-01-24T23:48:33 |
text/plain
|
股票既贏輸模式好簡單，買入股票後，股價上升，就贏錢；股價下跌，就輸錢。但玩期權，有一個優勢，就係可以做到升跌都贏錢。識得呢種玩法，個人認為，幫助好大。 點解咁講？ 最近keep住有朋友睇淡港股後市，問：「咩價位可以做Long Put？」 但其實除咗Long Put之外，仲有其他更好既策略選擇。呢度，先講Long Put既好處同唔好處。 附圖係今日既恒指期權報價。即月期指，報28939/28941點。做Long Put，「最大路」既買法，就係揀少少價外既即月期權，例如係28400點Put。 呢個位，期權金要244點。買一張大權，50蚊一點，即使要俾$12200。咁買法，好處有兩個。第一，輸極最多都係$12200，就算你估市估得好錯，都係最多只會輸呢個數。第二，假如俾你估中咗方向，恒指大跌，加埋「漲窩」，要賺幾倍以上回報，都唔係無可能。輸最多輸100%，但贏可以贏200%、300%，甚至更多。呢個就係值博率既來源。 不過，如果你問我，Long Put未必係現時最好既策略，因為，輸錢既機會好高。 以上例子，假如恒指到月底結算跌唔低過28156點，事實上投資者都仲要輸錢。長期做Long Put既最大問題，就係好容易令人輸到放棄，用真正值得博既時候，就再無動力去博。 我認為，更好既做法，係可以先利用高贏面既期權策略，做到市升照贏錢，但市跌贏更多既局面。 善用期權可以大幅提高贏錢機會既特性，就可以做到呢點。直至他日恒指出現明確跌勢，再加埋現時賺到既錢以小博大，博中的話，回報率就會更高。呢個，亦係我自己現時運用於港股既做法。 有朋友PM問期權班資料，呢度都容許我賣下廣告。新一輪期權班會喺8月6號開始，連續3個星期二舉行。 今個星期六，7月6號，會先有免費期權新手班。我會同大家分享點解識用高贏面策略咁緊要。又如果博中方向，期權最多可以賺到幾多倍回報，仲有一啲買賣期權既小貼士。 有興趣既朋友，可於以下連結報名。報咗名既朋友，到時見。 風險聲明：筆者為證監會持牌人。以上內容並不構成投資建議。投資者於投資前必須充分了解產品風險，自己的財務狀況及投資目標，並諮詢專業顧問。
今早，恒指雖然微升，但明顯睇到，大市成交已回落至低位，港股半日成交額只有344億元。 呢個情況下，港股唔會升得去邊，中線，我會繼續睇跌。但短線，變數太多，難以預測。所以，期權策略，我仍然會繼續做住一啲又有時間值賺既方法先，務求可以升又賺，跌又賺，待大市有明顯方向，再作其他部署。 至於有朋友好擔心3間中國銀行違反北韓傳召令既事件，認為如果美國追究，幾間銀行隨時執得。 我既睇法係，特朗普好可能又會將呢件事，變成談判既一部份。好似，之前既中興一樣。 事實上，特朗普當時絕對係有能力令中興倒閉，但佢無咁做。中興股價，亦已較去年低位回升返好多。今次，3間銀行既前景，我自己又唔係咁擔心。 反而，我擔心既係，有唔少熟悉內地金融既行家近月都同我講過，好多內地私企其實一早已經係資不抵債。 另外，內地企業債違約既情況，都正在不斷惡化。評級機構惠譽指出，現時中國私營企業債務違約率約為4%，以國際水平而言已不算低。如再惡化，都咪話唔大件事。 詳細情況，我唔多講，人家可以自己google「內地企業債違約」。 但債務問題，永遠都係，未到臨界點，可以一直都無事。不過一爆，後果將一發不可收拾。 都係轉玩美股，安心好多。 風險聲明：筆者為證監會持牌人。以上內容並不構成投資建議。投資者於投資前必須充分了解產品風險，自己的財務狀況及投資目標，並諮詢專業顧問。
G20，我覺得唔係最值得大家關心既事。反而，一啲內地金融機構不穩既消息，先令我最擔心。 如果大家有睇到，招行(3968)現下跌逾8%，原因係有私募基金公司，涉嫌走數，全間公司消失無蹤。類似事件，我預期，將陸續有來。 港股，我一直都話，短期可以有反彈出現，但要徹底轉跌為升，可能性不大。我個人倉位，港股，早已一股不留，轉玩美股。 就算美股已經升咗咁多，如果想穩陣，現時，我都仍然會建議大家轉玩美股。 想再穩陣啲，可以買公用股。 鬥短線，當然，公用股既回報唔會係最亮麗。但鬥長線，識得揀股的話，回報係可以非常吸引。而最重要，係公用股會比一般股票穩陣好多。 總之，玩緊港股既朋友，小心風險啦。最壞既情況，可能未到。 關於美股公用股，一陣出post 再講。 風險聲明：筆者為證監會持牌人。以上內容並不構成投資建議。投資者於投資前必須充分了解產品風險，自己的財務狀況及投資目標，並諮詢專業顧問。
【莫家強】近年嚟香港上市既，係乜嘢公司？
究竟，近年嚟香港上市既，係乜嘢公司？點解大部份呢啲股票，一兩年後，都變哂死股？ 我既思想比較古老。我認為一間公司，要有穩健既盈利基礎，同發展到有咁上下規模，然後先應該有資格上市。 但近年既情況係，好多公司老闆，掉返轉，係視上市為賺利既途徑。間公司未賺到錢，未run得掂，又如何？短期條數，要整靚佢有幾難？盈利預測既嘢，講就得架啦，更加無問題。總之，上咗市，大股東就有錢賺，過咗海就係神仙，間公司往後幾年，再營運成點，已經唔重要。 過去幾年，一隻又一隻呢啲公司，好似完全暢通無阻咁，成功來港上市。 講呢樣嘢，事源有股票班同學問我，對新股思考樂教育集團(1769)點睇。借呢隻股，又講吓我既睇法。 不過，首先，我想問大家，如果想分析佢既基本因素要睇啲咩？ 招股書？ 你真係相信招股書上寫既嘢？ 招股書要睇。但我建議大家，要再勤力少少，睇一啲招股書以外既資訊。對於大部份公司嚟講，好簡單，google個公司名，已經睇到好多嘢。 先講官方資料。呢間公司，成立於2012年。喺廣東省及福建省5個城市，截至2016年底，有28間學習中心；2017年底，去到49間；2018年底，54間；最新數字為61間。 規模唔大，但學習中心數目既增長速度，相當快。 不過，有財經記者，問咗佢哋既管理層一條好好既問題。收生人數增長未能追上擴展步伐，部分區域教室利用率僅為5成左右，問：「如何改善教室利用率低既問題？」 管理層話，呢個叫「爬撥期」，未來會發展更多內需產品及作更多市場推廣。咁既答案，其實同答你無嘢可以做，係無乜分別既。 再者，你收生都未攪得好，繼續開鋪，為乜？ 再睇網上評論，你會睇到個brand一啲都唔響。然後，有人問呢間機構好唔好，佢竟然用自己帳號自己讚自己，話自己做得不錯。作為將要上市既公司，真係有啲弱雞。 呢間公司，呢一刻，真係已經ready上市？ 當然，新股，頭兩個星期既升跌，同間公司既質素可以係全無關係。呢隻，我自己無興趣抽，但你要抽我唔會阻你。不過，以佢管理層既能力，我真係睇唔到點樣可以營運到過百間學習中心。時間一長，股價就會反映。 會唔會又係另一隻cap完水就理得你既股票，大家心裡自有答案。 一個股市強唔強，好睇啲公司可唔可以將價值注入股市。簡單講，就係如果每一間公司都賺到錢，又肯同投資者分享盈利成果，咁個股市就會愈變愈強。相反，隻隻都係嚟抽水，當然點都會有一啲人得益，但整體股市就會愈做愈衰。 港股，仲有一啲舊股票質素好好，但大家要識揀先好買。至於整體嚟講，繼續咁攪，唔會有咩前途。短線，跌咗咁多，未來有大反彈出現，實在都唔出奇。但中線，我睇得幾淡。 最後，睇吓可唔可以令大家接受以下呢個concept。 股票，唔係零和遊戲。一間正正經經做生意既公司，只要能夠每年賺錢，而又肯同股東分享成果，咁所有買呢隻股票既投資者，絕對係可以一同賺錢。買呢類股票，賺錢，容易好多。 近期唔少股價破頂既美股，我就係以呢個概念做基礎揀出嚟。愈多呢啲股票，個股市就會強。而且，呢個，我認為先係投資股票既本質。 風險聲明：筆者為證監會持牌人。以上內容並不構成投資建議。投資者於投資前必須充分了解產品風險，自己的財務狀況及投資目標，並諮詢專業顧問。
【莫家強】期權短評 – 反彈完，係咪可以造淡？
有朋友問：「反彈完，係咪可以造淡？」今日，就集中講呢樣嘢。 有睇開呢個專頁既朋友，應該都會清楚我既睇法。港股，我個人相信中線未跌完，要徹底轉跌為升，絕不容易。 但短線，我都講過，我唔會去估，因為實在變數太多。我既做法係，先用策略賺住時間值先，然後等機會出現，再決定下一步行動。如今，港股有一個唔錯既反彈出現，嚟緊就要開始睇實。 咁要睇啲咩？ 1) 升既時候，成交夠唔夠？同會唔會持續增加？ 成交，係有無錢重回股市既指標。如果嚟緊個市繼續升，而成交一直上漲，咁我都唔會盲目到夾硬開淡倉。不過，若今日之後既上升日子，成交好快就回跌，咁個市應該都唔升得去邊。到一啲阻力位，就可以造淡。 2) 上升股票既數目，夠唔夠多？ 今日，ok既，上升股票數目話哂都有過千隻。但往後如果個市再升，會唔會仍然有咁多股票上升。 指數升，但上升股票隻數減少，就係一個大戶托沽貨既警號。大家都明，升市沽貨，中央政府會由得你。但喺大跌市中沽貨，其實內地唔係咁鍾意。所以，若見到之後指數一直升，而啲下跌股票數目不斷增加，就要好小心。 呢一刻，我自已未有太大行動。美股，賺得相當唔錯，破頂既股票，大家可以繼續揸。 港股，同上星期比，當然都睇返好少少。暫時，都係繼續收住時間值先。下一步點做，決取於以上觀察要點既結果。 風險聲明：筆者為證監會持牌人。以上內容並不構成投資建議。投資者於投資前必須充分了解產品風險，自己的財務狀況及投資目標，並諮詢專業顧問。
近月，好多人鐘意維他奶(0345)。噚日上堂，我又講過日清(1475)。之前，又有人問過Beyond Meat (BYND)。今日，三隻股票，一齊講。 呢類公司，我會好睇重一樣嘢，就係佢哋ready-to-consume 層面既銷售，做得好唔好？ 即係點？我用例子答。 維他奶，做得超好。基本上，我哋買盒維他奶，或者係檸檬茶，就已經可以即時飲用。咁樣講，好似好理所當然。但假如，佢既包裝設計得無咁好，又無附送飲管，飲落無咁方便，你會唔會買少咗？ 再者，你想飲凍既維他奶，便利店已經雪凍咗俾你。冬天，你要飲暖既維他奶，佢哋又會有個暖櫃暖俾你。又有自動售賣機，又邊到都買到，即買即飲，維他奶喺ready-to-consume 層面既銷售，做得超好。呢樣嘢，幫佢哋賣多好多貨。 。。。。。。。。 日清，主打產品，係出前一丁。老實講，我早排先揾到幾包過咗期既出前一丁。大家都知，出前一丁既食用期好長，擺到過期，即係話我有好耐時間都無喺屋企煮過一丁。 但我有食即食麵，通常都係出街食。因為，出街食，有人煮埋俾你之餘，仲要有餸，或者可以叫炒丁，我自己炒得唔好食。 淨係擺喺超市賣，唔夠。有茶餐廳都幫你賣一丁，你會賣多好多。 但呢樣嘢，日清做得未夠好。起碼，好多餐廳都唔係用出前一丁，係用頂好大光麵。但假如，日清可以做到，茶餐廳唔單止用返一丁，仲要feature埋，喺餐牌大大幅圖幫你sell唔同配搭、煮法既一丁，我肯定，佢會賣多好多貨。 另一產品，杯麵，同樣道理。Ready-to-consume，即係你要有多啲地方，有夠熱既熱水，有食具，有個企位俾客人食。 我哋都做過學生。舊時讀書，放lunch，我不時都會去便利店食杯麵。 大家都明，今日，一個學生餐，平極都要30蚊。一個杯麵，加嘢飲，十幾蚊攪掂，慳返既錢，可以買自己嘢。你做到俾人ready-to-consume，賣貴少少都好，學生們都會識揀。 。。。。。。。。 Beyond Meat，有朋友話，食植物肉係大趨勢，間公司會好。唔一定囉。 無錯，食植物肉係一個差不多必然會發生既大趨勢，但就算係咁，你唔會知道，邊間公司先係呢個浪潮既最終贏家。 但今日，Beyond Meat，你放超級市場賣，sorry，我唔會買囉。除非，你能夠叫麥記幫你出個包，我就應該都會試吓。試過，唔伏，又幾好食又唔係太貴的話，我會繼續食。 Beyond Meat 公司既出路，我認為最直接，就係同國際連鎖快餐店結盟，建立好ready-to-consume層面既銷售渠道。做得到，間公司既市值，有機會上升百倍、千倍以上。 不過，咁容易咩？ 你一間新公司，又未有穩定盈利，同人傾，人哋點都會offer 啲harsh terms俾你。又或者，同你簽兩年約，學哂你啲技術，起你飛腳，又得。亦可以，跟住你個樣，自己研發。甚至，唔跟你既recipe 做植物肉，完全自己研發，但做得好食過你，以國際連鎖快餐店既財力、資源，都唔似係好難既事。 Beyond Meat，的確，若然能夠成功企穩陣腳，或俾人睇中收購，股價將有潛力升到飛天。但佢成功既機會，唔係超級高。 呢隻股票，大家可以用一個買獎券既心態去買。中咗獎，升100倍以上，都唔係無可能。而且，佢既好處係，佢係一張無期限既獎券。一日間公司未certified，一日都仲有機會派彩。 講多少少。我上堂講過，有科學家話，要解決糧食問題，就要食昆蟲。 Sorry，我一定唔會食，我個仔都唔會食。但我個孫，睇嚟就走唔甩。食蟲呢樣嘢，又係差不多肯定會出現既事。之不過，靠賣食用昆蟲發達、賺最多錢既公司，今日可能都仲未成立。邊個係呢個浪潮既最終贏家，暫時，仍然係未知之數。 上Youtube，睇返Amazon老闆Jeff Bezos 1999年做既訪問，你就會更加明白我以上講既嘢。Jeff Bezos 眼光之準，同果種可以掌握、帶動未來趨勢既能力，真係唔到你唔服。所以，佢做到全球首富。 但其實，有唔少趨勢、浪潮，我哋普通人都有能力睇得到。只不過，有啲浪潮，贏家明顯啲；有啲浪潮，贏家無咁明顯，變數好多。 但我哋可以，揾一啲明顯會受惠於一啲浪潮，又有「護城河」既股票，長期持有。就係呢個原因，你應該會明白，點解我成叫人揸啲最好既信用咭公司。 唔知大家鍾唔鍾意睇我呢類既股票分析文章。鍾意既，我就寫多啲。 利申：持有Visa 股票。 風險聲明：筆者為證監會持牌人。以上內容並不構成投資建議。投資者於投資前必須充分了解產品風險，自己的財務狀況及投資目標，並諮詢專業顧問。
|
https://zh-yue.m.wikipedia.org/wiki/%E5%B7%B4%E8%96%A9%E9%9A%86%E6%8B%BF
| 2020-01-22T21:29:42 |
text/plain
|
巴薩隆拿（粵拼：baa1 saat3 lung4 naa4，Barcelona），又譯做巴塞隆拿、巴塞羅拿，係西班牙第二大城市，亦係西班牙加泰羅尼亞自治區首府、巴薩隆拿省（隸屬加泰羅尼亞自治區）省會。巴薩隆拿位於伊比利亞半島嘅東北面，瀕臨地中海。地理坐標係（41º 23' N, 2º 11' E）。人口約160萬。
相傳該城由迦太基會領、漢尼拔阿爸哈米爾卡·巴卡所興建，喺佢漫長嘅歷史上重做過巴薩隆拿伯爵領地同阿拉貢王國嘅首府。巴薩隆拿因為佢眾多歷史建築同文化景點成為眾多旅遊者嘅目的地，代表有被命名為世界文化遺產嘅安東尼·高第同多門內克·蒙塔內嘅建築作品。
著名建築師安東尼·高第一直喺巴薩隆拿生活同工作，喺呢度有佢好多嘅作品。其中最著名嘅包括桂爾宮（Palau Güell）、桂爾公園（Parc Güell）同聖家堂（Sagrada Família）。規模宏大嘅聖家堂從1882年開始建造，到而家重未完工。
巴薩隆拿（Barcelona）地名嚟源於古代腓尼基語Barkeno（希臘語Βαρκινών，拉丁語Barcino、Barcelo 、Barceno）。中世紀亦曾用Barchinona、Barçalona、Barchelona、Barchenona作地名。
關於城市嘅建立有兩挺觀點，不過都同哈米爾卡·巴卡有關。第一挺認為該城由古代英雄赫拉克勒斯喺羅馬建立前400年（大概喺公元前1153年）建立，後哈米爾卡·巴卡喺公元前三世紀重建並以自己嘅姓氏命名。而第二種說法認為哈米爾卡·巴卡直接建立咗巴薩隆拿。
大概喺公元前15年，羅馬人以「台伯山」（現市政廳近鄰嘅一座細丘）為中心會城市重新規劃為一座羅馬兵營。其後巴薩隆拿作為羅馬人嘅殖民地被嗌做Colonia Faventia Julia Augusta Pia Barcino 或Colonia Julia Augusta Faventia Paterna Barcino。
喺羅馬地理學家梅拉嘅描述中巴薩隆拿重係一啲細鎮組成嘅地區，不過喺後世學者眼入邊，巴薩隆拿因其獨特嘅位置同天然良港逐漸富庶起嚟，唔使負擔沉重嘅帝國財政，重可以自己鑄造貨幣。
時到而家日好多羅馬時期嘅重要建築都經已嚴重損毀，不過喺著名嘅歷史名勝區「哥德區」重可睇出昔日嘅格狀規劃。一啲殘存嘅羅馬時期嘅城牆被集中喺公元343年始建嘅拉蘇大教堂中。
公元五世紀早期巴薩隆拿被西哥德人征服，八世紀早期被摩爾人征服，不過公元801年查理曼大帝個仔路易將佢佔領並令佢成為加洛林王朝嘅西班牙邊疆區，由巴薩隆拿伯爵統治。喺公元985年被阿爾-曼蘇爾洗劫之前巴薩隆拿亦係基督教喺伊比利亞半島嘅前沿堡壘。後嚟巴薩隆拿伯爵日漸顯示出佢嘅獨立性並擴張領地直至統治成個加泰羅尼亞。公元12世紀因王室聯婚嘅結果巴薩隆拿伯爵頭銜由阿拉貢國王拉米羅二世繼承，加泰羅尼亞併入阿拉貢王國，到13世紀阿拉貢國王統治咗包括那不勒斯、西西里在內嘅西地中海，重一度統治雅典。隨後阿拉貢王室同卡斯蒂利亞王室聯婚，兩國合併形成咗今日西班牙嘅主體，加泰羅尼亞成為西班牙嘅一部分，獨立性日漸減少。不過時到而家日重有加泰羅尼亞獨立運動存在。
巴薩隆拿位於伊比利亞半島東北部，面臨地中海。城市主體建於科爾賽羅拉山嘅一塊高地上面，高地面積約160平方公里，城市佔據咗其中嘅101平方公里。洛布里加特河流經城市西南，巴索斯河流經城市北邊。距離法西邊境嘅庇里牛斯山脈約160公里。
科爾塞羅拉山係沿海山脈嘅一部分，緊鄰城市東北部，最高點第比達博峰海拔512米，可以鳥瞰全城。而喺城市嘅絕大部分地區可以睇見山頂高 288.4米嘅無線通訊基站科爾賽羅拉塔。巴薩隆拿整體處於丘陵地帶，城市嘅好多街區以近鄰嘅細丘命名，好似卡梅爾（海拔267米）、普特賽特（海拔181 米）、洛維拉（海拔281米）等。著名嘅蒙特胡克懸崖位於城市西南，高173米，從山頂可以俯瞰成個巴薩隆拿港，因為佢優越嘅地理位置，巴薩隆拿人喺 17-18世紀修建咗可以控制成個城市命脈嘅蒙特胡克城堡並取代咗修塔德拉城堡。如今蒙特胡克城堡經已成為一座博物館，而蒙特胡克區係眾多體育同文化組織嘅聚集地。
巴薩隆拿嘅氣候屬於地中海式氣候，冬季溫暖潮濕而夏季炎熱乾燥。一月、二月係最凍嘅季節，平均溫度攝氏10度。喺巴薩隆拿，落雪係好鬼罕見嘅情況，所以每次落雪都被特別記錄落嚟。而七月、八月最熱，平均溫度攝氏25度。巴薩隆拿市區歷史上有記載嘅最高溫度係攝氏38.6度，位於第比達博山嘅法布拉氣象台曾有過攝氏39.6度嘅記錄。巴薩隆拿最先由古羅馬人所創建，至今經已有2000幾年嘅悠久歷史，係西班牙著名嘅歷史名城。相傳2000幾年前嘅一日，嚟自古羅馬嘅一支船隊抵達今日嘅巴薩隆拿沿岸，其中乘坐第九艘船嘅人上岸定居。巴薩隆拿一名即由古羅馬語第九艘船（Barca Novena）衍生而嚟。衍生出嘅巴薩隆拿（Barcelona）一詞，另據說係由酒吧（BAR）、天空（CEL）同波浪（ONA）組成嘅。原因大概係酒吧幾乎遍及巴薩隆拿嘅大街細巷，有啲豪華，有啲簡陋，每到夜晚，入面都坐滿咗飲酒狂歡嘅人。巴薩隆拿嘅天空清澈碧藍，陽光充沛，而日照時間好長，1992年奧運會期間，晚黑9點鐘以後個天重係好光。
巴薩隆拿因佢數目眾多、特色鮮明嘅公園而著名。全市共有68座市立公園，其中12座歷史主題公園、5座植物主題公園。45座市區公園同6座森林公園。呢啲公園大細不一，總佔地面積大概549.7公頃，幾乎佔據咗城市面積嘅1/10，並以每年10公頃嘅速度增長。平均每個居民佔有18.1平方米嘅公園面積。
位於蒙特胡克山，佔地203公頃嘅蒙特胡克公園係巴薩隆拿最大嘅公園，隨後係佔地31公頃，包括市議會大廳、動物園同幾個博物館嘅修塔德拉公園、佔地19公頃嘅古因那多公園、由高第設計佔地17.2公頃嘅桂爾公園、同樣佔地17.2公頃嘅奧倫內塔堡公園、佔地13.3公頃，2002年開放嘅斜角廣場公園、佔地13.2公頃嘅諾·巴里斯中央公園、同樣佔地11.9公頃嘅坎德拉貢體育公園同波布里諾公園、佔地9.1公頃，以花園式迷宮命名嘅拉比內斯公園。
巴薩隆拿海岸線總長4.5公里，分做7塊海灘，其中聖塞巴斯蒂亞灘同巴塞羅內塔灘係最大、最著名、遊客最多嘅兩個，均約長1.1公里。剩低嘅5個海灘（分別係諾瓦·伊薩里亞灘、博加特爾灘、瑪·貝拉灘、諾瓦·瑪·貝拉灘同萊萬特灘，長度喺400米到640米之間）同兩個大海灘被奧林匹克港隔開。為迎接1992年夏季奧運會巴薩隆拿市政當局拆咗大批工業同港口建築，所有海灘都對遊人開放，2004年世界文化論壇後好多海灘成為海濱浴場。
加泰羅尼亞廣場同鄰近一帶係巴薩隆拿嘅歷史中心，阿文古達大道係最大嘅商業區，剩低嘅商業區重有斜角大道、斜角廣場、同所在地同名嘅馬奎尼斯塔、格羅雷斯同埋港口近鄰嘅瑪麗格南等。
巴薩隆拿嘅摩天大樓唔多，最高嘅係154米嘅雙子塔藝術酒店同邁普福雷塔，其次係新落成嘅高144米嘅阿格巴塔。
根據市政當局統計，截至2006年1月1號，巴薩隆拿市共有人口1,673,075，巴薩隆拿大都會區共有3,161,081，巴薩隆拿城市區共有人口5,327,872，面積4,268平方公里。
巴薩隆拿人口密度為每平方公里15,779人，位於老城區嘅外延區係人口密度最大嘅。62%嘅巴薩隆拿居民嚟自加泰羅尼亞大區，23.5%嚟自西班牙其他地區，13.9%係外國移民，最大嘅移民來源國有厄瓜多爾、秘魯、摩洛哥、哥倫比亞、阿根廷、意大利、巴基斯坦同中國（以人數排列）。
95%嘅巴薩隆拿居民識本地語言加泰羅尼亞語，同時有74.6%識講、75%識讀、46.1%識寫加泰羅尼亞語。絕大部分本地居民信奉天主教（教堂208處），同時有第啲宗教信仰流行，好似福音教派（教堂71處，絕大部分係吉卜賽人）、耶同華見證人教派（國王堂21處）、佛教（寺廟13處）同伊斯蘭教。
1900年巴薩隆拿共有居民533,000，喺1950年以前巴薩隆拿嘅人口都係穩定而緩慢嘅增長，此後因為吸收咗大批嚟自西班牙唔發達地區嘅人口而快速膨脹，1979年達到最多嘅1,906,998人。20世紀80年代同90年代好多人為咗提高生活質量逐漸向大都會區嘅外圍城市遷移，2000年時人口數目達到低谷，為1,496,266人。後嚟隨著大批年輕人返歸，人口又逐漸增長，導致房價快速上漲。
巴薩隆拿有悠久嘅商業傳統，比較之下佢作為歐洲大陸最早工業化嘅地區之一反而唔多人知。18世紀末紡織業喺逐漸興起，到19世紀中巴薩隆拿成為紡織品同紡織機器嘅重要產地，從此機械工業喺巴薩隆拿嘅經濟扮演越嚟越重要嘅角色，而家嘅主要工業有防治、化學、製藥、電機、電子、印刷等。喺進入20世紀下半葉後，服務業逐漸興起，物流、出版、電信、電腦起咗主導作用。
得益於佢藝術同創造嘅傳統，巴薩隆拿嘅工業設計優勢好明顯，同時因眾多嘅特色建築，巴薩隆拿能面向全世界舉辦眾多嘅博覽會，呢啲喺另一方面帶動咗旅遊業、酒店業嘅發展。巴薩隆拿港係地中海西岸嘅重要港口，喺貨運同客運方面都係。
根據默瑟爾人力資源諮詢公司嘅統計，巴薩隆拿係西班牙生活成本第二高嘅城市，僅次於首都馬德里，喺全世界亦排喺第31位。
巴薩隆拿嘅公立高等教育體系相當發達，校園遍布巴薩隆拿市區嘅巴薩隆拿大學（UB - Universitat de Barcelona）係其中嘅代表，另外重有加泰羅尼亞理工大學（UPC - Universitat Politècnica de Catalunya）、龐培·法布拉大學（UPF - Universitat Pompeu Fabra）等。私立大學中拉曼·魯爾大學（URL - Universitat Ramon Llull）因為旗下嘅埃薩德商學院（ESADE - Escola Superior d'Administració i Direcció d'Empreses）而著名。位於貝拉特拉（屬巴薩隆拿大都會區）嘅巴薩隆拿自治大學（UAB - Universitat Autònoma de Barcelona）係另一間著名嘅公立大學。
巴薩隆拿擁有從幼兒教育到中學嘅公立教育體系，由市政府負責管理（理論上係由加泰羅尼亞大區政府管理）。同時亦有好多私立學校，其中一啲屬於羅馬天主教教會學校。同西班牙嘅第啲城市一樣，巴薩隆拿市政當局亦面臨著為日漸增加嘅嚟自拉丁美洲、非洲同亞洲嘅移民子女提供教育嘅問題。
喺2000幾年嘅歷史中巴薩隆拿形成咗自己獨特嘅文化，同加泰羅尼亞大區第啲地區加泰羅尼亞語佔統治地位唔同，巴薩隆拿有兩挺官方語言：西班牙語同加泰羅尼亞語，而兩挺語言都得到廣泛採用。巴薩隆拿嘅中加泰羅尼亞語同標準加泰羅尼亞語好接近。自從20世紀70年代西班牙實現民主後，喺獨裁時期受壓制嘅加泰羅尼亞本地文化蓬勃發展，舊有啲藝術形式恢復咗活力，新嘅藝術形式亦不斷湧現，全球化同世界級城市研究細組同網絡（Globalization and World Cities Study Group and Network，GaWC）令巴薩隆拿列為第三類全球城市。
巴薩隆拿有好多音樂廳同歌劇院，好似世界著名嘅格蘭·德爾·利索歌劇院（Gran Teatre del Liceu）、加泰羅尼亞國立歌劇院（Teatre Nacional de Catalunya）、勒呂爾歌劇院（Teatre Lliure）、加泰羅尼亞音樂宮（Palau de la Música Catalana）等。每年六月喺巴薩隆拿重有索納爾音樂節。
巴薩隆拿同加泰羅尼亞交響樂團（Orquestra Simfònica de Barcelona i Nacional de Catalunya，簡稱OBC）係加泰羅尼亞地區最大嘅交響樂團，1999年新音樂廳啟用，該交響樂團每年舉行大概75場音樂會。
巴薩隆拿有好多博物館同藝術館，涵蓋唔同地區同唔同時期嘅作品。
加泰隆尼亞國立藝術博物館（Museu Nacional d'Art de Catalunya (MNAC)）藏有從11世紀到20世紀嘅藝術品，其中包括大批仿羅馬藝術作品。
巴薩隆拿現代藝術館（Museu d'Art Contemporani de Barcelona (MACBA)）致力於收藏20世紀中到而家嘅加泰隆尼亞同巴薩隆拿藝術品。
畢卡索美術館（Museu Picasso），藏有畢卡索早期至藍色時期、粉紅色時期、立體派同陶瓷嘅作品。
米羅基金會（Fundació Joan Miró），藏有米羅早期至晚期嘅作品。
塔比埃斯基金會美術館（Museu de la Fundació Antoni Tàpies），藏有塔比埃斯嘅作品。
城市歷史博物館（Museu d'Història de la Ciutat），收藏巴薩隆拿考古文物。
加泰隆尼亞考古博物館（Museu d'Arqueologia de Catalunya），收藏加泰羅尼亞文物。
巴薩隆拿海洋博物館（Museu Marítim），收藏航海文物。
私立嘅埃及博物館 （Museu Egipci），收藏埃及文物。
巴薩隆拿嘅好多著名建築集中喺老城區嘅中心哥德區，呢度有好多中世紀甚至羅馬人統治時期嘅建築。19世紀中至20世紀中之間修建嘅眾多現代主義風格（Modernismo）嘅建築為巴薩隆拿增添咗好多亮點，特別又以安東尼·高第設計嘅建築作品最有特色，呢啲現代主義嘅建築之中有八棟被列為咗世界遺產。高第最著名嘅作品當屬由私人投資興建嘅聖家堂最有名。聖家堂始建於1882年，規模宏大壯麗，而家都重未完工。
巴薩隆拿因為佢豐富多彩嘅特色建築於1999年獲得英國皇家建築學會嘅皇家建築金獎，呢次係個獎至今唯一一次頒發畀一個城市整體而唔係單一個建築。
巴薩隆拿有八棟建築物被列為世界遺產：
巴薩隆拿有兩間出名嘅足球會，巴塞隆拿同愛斯賓奴。其中巴塞隆拿係世界最著名嘅足球會之一。
呢篇巴薩隆拿係關於地理嘅楔位文章，重未完成嘅。麻煩你幫手補充佢嘅內容。
|
End of preview. Expand
in Data Studio
Cantonese Chinese C4
Dataset Summary
Downloaded and processed using code based on another project attempting to recreate the C4 dataset.
The resultant traditional Chinese dataset can be found here.
This dataset contains data processed with CantoneseDetect.
In CantoneseDetect, you can choose whether to include quotes (i.e. categorise the data as Cantonese even if Cantonese appeared only in quotes).
And I found that a lot of entries came from Wikipedia and LIHKG. If you want to use the data from the two sites, you should use something else (not common crawl).
As a result, there are 4 files for each processed dump
- "no_quotes" -> filtered without quotes
- "no_quotes_domain_cleaned" -> filtered without quotes and removed Wikipedia & LIHKG
- "with_quotes" -> filtered with quotes
- "with_quotes_domain_cleaned.parquet"-> filtered with quotes and removed Wikipedia & LIHKG
- Downloads last month
- 197